Lenie neem finaal afskeid van Vernie se 'spook' in die garage. Beekman berei Amelia voor om die geld by die kerkie in Churchhaven af te laai, waar Susan 'n skokkende onthulling oor haar ware identiteit maak.

Wynand ontvang 'n boodskap van die ontvoerders om die geld vir die losprys af te lewer by die ou kerkie in Churchhaven. Donovan begin al hoe meer agterdogtig raak oor Susan en die vreemde Duitser, Heinrich Biermann (wat natuurlik Henry Cloete is).

Lizelle besoek Lenie en vind tot haar skok die waarheid uit oor hoe haar oorlede verloofde, Malcolm, vermoor is. Armand verras Amelia met nóg 'n skok.

Donovan is verbaas as Susan laatnag by sy woonstel opdaag. Wynand vra Lizelle om met haar broer te praat. 'n Geskokte Beekman volg Susan en Donovan na 'n kleinhoewe buite Langebaan.

Armand ontstel Wynand. Susan jok vir Amelia oor Donovan Keyser en vertel haar nie van die geld wat hy gewen het nie. Beekman gee Armand 'n oorveeg.

Amelia konfronteer Susan oor haar agterbakse gekonkel. Wynand ontvang 'n nota met besonderhede oor Lienka se losprys van haar ontvoerders. Beekman is verdag oor Susan se vreemde optrede, en daar wag 'n verassing op haar wanneer sy Lenie besoek.

Lizelle konfronteer Donovan oor die geld wat hy by Amelia geleen en gaan uitdobbel het. Armand ontmoet Lizelle oor Oude Baken se geskiedenis en sy oupagrootjie se verbintenis met die tamboeryn.

Lizelle probeer meer inligting uit Lenie kry oor die geskiedenis van die tamboeryn. Susan is woedend vir Henry dat hy nie hulle plan gevolg het met Lienka se ontvoering nie. Susan vertel Lizelle van Donovan wat gaan dobbel het.

Wynand en Beekman kom op 'n grusame toneel af op Koot se plaas, en Armand is nêrens te vinde nie. Armand daag intussen onverwags by Oude Baken op.

Wynand en Beekman arriveer by Koot se plaas om Armand te kry. Susan en Donovan gaan dobbel en hy verloor die geld wat Amelia hom geleen het.