Uffants che realiseschan in'atgna emissiun da «Minisguard»? Va quai? Ils uffants da Lantsch han emprendì co far intervistas ed era co filmar. Ensemen cun las redacturas ed ils redacturs da RTR ha la 5 e 6avla classa fatg in'atgna emissiun.

Roboters che rimnan maila, purs che tegnan zebras ubain giraffas, sgrattanivels a Müstair ubain velos che sgolan. Ils uffants rumantschs han dissegnà e scrit lur visiuns da la vita grischuna en 100 onns.

Roboters che rimnan maila, purs che tegnan zebras ubain giraffas

Il Minisguard sa focusescha quest emna sin l’avegnir. Els han bajegià in velo sgulant, e preschentan il Chalandamarz digitalisà cun Uorsin 2.0. Tgi sà, sche Uorsin 2.0 ha success e sche il velo sgola lura era propi?

In pullover da launa n’è betg ina pigna e tuttina gida el cunter il fraid. Era plievgia n’è nagin problem per la launa. Il Minisguard declera daco ch’ella isolescha uschè bain e daco ch’in pullover piztga pli ferm che l’auter.

L’atun cura che las nursas turnan giu da las alps. Lura vegnan ellas tundidas ed uschia deliberadas da lur launa avant ch’i va per l’enviern en stalla. Quests tschupels launa èn però pir il cumenzament per far pullovers, soccas, plimatschs, tarpets u isolaziun. Il Minisguard ha visità la pli veglia elavuraziun da launa da la Svizra (maschinas da passa 140 onns) e mussa tge che capita tut fin ch’ins po lura cumenzar a far p. ex. il pullover u las soccas da launa. E tant saja tradì – filar è tut auter che simpel.

Il guaud da l'Amazonas en Brasilia

Nus explitgain daco che quest guaud tropic è uschè impurtant per l'entir mund.

Anya e Varya en Surselva

Nus avain rapportà da las soras ch'èn scappadas da l'Ucraina. Uss avain nus visità ellas a Falera ed ellas han raquintà co ch'i va cun ellas.

Sin la tschertga da la cola magica

Cura ch’ins vesa las buobas dal US Schluein vid trenar lura dat il spiert da team immediat en egl.

Il team ch’exista per dapli il zercladur. Il Minisgaurd è sta a la tschertga da la cola che collia las buobas dal US Schluein.

Protests en l’Iran

Religiun è religiun – politica è politica. Uschè almain tar nus en Svizra. Auter e quai en l’Iran. La e l’Islam la religiun dal stadi. Il mintgadi da tuttas e tuts é perquai ferm influenzada da las reglas da la Scharia. Tge che quai é, declera il Minisguard.

Temas da quest’emissun: Liz Truss ha demissiunà suenter be 45 dis - Curs da skateboard per uffants fugids - Di da la partida en China - Xi Jingpin vul restar president

Votaziuns fairas

Per ch’ina votaziun è legala e faira, ston divers criteris vegnir accumplis. Per exempel, na dastga nagina vusch valair dapli, che ina autra. Ma era anonim, dess la votaziun esser.

Temp per chastognas

Cun l’atun vegn era il temp da las chastognas. E dal reminent ha la vallada dal sid dal Grischun, la Val Bregaglia, il pli grond guaud da chastognas da l’Europa. Per che nus savain dentant era giudair questas en tut las differentas furmas, sto insatgi l’emprim racoltar ellas. Per gliez ha il Minisguard visità duas famiglias da Bondo che èn gist vid rimnar las chastognas en lur prà.

Magliacudeschs

Tge far la saira sch’i vegn giuadora puspè pli stgir e pli fraid – Be guardar televisiun? Na, co fissi cun ina giada leger in cudesch? Per gliez ha il Minisguard accumpagnà Gianna e Mietta en la biblioteca. Là raquintan las soras tge che plascha ad ellas vid leger, tge cudeschs ch’ellas legian il pli gugent e daco ch’ina biblioteca è in lieu fitg interessant.

Utschels migrants e feglia melna

Cun l’arrivada da l’atun datti en nossa natira bleras midadas. Utschels che sgolan encunter il sid per exempel, ed bleras plantas che midan colur. Da verd sin mellen ubain cotschen. Ma pertge èn las plantas l’enviern – cura ch’i è il pli fraid, tut bluttas?

Quant èn 100 onns?

Per pudair sviluppar in sentiment per tants onns dovri emprim pitschens pass. Il Minisguard metta a lieu e declera, tge che 100 onns ha da far cun l’emprim sgol en il spazi e cun las basattas e basats.

Plantas – ina vista en il passà

160 rintgs, 160 onns. Leger or da plantas derschidas quant veglias ch’ellas èn, è simpel. Thomas Bearth sa dentant leger anc bler dapli. Per exempel, cura ch’ina planta e sa derschida sut la naiv. Nus avain accumpagnà l’inschigner forestal e discurri sur da plantas veglias e giuvnas en il guaud da Sumvitg.

Segns e simbols dapertut. Però pertge chapin nus ils simbols senza als avair emprendì? E danunder vegnan emoijs - e pertge na chapesch'ins els betg tuttina sin il mund?