Per fortuna datti numers postals! Avant 60 onns stueva la posta anc savair ordadora, nua che mintga vitg en Svizra è.

Preparativas per lantschar la stagiun da bogn

Star a sulegl, far in sigl en l’aua e mangiar in glatsch – bainbaud è tut quai puspè pussibel en ils bogns averts. Questa fin d’emna vegn numnadamain averta la stagiun da bogn en differents bogns dal Grischun. Il Minisguard ha fatg ina visita en in bogn avert a Cuira che fa gist davosas preparativas per la fin d’emna.

Pertge datti il di da la mamma

Il di da la mamma è vegnì inventà en ils Stadis Unids. Quai dad ina figlia che ha vulì onurar la lavur da sia mamma. Paucs onns pli tard ha questa figlia dentant puspè vulì stritgar il di da la mamma. En il Minisguard declerain nus pertge.

Sin visita ad Ardez

Ad Ardez avain nus discurrì cun ils uffants da la 5avla e 6avla classa. Nus avain vulì savair co els festiveschan il di da la mamma, e tge regals ch’els zambregian per engraziar a las mammas.

Ils capricorns da Puntraschigna

Dapi in per onns pon ins vesair mintga primavaira ina massa capricorns a Puntraschigna. Quai betg lunsch si en las muntognas, mabain gist sur il vitg. Daco ch’ils animals vegnan uschè damanaivel, e tge reglas ch’ins sto resguardar per las observar, declerain nus en il Minisguard.

L’istorgia dal capricorn alpin

Avant gnanc uschè blers onns na deva quai bunamain nagins capricorns alpins pli. En Svizra eran ils bels animals perfin svanids dal tut. Per ch’els turnian enavos en nossas muntognas, ha quai vulì in retg egocentric, in cuntrabandier talian ed ina massa pazienza.

Quatter maguns, ina vatga

Sterla, mugia, gianitscha u vatga. In animal cun blers nums. Ma tgi sa numna co? E sch’ina vatga mangia pastg, fa quel in dètg viadi avant che la vatga po producir latg. Il Minisguard declera pertge ch’ina vatga ha quatter maguns, e tge funcziun che quels han.

Il viadi dal latg davent da la vatga enfin la chascharia

L’emprim sto la vatga vegnir mulschida. Per vesair quai ha il Minisguard visità in bain puril a Parsonz en il Surmeir. Ils uffants Gino e Ronny mussan a nus co il roboter da mulscher funcziunescha, e co il latg chatta lura la via en in grond tanc che vegn transportà mintga di tar la chascharia.

La tschigulatta svizra e famusa sin l’entir mund. Ma senza la fava da cacau importada or da terras chaudas na fissi betg pussaivel da far tschigulatta. Tuttina vegn questa fava bleras gia pajada fitg mal, uschia che las puras ed ils purs da fava da cacau san strusch viver da lur products.

Il pass en il stgalim superiur – Anna e Varya da l'Ucraina al prim di da scola a Laax – In 6 n'è betg dapertut ina buna nota – Co funcziunan egliers?

Malgrà che Anna e Varya han gì da fugir da l’Ucraina, n’èn ellas betg deliberadas da stuair ir a scola. Tschintg dis l’emna dastgan ellas

vinavant far part a l’instrucziun da lur magistra ch’é anc adina ad Odessa en l’Ucraina. Il «Minisguard» ha accumpagnà Anna e Varya durant in di da scola online.

La midada da l’ura

Duas giadas l’onn èsi da midar l’ura. Questa sonda notg entschaiva puspè il temp da stad. Ensemen cun ils uffants da la 5avla classa da Laax declera il «Minisguard», pertge ed en tge direcziun ch’ins ha da midar l’ura questa fin d’emna.

Privit e buvay

La lingua rumantscha e la lingua ucranaisa han forsa tant communabel sco ina turta da tschigulatta e pommes frites. Perquai è Lisa da Laax s’inscuntrada cun Anna e Varya da l’Ucraina per far in curs rumantsch-ucranais.

Ils politichers e las politicras a Berna discurran puspè ina giada davart in obligatori da chapellina. E bainbaud èsi era puspè stagiun da velo. Perquai ha il Minisguard vulì savair tge che fa or ina buna chapellina e sin tge ch’igl è da guardar tar la cumpra per ch’ella protegia lura era bain noss chau. E nus tradin era tge che tut quai ha da far cun tgirom, chavels da chavals e chapels da las tropas.