Temas da quest’emissun: Premi Nobel e sia istorgia - Registraziun da chanzuns dal chor Filomelas - Chanzun per seria «Gôt Miraculous» - Sin via cun Jürg Schmid en il Parc Ela

Temas da quest’emissun: Spaghetti Carbonara vegan? Bain, bain. Quai va… - È il carstgaun carnivor u erbivor? U auter: Charn u plantas?

Temas da quest’emissun: La chatscha – daco dovri insumma quella? - Daco ch'ins chatta dapli filiens l'atun - Filiens èn fitg impurtants per il ecosistem

Temas da quest’emissun: Tge munta privel d'incendis da guaud - Intgins fatgs davart incendis da guaud - Quant sitgs èn ils guauds grischuns e da la Svizra - Tge capita suenter in incendi da guaud

9/11 – Avant precis 20 onns han terrorists attatgà ils Stadis Unids da l’America

Quels che han vis ils maletgs dals 11 da settember 2001 n’emblidan pli probabel mai pli els. Ils terrorists avevan rapinà quatter aviuns gronds plain passagiers e passagieras. Dus da quels han els manà en las duas turs dal World Trade Center a New York. En il Minisguard declerain nus tgi ch’ils terrorists èn e daco ch’els fan talas attatgas. Nus respundain er las dumondas, pertge ch’els han gist attatgà ils Stadis Unids da l’America e daco ch’igl ha silsuenter dà var 20 onns guerra en l’Afganistan, senza che quella avess propi purtà insatge.

L’Afganistan – dapli che guerra e terror:

En las novitads audan ins il pli savens dal pajas en l’Orient en connex cun guerra e terrorissem. Ma tar tut la miseria na datti betg mo quai en l’Afganistan. Nus mussain en il Minisguard maletgs da las cuntradas, la vita da mintgadi ed er bels muments per Afganas ed Afgans.

Temas da quest’emissun: Pertge è la scola obligatorica? - Ils avantatgs d'in obligatori da scola - Mastergn da siemi – flurista - Sfunsar a la plazza da golf

musiCantas – ina chaussa da famiglia

Las soras Eva Luisa, Clara Maria ed Anna Catrina Scherrer e la cusrina Giulietta fan musica ensemen. La furmaziun cun il num «musiCantas» exercitescha regularmain a Trun. Quai è gie era simpel, sche quasi tuttas stattan en la medema chasa. Gia ils geniturs dad ellas han fatg musica ensemen sut il num «soras Scherrer». Pia ina tradiziun che va ussa vinavant. Il «Minisguard» ha visità las giuvnas tar ina prova.

Tge far cun tantas schlettas novas?

Noss mund brischa. Na, betg mo pervia dals incendis en pliras parts dal mund, mabain insumma. Di per di cuntanschan nus ina massa schlettas novas da l’entir mund. Sper il fieus è quai per exempel la situaziun da pandemia, la crisa dal clima, las inundaziuns, la situaziun en l’Afganistan. Gea, cun tantas schlettas novas èsi magari grev da vegnir a frida. Ma i dat vias, e quellas mussain nus en il «Minisguard».

Colonnas en tuttas furmas e grondezzas

Las schanzas èn stadas grondas da vegnir durant las vacanzas en ina colonna cun l’auto. Pauc bel e tuttina ina realitad. Il Minisguard declera ils differents motivs ch’i dat colonnas e sclerescha tge ch’ina colonna da fantom è.

Co che la polizia po influenzar il traffic – Adina puspè stagnescha sin las vias grischunas il traffic u ch’i dat perfin colonnas. Sche quai capita, po la polizia chantunala influenzar il traffic, uschia ch’i va pli spert pussaivel puspè vinavant. Tge pussaivladads ha la polizia e co vegn reagì? Nus avain empruvà da chattar ora quai en la centrala operativa da la polizia chantunala a Cuira.

Temas da quest’emissun: Co èsi dad esser in uffant sin in bain puril? - L'agricultura sa mida en il decurs dal temp - Il futur da l'agricultura

Temas da quest’emissun: Inscunter tranter Biden e Putin - Professiun da siemi: electricist - Ludras en l'Engiadina