Temas da quest’emissun: Il curs da tgirapops a Mustér - La buccaria: forsa disgustus, dentant impurtant.

Las scolaras e scolars da Masagn/Masein fan quest’emna in detg circus. Entaifer paucs dis emprendan els da schonglar, far shows da fieu, acrobatica, striunar e divertir sco clowns. Quai ensemen cun il Zirkus Lollypop. Il «Minisguard» ha visità ils uffants en lur provas ed a la prova generala ed ha profità da l’occasiun per dar in sguard sin l’istorgia ed il futur dals Circus en Svizra.

En quest «Minisguard» avain nus ina missiun: la missiun super glina. Quai è ina glina plaina speziala che para pli gronda e pli clera che usità. Per observar la super glina sa metta Gian-Marco sin viadi a Falera en l’observatori Mirasteilas. Davent da là rapportain nus da mitus ed istorgias davart la glina, declerain a tgi che la glina tutga e guardain co che differentas naziuns quintan duvrar la glina en il futur. 3, 2, 1 – la «missiun super glina» ­cumenza.

Il team da DUDE Stop Motion cun Marco Jörger da Tavau mussa en il Minisguard, tge ch’i dovra tut per realisar in film da stop-motion.

Temas da quest’emissun: Mastergn da siemi polizista - in di cun Selina Fanzun - L'istorgia da la polizia - Las pli impurtantas reglas per ir segir cun velo

Temas da quest’emissun: Ina curta istorgia dals mopeds - Mes töffin – in zic libertad - Tavlas da traffic e lur muntadas - Ina giada sin il «onewheel»

Temas da quest’emissun: L'agen cudesch da cuschinar d'Alina - Er Nadia Damaso ha cumenzà cun in cudesch da recepts - Co sa noss corp insumma, co ch'insatge gusta?

Temas da quest’emissun: Stancladad primavauna e tge far encunter - Tutorial Semnar in prà da flurs - Agid da microorganissems sin il bain puril a Mustér

Maiestus e tementus – il tschess barbet

Actualmain han quatter pèrins da tschess barbets en il Parc Naziunal Svizzer giuvens. Ma betg adina è il parc stà lur dachasa. Co vivan els uss en nossas muntognas e co èn els turnads? Noss redactur Dominik Hardegger piglia vus sin sia aventura en il Parc Naziunal Svizzer.

La schelira permanenta

Cun la midada dal clima patescha era la schelira permanenta. Quella massa da glatsch che tegna ensemen nossas muntognas. Sche la schelira permanenta daventa dentant adina pli flaivla, poi dar situaziuns privlusas, sco per exempel tar la bova da Bondo il 2017.

Temas da quest’emissun: «Letti», «Gismo», «Giachen dal dutg»... – Surnums datti ina massa, ma pertge insumma? - La 5. e 6. classa da la Lumnezia è in vair gnieu da surnums