Moiesstudio

D'Uni Lëtzebuerg organiséiert fir 1. Kéier e Geschichtsfestival.

De schwaarz-wäissen Traditiouns(fussball)veräin plangt e Musée op der Escher Grenz, ugeduecht als partizipative Projet. Explikatioune vum Historiker Denis Scuto.

E groe Rechteck mat e puer triste Beem an engem Klotergestell drop, dat ass d'Bild a ville Schoulhäff uechter d’Land. Dat soll sech no an no änneren: Virun zwee Joer huet den Ëmweltministère den Appel à Projets “Méi Natur an eise Schoulhäff lancéiert. D’Gemenge sollten iwwert deen Opruff encouragéiert ginn, fir nees méi Gréngs an d’Schoulen ze bréngen. Bei der éischter Editioun virun 2 Joer hat d’Gemeng Déifferdeng gewonne mat hirem Projet fir d’Schoul Um Bock zu Uewerkuer. A wat do genee geplangt, oder scho realiséiert ginn ass, dat war d’Paule Rodesch sech fir eis ukucken.

Déi nächst Editioun vum Appel à projets gëtt elo am Hierscht lancéiert a wäert net just fir Schoulhäff gëllen, ma och fir d'Renaturéierung vun ëffentleche Plazen, huet eis den Ëmweltministère matgedeelt.

Op Madagaskar huet d‘Militär eegenen Aussoen no elo d‘Muecht iwwerholl. Mir schwätze mat eiser Korrespondentin Elodie Goulesque iwwert d'Lag am Land.

Lëtzebuerg verléiert och an der Slowakei a bleift bei 0 Punkten an der WM-Qualifikatioun. D'Analys vum Roland Schaack, Ex-Spiller an -Trainer an der BGL Ligue.

Hien ass Buergermeeschter vu Mäerzeg, President vum Nohaltegkeetsrot - an de Weekend spillt en heiansdo Danzmusek op Hochzäiten a Gebuertsdeeg. Bei eis am Interview: De Mike Poiré.

Déi nei national Resilienzstrategie versprécht eng kohärent Approche dofir, datt all Deeler vun der Gesellschaft am Noutfall méi widderstandsfäeg sinn. Mee wat heescht dat genee? Detailer mam Christiane Kleer.

D’Kënschtlech Intelligenz verännert d’Schaffen an der Medezin déifgräifend - och zu Lëtzebuerg. D’Sophie Schroeder war dofir bei enger Operatioun mat KI am Centre Hospitalier op der Areler Strooss (CHL) dobäi.

Den Defizit vun der Gesondheetskeess ass fir dëst Joer viraussiichtlech e bësse méi niddereg ewéi en nach am Mee geschat gouf, e soll fir 2025 bei 118 Milliounen Euro leien. Fir d’nächst Joer kéinten et bis zu 210 Millioune sinn. Spéitstens 2027 géifen d’Reserven ënner dem minimale legale Seuil leien. Do wëllt een elo géigesteieren, mat enger Feuille de Route iwwert dräi Joer. Fir 2027 schéngt eng Hausse vun de Cotisatiounen inevitabel.

WM-Qualifikatioun: De Roland Schaack, Ex-Spiller an -Trainer an der BGL Ligue, kommentéiert de Match Lëtzebuerg géint d'Slowakei.