Ass eng Risestroumpann, wéi rezent a Spuenien, och zu Lëtzebuerg méiglech? An der Theorie jo, mee et gi vill Sécherungen, fir dat ze verhënneren. A virun allem Méiglechkeeten, fir séier dorop ze réagéieren. De Jacques Ganser huet an der Stroumbranche nogefrot, wéi een domadder an och mat den Défië vun den erneierbaren Energien ëmgeet.

Wee gemengt hat, den Dag gëschter géif all d’Froe beäntweren, déi de Premier d’lescht Woch mat sengen Aussoen am Pensiounsdossier opgeworf hat, dee gouf enttäuscht. D’Sozialministesch Martine Deprez huet wuel - fir d’éischt an der Chamber, duerno virun der Press - zousätzlech Explikatioune ginn. Mee esou ganz kloer ass villes ëmmer nach net.

Um Festival zu Cannes ginn et 3 Haaptkompetitiounen: Déi wichtegst ass déi wou de Gewënner-Film um Enn mat der Palme d’or ausgezeechent gëtt. Donieft lafen eng Rei méi experimentell an Independent-Filmer an der Selektioun “Un certain regard”. An et gëtt nach eng drëtt, déi sougenannt immersiv Kompetitioun, bei där och de Virtual Reality Projet "The Dollhouse" an der Course ass. Eng lëtzebuergesch-kanadesch Koproduktioun, realiséiert vun der Charlotte Bruneau an dem Dominic Desjardins.

Eng Quatrièmes-Klass aus dem Stater Kolléisch ass – a 50 Joer – déi éischt lëtzebuerger Contributioun, déi beim Schülerconcours vun der Bundeszentrale für politische Bildung gewonnen huet. Als Belounung dierfe si lo fënnef Deeg op Berlin fueren, mat Aussicht op ee Rendez-vous mat kengem anere wéi dem neien däitsche Bundeskanzler. Wéi et genee dozou komm ass a wat déi Jonk sech ausgeduecht hunn fir ze iwwerzeegen, dat froe mir eng vun de Schülerinnen, d‘Eva Heinemann an hiren Däitschproff, deen de Projet un d’Rulle bruecht huet, de Charel Meder.

An enger Informatiounsversammlung huet de Stater Schäfferot de Bierger:innen vum Lampertsbierg e Pilotprojet mat Mesure virgestallt fir d’Verkéiersproblematik am Quartier unzegoen. Ënner anerem soll de komplette Lampertsbierg eng 30er-Zon ginn, ausgewielte Stroossen wäerten zu engem Sens-Unique ëmgewandelt ginn an et solle sougenannten “Berliner Kissen” an deene problematesche Stroossen installéiert ginn.

Seng Liwwerunge mam Cargo Vëlo maachen? Zu Esch ass dat vun haut un (21.05) fir Geschäftspersoune méiglech. Ënnert engem Cargo Bike versteet een e Vëlo dee fir den Transport vu Gidder geduecht ass. D’Gemeng Esch stellt de Geschäftspersounen zwee esou Cargo Vëloen elo zur Verfügung. Op der Brillplaz nieft der Schoul ginn déi an der Cargobike Box gelagert. An enger éischter Phase ass dat e Piloteprojet. D’Pebia Urban war fir eis bei der Aweiung vun deem Projetop der Plaz.

Fir d'Welt virun där nächster Pandemie ze stäerken, hunn d’Memberlänner vun der WHO e Pandemie Accord beschloss. De Marc Bichler, Vertrieder vu Lëtzebuerg bei der UNO, gëtt Detailer.

Et confirméiert sech ëmmer méi, dass de Premier mat deem, wat en a senger Deklaratioun zur Lag vun der Natioun sot souguer d’Majoritéits-Deputéiert iwwerrascht hat. Dat huet den DP-Deputéierte Gérard Schockmel, deen de Spriecher vu senger Fraktioun am Pensiounsdossier ass, dem Maurice Molitor an engem kuerzen Interview confirméiert.