Präzisiounen a Saache Pensiounsreform, Joresrapport vum Ombudsman an eng nei Sportshal.

Wa gesondheetlech Problemer net an den éischten dausend Deeg entdeckt ginn, da leit ee Concernéierte vläit herno säi ganzt liewen dorënner. Doriwwer sinn Experten sech antëscht eens. Fir dat ze ännere wëll de Sanstésministère vun den Eltere bis bei d’Dokteren all déi Concernéiert Acteure sensibiliséieren an och dofir suergen, datt d’Koordinatioun ënnertenee verbessert gëtt, fir datt de Wee bis bei den Diagnostik manner laang gëtt. Wéi dat genee geet, froe mir d'Dr Sarah Scholtes, Cheffin vun der Divisioun vun der Médecine sociale, de la dépendance et de la santé mentale um Gesondheetsministère. Si schafft mat dorun, fir datt de Parcours vun Elteren a Kanner um Wee fir bei eng méiglech Diagnos vereinfacht gëtt - vun Autismus iwwer ADHS bis bei aner gesondheetlech Problemer.

Wéi hëllefräich war d'Réunioun gëscht mat de Ministere Frieden, Margue a Bettel, de leschten Invitén an der Chamber-Spezialkommissioun iwwert d'Caritas-Affär? En Interview mat der Vize-Presidentin vun der Kommissioun Carole Hartmann (DP).

Aus personelle Grënn wären déi Kontrollen net méi laang oprecht ze erhale, seet de President vun de Bundespolizisten an der Gewerkschaft der Polizei (GdP) Andreas Roßkopf.

Den Observatoire de la politique climatique huet gëscht am spéiden Nomëtteg an der Abtei Neumünster d’Resultater vun enger grousser Meenungsëmfro virgestallt, déi de leschten Hierscht an Zesummenaarbecht mam LISER realiséiert ginn ass, a bei där Froen zum Thema “Klimawandel a wéi een dorop reagéiere soll” gestallt gi sinn.

D’Gewerkschafte sinn alles anescht ewéi begeeschtert vun de Pisten, déi de Premier d’lescht Woch genannt huet fir de Pensiounssystem ze reforméieren. OGBL an LCGB wëllen haut däitlech maachen, datt si am Gaang sinn hir Memberen ze mobiliséiere fir op d’Strooss ze goen. Déi zwou Gewerkschaften zéien dofir mat engem Auto-Cortège duerch de Süde vum Land.

Bal 3.800 Schüler sinn dëst Joer fir d'Premièresexamen ageschriwwen. Si hunn elo eng stresseg Zäit virun sech. A wéi et schéngt, ginn sech och ëmmer méi Primaner Hëllef siche fir mat dem Stress em ze goen. Den Echo géif op alle Fall an de leschte Jore vun de Psychologen aus de Schoulgebaier kommen. Dat seet d’Armanda Hamtiaux, d’Vize-Direktesch vum schoulpsychologesche Service, dem Cepas.

Et ginn den Ament (nach) 310 verschidden Aarte vu wëlle Beien hei am Land. Firwat si - am Verglach mat der Hunnegbei - sou wichteg sinn a ee grad an dëse Wochen u si sollt denken, erkläert den Alexander Weigand, Biolog am Naturmusée.

Den Eurovision Song Contest 2025 ass eriwwer. Och dëst Joer koum et nees zu politeschen Diskussiounen, obwuel d'EBU op Neutralitéit pocht.