Moiesstudio

Am EU-Parlament loosse verschidden EU-Deputéiert net labber: Si setze sech weider dofir an, datt Nimm wéi “Burger” oder “Wurscht” fir Veggi-Produiten verbuede ginn. Eng “No Confusion Coalition” aus Konsumenten-, Ëmwelt-, an Déiereschutz-Organisatioune genee ewéi Vertrieder aus dem Veggi-Secteur mécht elo een Appell un d’Europadeputéiert, sech net op eng Nei-Oplag vun dëser aler Debatt anzeloossen.

d'Danièle Weber huet mam Rafael Pinto vun der “European Vegetarian Union”, deen och Spriecher vun der “No Confusion Coalition” ass, geschwat.

Laut Copernicus war se den 22. August mat 21,1 Grad esou héich, ewéi nach ni zanter dem Ufank vun de Miessungen. Déi ginn et zanter 1979. D’Grënn dofir leien op der Hand: Et gëtt ëmmer méi waarm op eisem Planéit, doduerch ginn och d’Mierer méi waarm. Do derbäi kënnt dëst Joer de Phenomeen vun engem ganz extremen El Niño. Wéi eng Konsequenze kann dat hunn, dat hu mir d’Lëtzebuerger Miereswëssenschaftlerin Sophie Nuber gefrot, déi op der Universéit vu Washington fuerscht

Déi 684. Editioun vun der Schueberfouer ass amgaang. Dräi Woche laang ass um Glacis héije Betrib. Vill Leit sinn dru bedeelegt, datt fir d'Visiteuren alles glat leeft. A virun allem bei der gastronomescher Offer spillt eng Kategorie vu Mataarbechter Joer vir Joer eng entscheedend Roll: An zwar d’Studenten. De Moris Garzaro huet nogefrot, wéi en typeschen Dag als Student op der Fouer ausgesäit.

Grat am Summer zitt et vill Touristen op Lëtzebuerg. Niewent Hotellen ass och de Camping extrem beléift bei den Touristen déi hei hin kommen. Mee net all Camper bezilt fir eng Stellplaz op engem vun de ville Campinger hei am Land. Vill bleiwen einfach do stoen, wou et hinnen gefält oder wou et praktesch fir si ass. Dat sougenannte Wëllt-Campen suergt fir Onzefriddenheet. Sou zum Beispill um Parking bei der Kockelscheier.

Zanter Mëtt Mee gouf et iwwer 2.500 Doudesfäll an déi liewensgeféierlech Krankheet breet sech ëmmer nach weider aus. Laut de Vereenten Natiounen ass an Tëscht eng Fläch betraff, méi grouss ewéi Frankräich.

Médecins sans frontières bedreift aktuell 6 Traitementszentren a betraffene Géigenden an huet 1.400 Mataarbechter op der Plaz. Een dovun ass an der Provënz Ituri, am Oste vum Land, dem Epizenter vun der Epidemie. Mir hu mam Pierre Boulet-Desbareau, chef de mission vu Médecins sans frontières zu Bunia, der Haaptstad vun Ituri, iwwert d’Situatioun op der Plaz geschwat.

Zanter Mëtt Mee gouf et iwwer 2.500 Doudesfäll an déi liewensgeféierlech Krankheet breet sech ëmmer nach weider aus. Laut de Vereenten Natiounen ass an Tëscht eng Fläch betraff, méi grouss ewéi Frankräich.

Médecins sans frontières bedreift aktuell 6 Traitementszentren a betraffene Géigenden an huet 1.400 Mataarbechter op der Plaz. Een dovun ass an der Provënz Ituri, am Oste vum Land, dem Epizenter vun der Epidemie. Mir hu mam Pierre Boulet-Desbareau, chef de mission vu Médecins sans frontières zu Bunia, der Haaptstad vun Ituri, iwwert d’Situatioun op der Plaz geschwat.

Island huet dëse Weekend dogéint gestëmmt, fir nees Verhandlunge mat der EU iwwert en eventuelle Bäitrëtt opzehuelen. Wéi geet et elo weider a wat bedeit déi Décisioun fir d’Islänner – doriwwer schwätzen mir mam Damien Degeorges, deen zu Reykjavik als spezialiséierte Beroder fir déi nordesch Länner täteg ass

Déi fréier Nummer 1 am Lëtzebuerger Hären-Tennis gesäit bei den Dammen a bei den Häre kee kloere Favorit op den Titel. D’Serie vun den ëmmer nees neie Vainqueure vun dësem Joer bei engem Grand-Slam kéint deemno virugoen. Donieft huet den Eric Ewald mam techneschen Direkter vun der Tennis-Federatioun a Kapitän vun der Kapitän vun den Davis-Cup-Ekipp vun den Hären iwwert de Chris Rodesch geschwat, den Davis-Cup an den ëmstriddenen Double mixed-Tournoi bei de US Open.

Vill Sonn, wéineg Reen an iwwer Wochen héich Temperaturen: Fir vill landwirtschaftlech Betriber ass dëse Summer eng Erausfuerderung. Dem Uebst huet d’Hëtzt zougesat an och beim Geméisubau ginn et Problemer. Mee net nëmmen do . Mir hu mat zwee, éischter klenge Betriber geschwat, déi nom Prinzip vun der solidarescher Landwirtschaft, kuerz Solawi, schaffen, an hu gefrot, wéi si de Summer iwwerstan hunn.