De Rick Mertens ass op der Plaz fir sech unzekucken, wat do déi ganz Woch iwwer getest gëtt.

D'Serie ronderëm d'Verhandlungen iwwer en Atomofkommes mam Iran am Joer 2015, déi een am Moment an der ARTE Mediathéik kucke kann, ass eng Lëtzebuerger Koproduktioun. De Lilian Eche vun der Produktiounsfirma Bidibul gëtt e puer Explikatiounen.

Fir all déi, déi de Moment eng Sprooch léieren an dës och gären emol uwende wëllen: De Club Polyglotte organiséiert haut, 4.11., e Sproochenowend.

Den Editeur Jérôme Bloch erkläert, wéi d'BD "Geschicht vu Lëtzebuerg 963-2025" entstanen ass.

De Rick Mertens mellt sech live vum Hingerhaff zu Sprénkeng.

D'EBU, d'European Broadcasting Union, huet an enger Etüd erausfonnt, datt vill Leit sech mat KI-Chatbots iwwer d'Aktualitéit informéieren. An der selwechter Etüd huet d'EBU och erausfonnt, datt ee sech op d'Äntwerte vun der KI wéineg verloosse kann.

D'Nascht vun engem hallwe Meter Duerchmiesser um Tuerm vun der Abtei gouf de leschte Freideg ewechgemaach. Mir ware bei där spektakulärer Aktioun mat derbäi.

"Pillow Talk" ass eng romantesch Komedie aus dem Joer 1959 mam bekannte Schauspillerduo Rock Hudson an Doris Day. Dëse Film leeft haut Owend (3.11.) am Kapuzinertheater.

Allerhellegen an Allerséile si fir déi zoustänneg Servicer déi Zäit, an där se am meeschte gefuerdert sinn. D'Paule Rodesch schwätzt mam Service Cimetière vun der Stater Gemeng.

Et ass dee populäerste Song aus de 70er Joren. Den 31. Oktober 1975 koum “Bohemian Rhapsody” vu Queen eraus. De Label hat eigentlech net dru gegleeft, datt déi brittesch Rockband mat engem Stéck vu sechs Minutten a mat enger Struktur wéi e Mini-Musical kéint Erfolleg hunn.

Firwat “Bohemian Rhapsody” iwwerhaapt esou populär gouf a wéi de Label iwwerzeegt gouf fir d’Single erauszebréngen, doriwwer schwätzt de Maurice Molitor mam Yves Stephany.