Moiesstudio

Muer spillt de klenge Veräin aus dem Saarland fir d'éischt an der Fussball-Bundesliga. Mir froen de Buergermeeschter Bernd Huf, ob seng kleng Gemeng prett ass fir esou vill Fans.

D’Jugend virun den Ecranen an de soziale Medien ze schützen – dat ass e Kärprojet vum Emmanuel Macron senger zweeter Amtszäit als franséische President. Vum nächsten Dënschdeg un sinn Handyen an de franséische Lycéeë verbueden. Eigentlech sollten och déi sozial Medien fir Jonker ënner 15 Joer verbuede ginn – viru knapp zwou Wochen hat de Conseil constitutionnel dëst Gesetz awer gekippt. Wéi geet et elo weider mam Verbuet a wéi eng Erausfuerderunge bleiwen? Eise Korrespondent Max Tholl huet bei zwee Experten nogefrot.

An Island gëtt muer driwwer ofgestëmmt, ob nees iwwer een EU-Bäitrëtt soll verhandelt ginn. Mir froen de Maximilian Conrad vun der Uni zu Reykjavik, wéi d'Campagne verlaf ass.

Véier russesch Bänker hu kuerz nom Ufank vum Ukrainkrich vu Lëtzebuerg aus Millioune mam Handel vu Wäertpabeiere verdéngt. Dat weist eng Recherche vun der Financial Times. Mir schwätze mat der Journalistin Laura Dubois, déi d'Geschicht recherchéiert huet.

Mir hunn de Rodange-Kenner Romain Hilgert gefrot.

Zënter leschtem Weekend ass den Handelssträit tëschent den USA a Kanada eskaléiert. Well d’Vertrieder vu béide Länner sech a Gespréicher net eens gi sinn, menacéiere si sech elo géigesäiteg mat héijen Importtaxen. D’USA haten direkt nodeems d’Gespréicher ofgebrach gi ware 50 Prozent Taxen op ënner anerem Äishockeyschléier a Wäin aus Kanada verhaangen. A Kanada huet an de leschten Deeg reagéiert an hirersäits héich Taxen annoncéiert. Mir hu mam Patrick Augustin iwwer dës Eskalatioun geschwat. Hien huet knapp 15 Joer als Professer am Finanzberäich op der McGill Universitéit zu Montréal geschafft a ass lo Direkter vun McGill Centre for Finance zu Lëtzebuerg.

Mir hunn den Energieminister Lex Delles gefrot.

D‘Landwirtschaft muss sech un de Klimawandel upassen. Dozou gehéiert den Ubau vun Zorten, déi Hëtzt an Dréchent besser verdroen, zum Beispill Soja. Fir déi Kulturen ze testen, mécht den Institut fir Biologesch Landwirtschaft an Agrarökologie IBLA zënter Joren "Zorte-Préiwungen" op Felder uechter d'Land. De Pierre Reyland huet de Mathieu Wolter vun der IBLA op esou engem Feld begéint, wou Soja ugebaut gëtt.

BirdTok. Seet Iech dee Begrëff eppes? Dat ass e relativ rezenten Term, dee sech aus de Wieder Bird, also Englesch fir Vull, an Tok, enger Ofkierzung vun der chinesescher Social-Media Plattform TikTok zesummesetzt. A BirdTok beschreift en Trend op Social Media, wou ëmmer méi Leit, virun allem jonker, sech fir Villercher interesséieren a sech mat aneren doriwwer austauschen. D’Ornithologie erlieft online also e Renouveau, vum Nerd-Hobby zu engem reegelrechten Hype. Ma ass déi Begeeschterung och zu Lëtzebuerg ze spieren?

An engen originelle Genremix kréie mir gewisen, wéi eng 29 Joer al Cineastin d'Sexualitéit iwwerhaapt emol entdeckt. Et ass dem Michel Delage säin aktuelle Kinotipp.