Deen neie Bléck zréck op www.100komma7.lu dréit ëm d'Polemik vun 2001 ëm déi schwanger Gëlle Fra. Eisen Archivist Gilles Schreurs huet eng Rei Toundokumenter dozou zesummegestallt.

Haut (2.12.) ass dee leschten Dag vun der Enquête publique ronderëm de geplangten Ausbau vum Tanklager am Mäerterter Hafen. D'Maacher Buergermeeschtesch Monique Hermes ass dogéint.

Mir froen den Eric Schauls vum Ëmweltministère, dee Lëtzebuerg op der Konferenz vertrëtt.

Mir froen d'Monique Reiff. Si ass Presidentin vun der Associatioun vun de Médecins Salariés Hospitaliers (MSH), déi an Zukunft all d'Spidolsdokteren wëllt vertrieden.

D'Lëtzebuerger Bëscher stinn ënner Drock. Am drëtten Inventaire vun de Bëscher stellt d'Natur- a Bëschverwaltung ANF ënner anerem fest, datt just nach 20 Prozent vun de Beem zu Lëtzebuerg gesond sinn. Am Verglach zum éischten Inventaire aus dem Joer 2000 wiisst de Bësch och manner séier, mee et gëtt awer dräimol esou vill ganz héich Beem. An deem Inventaire gëtt den Zoustand bis an de klengsten Detail erhuewen, mee wéi ass dat méiglech? Bei der Presentatioun vum Inventaire huet d'ANF och demonstréiert, wéi dee gemaach gëtt. D'Morgane Weidig war sech dat ukucken.

Iwwer 120.000 Frontalieren aus Frankräich schaffen zu Lëtzebuerg. Um Salon des frontaliers vum OGBL zu Diddenuewe goufe Froen zum Aarbechtsrecht an de soziale Leeschtunge gestallt. Déi gréisste Suerg bleift awer de Verkéier.

Et gouf musizéiert, geschmaacht, gelaacht a gefeiert bei der drëtter Kannerradionuecht. D'Theema war "Eng Nuecht an der Philharmonie". Eis Kannerreporter:inne waren um Tour, mir hunn d'Geheimnis ëm de Rigoletto-Voodoo-Zauber geléist, d'Soundrätsel geknackt a Gruppe mam Mikro besicht, déi zesummen e flotten Owend mam Radio verbruecht hunn.

Mir freeën eis schonn op d'nächst Joer.

Am Mëttelpunkt steet d'Geschicht "Eng Nuecht an der Philharmonie". Mir schwätze mam Auteur Olivier Garofalo.

Déi modern Lëtzebuerger Arméi feiert dëst Joer hiren 80. Gebuertsdag. A fir déi Geleeënheet geet eng nei Ausstellung am Militärmusée zu Dikrech op. Zesumme mam Historiker an Direkter vum Musée, de Benoît Niederkorn, konnt d'Paule Rodesch schonn e Bléck an déi temporär Expo geheien.