Moiesstudio

An der Gemeng Diddeleng gouf gëschter eng éischt Charta mat der Gewerkschaft vum Gemengepersonal FGFC ënnerschriwwen. Kritik koum allerdengs vum OGBL well dee bei der Signature iwwergange gi wier.

Fir de Pannendéngscht bréngen d'Elektrogefierer nei Erausfuerderunge beim Ofschleefe mat sech. Den Alex Lanners vum ACL gëtt Erklärungen. D'Paule Rodesch mellt sech live aus dem Automobilclub zu Bartreng.

Interview mam Lucien Brosius, Buergermeeschter vu Fëschbech: D'Zentrumsgemeng versicht de Problem ze léise vu Valorlux-Tuten, déi opfueren an d'Ëmwelt verknaschten.

De Stolkonzern ArcelorMittal denkt iwwer weider Delokalisatiounen a Richtung Indien a Polen no. Och ronn 1150 Aarbechtsplazen zu Lëtzebuerg si vun där Analyse betraff.

Wat weess den OGBL a wéi reagéiert d'Gewerkschaft? Mir froen de Gewerkschaftler Jean-Luc de Mattheis

KI wäert de Mënsch a verschiddene Beräicher ersetzen, an dach wier d’mënschlecht Gehier a verschiddene Beräicher einfach besser. Déi Meenung huet den Neurowëssenschaftler Dr. Henning Beck op enger Konferenz virun engem strubbelvolle Sall am European Convention Center um Kierchbierg vertrueden. Mee wou ass de Mënsch besser a wou d'KI? A firwat ass et net onbedéngt schlecht wann d'KI de Mënsch a gewësse Beräicher ersetzt? Den Neurowëssenschaftler Dr. Henning Beck gëtt Äntwerten dodrop.

Bleiwen d'Hybridautoe beim Verkaf am beléiftsten? Mir froen de Philippe Mersch vum Garagisteverband FEDAMO wat bei d'Clientë bei dësem Autosfestival besonnesch intresséiert huet.

Wësst dir wéivill Offall dir esou am Alldag produzéiert? Eurostat no waren dat hei am Land 712 Kilo pro Persoun am Joer 2023, ganzer 200 Kilo méi wéi den EU-Duerchschnëtt. Dat kléngt no vill – an ass awer just d’Spëtzt vum Äisbierg. Well, elleng nëmme fir eng Zännbiischt vun 30g ze produzéieren, déi no e puer Wochen nees an der Poubelle lant, fale wärend der Produktioun bal 1,5 Kilo u verstopptem Offall un. Wat ass d’Léisung? Einfach keen Offall produzéieren. De Jérémie Pichon a seng Famill hunn et virgemaach a versichen zanter 10 Joer och anerer vun hirem Wee ze iwwerzeegen.

Mir froen den Affekot vum Dr Wilmes, de Me François Prum, wéi ee lo no den Aussoe vun der Gesondheetsministesch an der Chamberkommissioun wëll reagéieren.

Ee Kollektiv fuerdert, datt d'Regierung ee Reglementsprojet zréckzitt, deen d'Gebailechkeete fir geflücht Persoune soll ëmklasséieren. De Serge Kollwelter erkläert firwat.

D'Gesondheetsministesch war um Méindeg an der zoustänneger Chamberkommissioun fir Froen zu Decisioun iwwer d'Suspendéierung vum Dr. Philippe Wilmes ze beäntweren. Och wann ee vill Erklärunge kritt hätt, géifen ëmmer nach vill onbeäntwert Froen am Raum stoen, seet d'Oppositioun.