De belschen Holocaust-Iwwerliewenden huet iwwer 100 Lycéesschüler seng Liewensgeschicht erzielt.

Den Affekot Charles Muller, spezialiséiert op Betribsrecht, erkläert.

Nei Zuelen aus dem Handwierk gi presentéiert, wat hanner dem Numm Lux4Defence stécht a wéi d'Lëtzebuerger zur Ëmwelt stinn.

Wéinst kriteschen Äusserungen oder Protester hunn eenzel auslännesch Studenten d'Openthaltsgeneemegung entzu kritt. D'ACEL ass a Kontakt mat Lëtzebuerger op der Plaz, wéi hire Vizepresident Laurent Schengen erkläert.

D'Architektin Céline Zimmer schwätzt iwwer Genossenschaftswunnengen, de sougenannten drëtte Marché am Logement.

Wann een u Wäin aus Lëtzebuerg denkt, da stellt ee sech virun allem déi gréng Wéngerten op der Musel vir. Dat kéint sech geschwënn änneren, well am Norde vum Land soll no méi wéi 300 Joer nees Wäin ugebaut ginn. Enn der Woch sollen um Dikrecher Härebierg déi éischt Wäiplanze gesat ginn. De Jo Welfringer huet mam Initiateur vum Projet Charles Konnen geschwat.

D'Carole Gils confirméiert, datt et och schonn éischt Gespréicher tëscht Tandel a Bettenduerf gouf, ier Bettenduerf formell aus den Nordstad-Gespréicher erausgeklomme war. Och Tandel wier un enger méi enker Zesummenaarbecht mat Bettenduerf interesséiert, sou déi Tandeler Buergermeeschtesch.

An der Suite vum Logementsdësch am Februar zejoert hu 5 Lëtzebuerger Banken - nämlech d’Spuerkeess, d’BIL, d’Raiffeisebank, d’Banque de Luxembourg an d’SNCI - ënner dem Impuls vun der ABBL eng Initiativ geholl, déi op den Numm Prolog gedeeft gouf. Dohannert verstoppt sech en Instrument, dat de Promoteuren en Deel vum Risiko bei der Realisatioun vu VEFA-Projete sollt ofhuelen. Prolog gëtt d’Garantie, déi Wunnengen ofzekafen, déi de Promoteur net lassginn ass, wann d’Residenz fäerdeg ass (a gewësse Limitten natierlech an zu engem reduzéierte Präis). Mee no 9 Méint ass nach keen Cent vun den 250 Milliounen Euro, déi Prolog zur Verfügung stinn, ausgi ginn.

D’USA hunn der Ukrain vill méi gehollef wéi anerer: Dat huet den US-President Donald Trump an der Lescht méi wéi eng Kéier behaapt. “Mir hunn iwwer 300 Milliarden Dollar ausginn, Europa nëmme ronn 100 Milliarden”, dat wier eng grouss Differenz”, sot hien zum Beispill am Februar, wéi de franséische President Emmanuel Macron bei him zu Washington op Besuch war. Hie sot och, datt déi europäesch Hëllef am Contraire zu där amerikanescher haaptsächlech aus Prête bestoe géif, déi duerno missten zeréckbezuelt ginn. Dat sinn alles Aussoen, déi dono jäizen, hannerfrot ze ginn. De Radiosreseau Euranet Plus, bei deem och de radio 100,7 Member ass, huet dofir och e Faktencheck gemaach, dee vun enger Journalistin koordinéiert gouf, déi zu Lëtzebuerg opgewuess ass an elo zu Paräis lieft: der Nina Lamparski.

An eiser Podcast-Serie "Carambolage* iwwer d’Caritas-Affär ass elo déi véiert Episod erauskomm. An do geet ëm d’Fro, firwat de Milliounebedruch dem Caritas-Verwaltungsrot 5 Méint laang net opgefall ass. D’Pia Oppel erkläert, wat si bei hirer Recherche fir den Zeenewiessel-Podcast erausfonnt huet.