Moiesstudio

D'Lëtzebuerger Championne huet eng komplizéiert Saison mat der 10. Plaz op der Weltmeeschterschaft ofgeschloss, a kuckt elo no vir op d'Stroossesaison.

Toxescht Aarbechtsklima, Harcèlementer a Mobbing – et si schwéier Reprochen déi zanter e puer Woche géintiwwer der Uni Lëtzebuerg als Patron am Raum stinn. Publizéiert goufen dës anonym Temoignagë vun der engleschsproocheger Luxembourg Times. D’Journalistin Cordula Schnuer gëtt Präzisiounen zu der Affär.

Wou kënnt de Brauch hir a wéi huet en sech iwwert d'Jore verännert? D'Paule Rodesch huet zu Bouneweg nogefrot.

Hunn d'DP-Ministere Backes a Meisch op eege Fauscht gehandelt an dem Koalitiounspartner net Bescheed gesot? Froen un den CSV-Deputéierte Ricardo Marques.

D‘lescht Woch hat de Mouvement écologique wéinst enger Etude vum Kollektiv PAN Europe eng Diskussioun doriwwer lassgetrëppelt. Der Etude no wier e Lëtzebuerger Apel duerchschnëttlech mat 7 Pestizide belaascht. De Landwirtschaftsministère hat nach e Freideg reagéiert a betount, datt sech un d‘Grenzwäerter zu Réckstänn vu Planzeschutzmëttel géif gehale ginn. An och den Nico Hoffmann vum Pretemer Haff, deen Äppel ubaut, betount, datt reegelméisseg kontrolléiert géif ginn.

E Portrait vum laangjäregen Deputéierten, CSV-Fraktiouns- a Chamberpresident an Hofmarschall, deen am Alter vu 74 Joer gestuerwen ass.

Déi spuenesch Regierung huet wëlles tëscht 500.000 an 800.000 Immigranten ouni Pabeieren ze regulariséieren. Explikatioune vun der 100,7-Korrespondentin Aurélie Chamerois.

Den 31. Januar 1976 gouf déi 1. Editioun vun der Zäitschrëft Forum publizéiert. E Réck- an Ausbléck mam Viviane Thill, Member vu Verwaltungsrot a Redaktiounsekipp.

Ausbléck op déi 26. Editioun vum Euromeet am Gespréich mam Direkter vum Meeting Serge Hollerich.

De Claude Paquet aus dem Mobilitéitsministere reagéiert op Commentairen a Suggestiounen, déi als Reaktioun op d'100,7-Fro vun der Woch erakoumen.