Moiesstudio

Zënter dem 5. Januar funktionéiert den iwwerschaffte Primmesystem fir Photovoltaikanlagen a Batterien. Groussen Interessi weise Clientë wéi och d'Betriber.

Déi geplangten Tramslinn op der Arelerstrooss vun der Stäreplaz bis den CHL wäert 171 Millioune kaschten. Dovunner iwwerhëlt de Staat zwee Drëttel an d’Stad Lëtzebuerg de Rescht. Dat geet aus dem Gesetzprojet fir d’Extensioun vum Tram-Reseau ervir, dee vum Mobilitéitsministère deponéiert gouf.

Wéi soll d’Europäesch Unioun op déi neiste Menacen aus dem Wäissen Haus reagéieren? Wat kann d’EU iwwerhaapt maachen? Eng méiglech Äntwert op d’US-Droungen ass déi sougenannt Handels-Bazooka, déi an dësen Deeg zu Bréissel an aller Mond ass. Et handelt sech dobäi ëm een Anti-Coerciouns-Instrument. Deen Numm huet et, well et dat als dat stäerksten Instrument an der Geschierkëscht vun der EU ugesi gëtt.

D'Trauer ass grouss an et ass nach net kloer wéi déi zwee Zich konnten anenee rennen. Eis Korrespondentin Aurélie Chamerois erkläert wat bis elo gewosst ass.

De Fraktiounschef Gilles Baum well sech fir den Eenheetsstatut fir Deputéiert asetzen. An den deels ëmstriddene Duebelmandater gesäit hien awer och Virdeeler.

D’Stéck baséiert op enger reeller Geschicht a stellt d’Fro no eiser Bezéiung zur Vergaangenheet an der Roll vun de Soziale Medien an eisem Alldag.

Den Josh Island an dasRADIAL sinn d'lescht Woch um Eurosonic opgetrueden. D'Lëtzebuerger si beim Publikum ganz gutt ukomm. De Marc Clement an den Yves Stephany hu Reaktiounen an Emotiounen agefaangen.

Déi europäesch Cour des Comptes huet d'Qualitéitskontrolle vum Olivenueleg ënner d'Lupp geholl. Zoustänneg war d'Joëlle Elvinger, Lëtzebuerger Member vum Rechnungshaff.

Rechtlech gesi gouf déi ganz Insel 2004 Member vun der EU - faktesch awer blouf d’Insel am Mëttelmier zanter der Interventioun vun der Tierkescher Arméi am Joer 1974 gedeelt.

Zanter iwwer 50 Joer gëtt et am Norden déi international net unerkannten Tierkesch Republik Nordzypern an am Süden d’Republik Zypern, dee vun alle Länner, ausser der Tierkei, unerkannt gëtt.

D’Vereente Natiounen vermëttelen zanter Joerzéngten an deem Konflikt, en vue vun enger Reunifikatioun vun der Insel.

Ass do méi dran an nächster Zukunft? D’Presidence vun der Europäescher Unioun kéint hëllefen, hoffe Verschiddener. Ma d’Land selwer wëll sech haut anescht als eent, wat eng Obsessioun mat der tierkescher Besatzung huet, verkafen.

D’Danièle Weber war déi lescht Woch fir den Optakt vun der Presidence zesumme mat aneren EU-Korrespondenten op Invitatioun vun der zypriotescher Regierung op der Plaz an huet dëse Reportage mat bruecht.

De fréieren Deputéierten an Déifferdenger Buergermeeschter Roberto Traversini kritt vun haut un, zesumme mat 3 aneren Ugekloten, de Prozess gemaach um Stater Geriicht.