Morgunkaffið var í virkilega góðum sumargír í dag, tónlist sem tengjast sól og sumri, grilli og gleði voru áberandi. Vala Kristín Eiríksdóttir leikkona og nú Grímuverðlaunahafi kom í kaffi og spjallaði við þau Björgu og Gísla Martein sem voru stödd í stúdíó 1 í Efstaleiti.

Morgunkaffið var í Vestfjarðargír í dag en þátturinn var sendur út frá Stúkuhúsinu á Patreksfirði. Björg Magnúsdóttir var á staðnum ásamt Bergsteini Sigurðssyni, sem leysti Gísla Martein af. Í stúdíóinu í Efstaleitinu var svo Atli Már Steinarsson þúsundþjalasmiður.

Viðmælendur tengdust margir heimildamyndahátíðinni Skjaldborg sem fer fram. Margrét Jónasdóttir framleiðandi, Elín Hansdóttir myndlistakona og leikstjóri, Ragnar Ísleifur Bragason kynnir, Þóra Hallgrímsdóttir lögfræðingur og gestur, Ísold Uggadóttir kvikmyndaleikstjóri og stýrur hátíðarinnar Kristín Andrea Þórðardóttir og Helga Rakel Rafnsdóttir. Einnig var rætt við eiganda Stúkuhússins Steinunni Finnbogadóttur og bæjarstjóra Vesturbyggðar Rebekku Hilmarsdóttur.

Músík, líf og fjör og að sjálfsögðu vestfirskur uppáhellingur.

Fyrsti þáttur sumarsins, formlega séð allavega, var í dag 1. júní. Gísli Marteinn og Björg voru í sólskinsskapi enda veður gott og landsmenn komnir í góðan gír almennt séð. Sumarsmellir, gamlir og nýir, voru settir á fóninn. Gestir dagsins voru þau Sigyn Blöndal fjölmiðlakona og Karl Sigurðsson forritari og Baggalútur. Þau ræddu um heima geima og voru hin hressustu.

Fyrrum útvarpsfólkið Freyr Eyjólfsson og Margrét Marteinsdóttur voru gestir Morgunkaffisins á Rás 2. Þau fóru yfir feril sinn í fjölmiðlum, mikilvægustu úrlausnarefni nútímans, búsetu erlendis og ýmislegt fleira. Auk þess spiluðu Gísli Marteinn og Björg góða músík og komu landanum í hressilegan sumargír á þessum fallega degi.

Björg og Gísli Marteinn fengu til sín ýmsa góða gesti í blaðamannahöllina á keppnissvæðinu í Tel Aviv. Dísa Hafliða frá Iceland Music News, Salóme Þorkelsdóttir, upptöku- og útsendingarstjóri íslenska atriðisins og RÚV, Peter Fenner, allsherjar Eurovision spekingur og Hatara-aðstandendurnir Jórunn Elenóra Haraldsdóttir og Viktor Stefánsson. Einnig komu til okkar þrír fjölmiðlamenn sem rýndu í kvöldið, Laufey Helga Guðmundsdóttir fréttaritari Fáses, Benedikt Bóas Hinriksson frá Fréttablaðinu og Stefán Árni Pálsson frá Vísi. Í lok þáttar kíkti Felix Bergsson farangursstjóri íslenska hópsins til okkar.

Morgunkaffið var í beinni útsendingu frá Tel Aviv á þessum ágæta laugardagsmorgni þegar þrír dagar eru í fyrri undankeppni Eurovision þar sem Hatari stígur á svið í Expo höllinni í borginni. Það er alveg óhætt að segja að þátturinn litist af Eurovision en svo fengu Björg og Gísli Marteinn líka til sín góða gesti. Stjórnmálafræðiprófessorinn Baldur Þórhallsson kíkti í einn rjúkandi kaffibolla og ræddi meðal annars um tengsl pólitíkur og stórviðburða í menningarheiminum. Síðan kom Una Sighvatsdóttir blaðamaður og starfsmaður NATÓ líka í kaffi til okkar en hún hefur á síðasta ári verið útum allan heim við störf sín. Morgunkaffið náði svo einkaviðtali við Darude, manninn sem samdi stórsmellinn Sandstorm og auðvitað fullt af góðri tónlist og góðu stuði.

Gísli Marteinn Baldursson stóð kaffivaktina í dag og fékk til sín góða gesti.

Morgunkaffið var með örlítið öðruvísi sniði en venjulega. Gestastjórnandi þáttarins var Þórunn Elísabet Bogadóttir fjölmiðlakona í dvala eins og hún lýsti því ásamt Björgu Magnúsdóttur. Páskagírinn var allsráðandi, góð músík í bland við spjall um menn og málefni.

Gestir þáttarins í dag voru Hannes Þór Halldórsson landsliðsmarkmaður og leikmaður Vals og Sigrún Ósk Kristjánsdóttir fjölmiðlakona til margra ára en hún vinnur nú að þáttaröðinni Leitin að upprunanum, þriðju seríu.

Björg og Gísli Marteinn buðu góðan daginn á þessum fallega laugardegi þegar styttist í páskana. Barnamenningarhátíð stendur yfir sem var að sjálfsögðu rædd í þaula og barnalag dagsins sett á fóninn, Söngur dýranna í Týról með Stuðmönnum.

Gestir dagsins voru þær Sólveig Arnarsdóttir leikkona sem fékk í vikunni fastráðningu við Volksbühne leikhúsið í Þýskalandi og Fanney Birna Jónsdóttir fjölmiðlakona og umsjónarmaður Silfursins í Sjónvarpinu.

Það var sannarlega hellt upp á gott kaffi í Efstaleitinu á þessum dásamlega laugardagsmorgni þegar sólin skín í Reykjavík. Björg og Gísli Marteinn voru á sínum stað, rúlluðu yfir skandinavísku framlög í Eurovision í ár og fóru yfir eitt og annað í tengslum við fréttir vikunnar og málefni líðandi stundar.

Egill Eðvarðsson, upptökustjóri, dagskrár- og kvikmyndagerðarmaður, myndlistamaður og músíkant, kom síðan í hús í morgunkaffi. Hann fór yfir allskonar skemmtilegar sögur af ferlinum sem spannar um það bil hálfa öld. Einstaklega skemmtilegur og líflegur maður sem hefur á ný helgað sig myndlistinni!

Við slóum líka á þráðinn lengst vestur í Árneshrepp og ræddum við hótelstýruna á staðnum, Evu Sigurbjörnsdóttur, sem hefur frá mörgu að segja.