Björg og Gísli Marteinn vöknuðu með hlustendum Rásar 2 og helltu upp á kaffi frá klukkan 9. Barnahornið var á sínum stað sem og yfirferð yfir fréttir vikunnar með tali og tónum.

Fatahönnuðurinn Hildur Yeoman kom síðan í morgunkaffi sem og körfuboltamaðurinn Pavel Ermolinski.

Gunnar Nelson bardagakappi mætti í morgunkaffi á þessum ágæta laugardegi til Gísla Marteins og Bjargar. Hann tók föður sinn Harald Dean Nelson með sér. Auðunn Blöndal fjölmiðlamaður kom líka við í Efstaleitinu og sagði m.a. frá nýrri sjónvarpsseríu Atvinnumönnunum okkar sem fer í loftið um næstu helgi.

Gísli Marteinn stóð vaktina einn í dag og alveg Bjargarlaus. Hann fékk til sín listamennina og Fóstbræðurna Benedikt Erlingsson og Jón Gnarr. Í seinni hluta þáttar komu skáldkonurnar Þórdís Gísladóttir og Fríða Ísberg í kaffi.

Gísli Marteinn og Björg vöknuðu snemma með þjóðinni á þessum góða degi þar sem sólin skein. Fastir liðir voru á sínum stað sem og gestalistinn! Gestir dagsins voru þau Bríet tónlistarkona, sem hefur skotist allhressilega inn á sjónarsviðið allra síðustu misseri, og stórleikarinn Björn Thors. Björn stendur líka í ströngu þessa dagana, er í upptökum á sjónvarpsþáttunum Valhallar-morðunum, leikur í sýningunni Fólk, staðir, hlutir í Borgarleikhúsinu og er að æfa sýninguna Bæng! Mikið hlegið og mikið drukkið af kaffi.

Gísli og Björg fengu góða gesti og voru í sannkölluðum Eurovision gír í þætti dagsins enda úrslit Söngvakeppninnar sem ráðast í kvöld. Sigríður Beinteinsdóttir og Eyjólfur Kristjánsson mættu í morgunkaffi og sögðu frá farsælum ferlum sínum.

Arnmundur Ernst Bachmann leikari og söngkonan Guðrún Ýr Eyfjörð eða GDRN tónlistarkona mættu fersk og glöð í morgunkaffi til Gísla og Bjargar. Lokaþáttur Ófærðar er á morgun en þar fer Arnmundur Ernst með stórt hlutverk og GDRN fékk fjölmargar tilnefningar í vikunni til Íslensku tónlistarverðlaunanna.

Í þættinum í dag komu tveir gestir sem eiga það sameiginlegt að vera bæði skemmtikraftar og bæði með ættarnafn! Sigríður Thorlacius, söngkona Hjaltalín og Sólmundur Hólm uppistandari. Þau fóru yfir nýja uppistandssýningu Sóla, nýtt lag frá Hjaltalín og væntanlega stórtónleika í Eldborgarsal Hörpu.

Gísli Marteinn og Björg voru í dálitlum Söngvakeppnisgír enda seinna undanúrslitakvöldið í kvöld í Háskólabíói. Lögin, sem verða á sviðinu í kvöld, voru spiluð og ýmsar Euro-perlur rifjaðar upp.

Morgunkaffið var brakandi fersk þennan laugardaginn. Við vorum í Söngvakeppnisgír enda nokkrir klukkutímar í fyrra undanúrslitakvöldið. Gestir þáttarins voru Ingibjörg Stefánsdóttir, sem fór fyrir Íslands hönd í Eurovision árið 1993 með lagið Þá veistu svarið. Hún er Yoga kennari í dag í Skeifunni. Þorsteinn Guðmundsson leikari og sálfræðinema leit líka við í stúdíó 1 í Efstaleitinu og fór yfir sviðið.

Þáttastjórnendur voru í urrandi Söngvakeppnisgír enda er nú nákvæmlega ein vika þar til fyrri undanúrslitin fara fram í Háskólabíói þann 9. febrúar næstkomandi. Öll fimm lögin á fyrra kvöldinu voru spiluð ásamt öðrum vel völdum smellum úr nútíð og þátíð í bland við fasta liði.

Gestir þáttarins voru þau Þuríður Blær Jóhannsdóttir leikkona og rappari sem og Aron Már Ólafsson leikaranemi og samfélagsmiðlastjarna en einnig sá sem fer með hlutverk Víkings í Ófærð 2. Þau ræddu um heima og geima og voru skemmtileg eins og þeim einum er lagið.

Gísli Marteinn og Björg vöknuðu með hlustendum Rásar 2 og fylgdu þeim út í þennan dásamlega laugardag venju samkvæmt. Fastir liðir voru á sínum stað, góð músík, fréttir vikunnar í tali og tónum og sitthvað fleira.

Dröfn Ösp Snorradóttir-Rozas starfsmaður leikmyndadeildar í LA og lífskúnstner og Fannar Sveinsson fjölmiðlamaður og leikstjóri mættu í morgunkaffi og fóru yfir sviðið. Eurovision, matarpælingar, kaffi, barnauppeldi, Ísland og útlönd og fleira og fleira bar á góma.