Msasa Media

Msasa Media

By Msasa MediaNewsDaily News
Download on the App Store

Msasa Media episodes

  • TRUMP: "KUONDOLEWA KWA SANAMU ZA VIONGOZI MBALIMBALI, KILILENGA KUFUTA HISTORIA"
    Rais wa sasa wa Marekani "Donald Trump" amezungumzia kuhusu vitendo vya kuondolewa kwa sanamu za viongozi mbalimbali nchini kwake, amesema "Ni kampeni iliyolenga kufuta historia"
    Ameongea kuwa vitendo hivyo vilivyofanywa na umati wa watu wenye hasira wakati wa maandamo vililenga kuwashusha hadhi mashujaa wa taifa hilo, na watu wote waliohusika wanaweza kuhukumiwa kifungo hadi cha miaka 10 jela.
    Trump amesema hayo akiwa mlima Rushmore Kwaajili ya maadhimisho ya Julai 4, hafla ambayo imehudhuriwa na watu takribani 7,500 huku kukiwa hakuna tahadhari yoyote ya kujikinga na Virusi vya Corona.
    Licha ya rekodi mpya ya maambukizi, Trump alizungumzia mlipuko huo kwa ufupi, huku akishuhudia watu kutokuvaa barakoa.
    Wakati huo huo imeripotiwa kuwa Afisa wa juu wa kampeni ya Trump, Kimberly Guilfoyle ambae pia ni mpenzi wa mtoto wa Donald Trump Jr, ameambukizwa Corona.
    2 min
  • PROF JAY NA P- FUNK WAMALIZA TOFAUTI ZAO.
    Baada ya kuwa na tofauti kwa wakongwe wa muziki wa Bongo Fleva kutokea Tanzania, kati ya msanii Prof Jay na mtayarishaji P Funk, inaonekana kwa sasa wawili hao wameweka pembeni tofauti zao na sasa hivi ni kazi tu.
    Prof Jay ambae pia ni mbunge wa jimbo la Mikumi mkoani Morogoro, ameposti picha kupitia account zake za Instagram na Twitter akiwa na mtayarishaji huyo ndani ya studio yake ya Mwanalizombe iliyopo Mikumi Morogoro.
    Baada ya kuposti picha hiyo, Prof Jay akaandika hivii,
    "Ni baraka juu ya baraka Mwanalizombe studio inazidi kupasua anga, "Bomb Bomb fire, na leo tumebahatika kutembelewa magomvi wawili Mwana Fa na P Funk majani, Yaliyopita si ndwele tumeamua kuganga yajayo, Tumerudi kufanya kazi pamoja tukiwa imara zaidi, Yajayo yanafurahisha eeeeeh! Mwenyezi Mungu atusaidie"
    Mashabiki na baadhi ya mastaa mbalimbali walionekana kufurahishwa baada ya kuona wawili hao kuungana pamoja, huku wengine wakisema hiyo ni picha bora ya mwezi Julai.
    Ukaribu wao uliingia tofauti baada ya mtayarishaji P Funk kupokea kiasi cha milioni 100 za kitanzania za haki miliki za wimbo alioutengeneza ambao ulitumiwa na wasanii wa Uganda, ambapo COSOTA walidai kwamba pesa hizo alilipwa Prof Jay.
    2 min
  • WILL SMITH AKATAA, BAADA YA AUGUST ALSINA KUDAI KUWA NA MAHUSIANO NA JADA PINKETT SMITH.
    Moja ya taarifa iliyoshangaza ulimwengu wa burudani jana, ilikua ni baada ya Msanii wa RnB "August Alsina" kusema kuwa ni miaka minne sasa amekua kwenye mahusiano ya kimapenzi na mke wa Will Smith, Jada Pinkett Smith japokua ilikua ni siri lakini alipata baraka zote kutoka kwa Will.
    Sasa baada ya taarifa hiyo kufikia watu mbalimbali, kumekua na mapokeo ya kitofauti kwani wengi wao wanasema wala hawaendani kuwa wapenzi japo umri sio ishu kubwa.
    Lakini cha kushangaza zaidi ni kuwa baada ya Alsina kuweka wazi, mwana mama Jada Pinkett Smith pamoja na mume wake wamejitokeza kila mmoja kwa wakati wake na kukana taarifa hizo, kwa kusema hayo maneno ya August Alsina hayana ukweli wowote.
    Will Smith na Jada Pinkett Smith Kwasasa mahusiano yao ni ya ushirikiano (Partnership) na ni kwa muda mrefu hawashiriki tendo la ndoa, na kutokana na makubaliano yao kila mmoja anaweza kufanya jambo lolote bila kipingamizi.
    Mbali na August Alsina kuwa na miaka 27, huku Jada kuwa na miaka 48, Mahusiano ya ndoa ya Jada Pinkett Smith na Will Smith mpaka sasa yana umri wa miaka 23.
    7 min
  • IKIFIKA WAKATI WA KUACHANA SIO LAZIMA MGOMBANE.
    Kuna wakati inakulazimu uachane na mshirika wako (Business partner) ambae mlikua na Malengo ya kufika mbali sana kutokana na malengo mliyojiwekea.
    Kuna wakati inakubidi uachane na bosi wako ambaye ndie aliekusaidia kukufundisha kazi hapo mwanzo na mpaka ukawa imara.
    Kuna wakati ni lazima tu uachane na mtu uliekua unampenda sana, na ulidhani ungekuwa nae kwa kipindi chote cha maisha yako duniani.
    Vile vile kuna wakati katika maisha utatakiwa uachane na watu, ofisi, au chama cha siasa hata kama ulikua unawategemea.
    Sasa ukifika wakati huu kuna mambo ya KUZINGATIA.
    1. Sio lazima UANZISHE UGOMVI na unaoachana nao.
    Unaweza kuachana nao kwa HESHIMA na UTULIVU bila migogoro ya aina yoyote.
    Kumbuka kuachana sio VITA, kwani mnaweza kuachana na maisha yakaendelea kama kawaida.
    Sio lazima uwageuze UADUI wale unaowaacha au wanaokuacha.
    Maisha yana Wakati au Majira na kila mtu anatakiwa kuwa sehemu fulani kutokana na wakati fulani.
    2. Pokea MAUMIVU na YAKUBALI, kwani haitasaidia kutokukubali uhalisia.
    Kama mtu ameamua kuondoka hakuna namna.
    Haitasaidia kukataa uhalisia, badala yake jipange kwa yanayofuata.
    3. USIJILAZIMISHE kuonesha UBAYA kwa unaeachana nae.
    Kumbuka mafanikio ya unapokwenda HAYAJABEBWA na watu kujua ubaya wa UNAEACHANA nae, bali YANABEBWA katika dhamira safi ya UNACHOKWENDA KUFANYA.
    Hakuna umuhimu wa kumpaka matope unaeachana nae.
    KUACHA au KUACHWA inaumiza sana lakini hakuna namna ni lazima maisha yaendelee.
    2 min
  • CHINA: YATANGAZA HATUA MPYA DHIDI YA VYOMBO VYA HABARI VYA MAREKANI.
    Serikali ya China imeyataka mashirika manne ya habari ya Marekani kutoa maelezo ya kina kuhusu opereseheni zao nchini China ikiwa ni hatua ya kulipiza kisasi katika ugomvi wao wa vyombo vya habari na utawala wa Trump.
    Mashirika hayo ya Associated Press United Press International, CBS News na National Public Radio yanahitajika kufichua taarifa kuhusu wafanyakazi wao, taarifa za kifedha, opereseheni zao pamoja na mali isiyohamishika nchini China katika siku 7 zijazo.
    Msemaji wa Wizara ya mambo ya kigeni ya China, Zhao Lijian amesema maelezo hayo ni muhimu ili kukabiliana na hatua ya Marekani ya kuvikandamiza vyombo vya habari vya nchini China, Marekani.
    Mwezi uliopita Marekani iliamuru kuwa mashirika manne ya habari ya serikali ya China, China Central Television, China News Service, Peoples Daily na Global Times kujisajili kama ujumbe wa kigeni, hivyo kukabiliwa na masharti sawa na ofisi za kibalozi nchini Marekani.
    Nchi hizo mbili zimezozana kuhusu Opereseheni za vyombo vya habari kwa miezi kadhaa, wakati kukiwa pia na mvutano wa mambo ya kibiashara, mlipuko wa virusi vya Corona na uhuru wa Hong Kong.
    2 min
  • JADA NA WILL SMITH WAKATAA, BAADA YA AUGUST ALSINA KUDAI KUWA NA MAHUSIANO NA JADA PINKETT SMITH

    Moja ya taarifa iliyoshangaza ulimwengu wa burudani jana, ilikua ni baada ya Msanii wa RnB "August Alsina" kusema kuwa ni miaka minne sasa amekua kwenye mahusiano ya kimapenzi na mke wa Will Smith, Jada Pinkett Smith japokua ilikua ni siri lakini alipata baraka zote kutoka kwa Will.


    Sasa baada ya taarifa hiyo kufikia watu mbalimbali, kumekua na mapokeo ya kitofauti kwani wengi wao wanasema wala hawaendani kuwa wapenzi japo umri sio ishu kubwa.


    Lakini cha kushangaza zaidi ni kuwa baada ya Alsina kuweka wazi, mwana mama Jada Pinkett Smith pamoja na mume wake wamejitokeza kila mmoja kwa wakati wake na kukana taarifa hizo, kwa kusema hayo maneno ya August Alsina hayana ukweli wowote.


    Will Smith na Jada Pinkett Smith Kwasasa mahusiano yao ni ya ushirikiano (Partnership) na ni kwa muda mrefu hawashiriki tendo la ndoa, na kutokana na makubaliano yao kila mmoja anaweza kufanya jambo lolote bila kipingamizi.


    Mbali na August Alsina kuwa na miaka 27, huku Jada kuwa na miaka 48, Mahusiano ya ndoa ya Jada Pinkett Smith na Will Smith mpaka sasa yana umri wa miaka 23.

    3 min

About Msasa Media

From the publisher's feed

Msasaonline inaamini kila binadamu ana haki ya kuhabarika kuburudika, na kuelimika hivyo basi kazi yetu kuhakikisha tunakuletea habari sahihi, na kupunguza msongo wa mawazo kwa burudani nzuri na…