Ils dis vegnan pli e pli lungs e las temperaturas pli chaudas, la primavaira è arrivada e quai ha adina puspè inspirà cumponistas e cumponists.

En tuttas spartas da la musica datti cumposiziuns deditgadas a questa stagiun. Ils sentiments levs e denergia creschenta ha er animà cumponistas e cumponists da la musica classica da scriver ovras. En l'emissiun datti per exempel la chanzun «Im Frühling». Richard Strauss ha cumponì quella durant in segiurn a Puntraschigna. Igl è l'emprima da sias «Vier letzte Lieder für Sopran und Orchester».

Er interessanta è la sinfonia nr. 1 en B-Dur da Robert Schumann ch'el ha scrit il 1841 aifer be quatter dis, e dus mais pli tard è gia stada la primaudiziun.