Il concert da Nadal da la SSR per il 2018 ha gì lieu ils 9 da december en la baselgia catolica da Weinfelden en il chantun Turgovia. Tschintg furmaziuns han interpretà là chant e musica per la festa da Nadal. Uschia la gruppa da chant Canorus da la Lumnezia, il Quintetto Prisma dal Ticino, il MUGS Brass Quartett dal Giura e las duas furmaziuns da la Svizra tudestga: il Jugendchor Konservatorium Winterthur sco er Willi Valotti e sia Wyberkapelle. Maria Victoria Haas ha moderà en las quatter linguas naziunalas.