Wessel Pretorius bespreek motorverkope.

Vrystaatse boere voer 'n hewige stryd teen veediewe. Die Swart September-terreuraanval word 50 jaar later onthou.

'n Groep vroue, waarvan heelparty onlangs deur traumatiese ervarings moes werk, neem gereeld deel aan bewaringstoerisme om hulle selfvertroue terug te wen, en stewige ondersteuningsnetwerke te bou. Marlinée Fouché het saam met die groep op een van hulle uitstappies gegaan, om te hoor hoekom ruimtes soos dié, waar slegs vroue toegelaat word, so belangrik is. Hulle het saam met 'n wildsveearts uitgegaan, om te sien waarmee hulle daagliks te doen kry. 

Foto: Diane Logi (Die buffel in dié foto is nie dood of beseer nie - hy is 'n bedaarmiddel toegedien, sodat sy horings gemeet kon word)

In ons weeklikse motorrubriek het Wessel Pretorius se regtervoet in 'n Suzuki en 'n Mazda gejeuk.

Die SA Inkomstediens het beheer geneem van alle rekeninge en bates van GOLD LEAF TOBACCO, meer as R2-miljard gemaak het met sigaretsluikhandel. Deneysville se inwoners is boos weens 'n rioolprobleem wat terugstrek na 2015 toe. Die eerste Comrades-maraton sedert 2019 vind môre plaas.

Wessel Pretorius evalueer 'n Duitse snoetbus.

Ons ontleed die jongste misdaadstatistiek. Action-SA beplan om die burgemeester van Tshwane uit sy pos te verwyder. Japanese wetenskaplikes verbind die DNS van ‘n mammoetkalfie wat 28 000 jaar gelede in Siberië gevrek het, met die Afrika-olifant.

Wessel Pretorius toets 'n Renault Clio.

Gelyke betaling in die werkplek is weer onder die soeklig, en 'n kenner sê dis tyd om druk toe te pas. Maar hoe doen mens dit? Die ANC-konferensie in Noordwes begin. Wat het plastiek, grimering en die reën in gemeen?

Wessel Pretorius kyk na Julie se motorverkoopsyfers en die Kaapse Pretrit.