Ska ein tónleikasjangra, sum varð ment á Jamaica í fimti- og sekstiárunum og er grundarlagið undir dagsins reggaetónleiki. Og talan er um tónleik, sum er samansettur av amerikanskum jazzi og r&b, vælkryddað við jamaica-rytmum sum caribean mento og calypso.

Mest eyðsýndu - ella eyðhoyrdu, sermerkini við ska, eru sonevnda off-beatið, svingandi bassurin, ið "scratchar" avstað, áhersla á guitarljóðið, og viðhvørt blásarar við jazzíblásturi.

Og tosa vit um tíðarskeið, er talan um tríggjar aldur ? ella bylgjur: First, second og third wave, sum sagt verður.

Vanligir tættir eru tiknir av skrá í Nón í dag, og vit ringja til onkrar fyriskiparar av mentanartiltøkum, sum kunnu greiða frá, hvat hendir næstu vikurnar, nú støðan er sum hon er í landinum.

Tað eru nógv onnur mentanartiltøk enn tey, vit hava umrøtt her, sum eru ávirkað av støðuni, so tað er bara at fylgja við á heimasíðum og lurta eftir kunngerðum.

Hoyrið sendingina her

Sjóvinnuhúsið er eitt nú karmur um Fróðskaparsetrið, Hugskotið og Silo. Í dag ummæla vit stóru umbyggingina, sum fevnír um 7500 fermetrar. Albert og Gunnar hava verið á gátt. Vit hitta eisini Selmar Nielsen frá teknistovuni SNA, ið hevur staðið fyri umbyggingini.

Og so hyggja vit at onkrum av tí, sum hendir á mentanarøkinum næstu tíðina.

GEVIÐ GÆTUR, AT EITT AV TILTØKUNUM, SUM VERÐUR NEVNT Í MENTANARÁLMANAKKANUM, NÚ ER ÚTSETT (ÚTGÁVUKONSERT Í REINSARÍNUM), OG MØGULIGA VERÐA ONNUR TAÐ EISINI.

Hoyrið sendingina her

Í dag fara at hyggja at nøkrum løgum, sum nógv av okkum halda eru upprunainnspælingar, men sum altso eru endurinnspælingar.

Vit fara at hoyra upprunainnspælingarnar, og so brot úr teimum løgum, sum tey flestu okkara seta í samband við júst hesa kompositión.

Hoyrið sendingina her

Hvat gjørdu fólk fyrr, tá hættisligar smittusjúkur herjaðu? Tað spyrja vit Elin Súsonnu Jacobsen, søgugranskara, sum hevur skrivað bókina "Slóðir í heilsuverkssøguni".

Um vikuskiftið bjóðar hann til serstaka málningaframsýning. Um eitt ár rundar hann tey 67. Í dag er hann okkara hósdagsgestur. Kári Svensson, listamálari, vitjar.

 

Hoyrið sendingina her

Kenda skaldsøgan "1984" hjá George Orwell, sum kom út fyrstu ferð í 1949, er nú týdd til føroyskt. Vit spyrja Berg Rønne Moberg, lektara í bókmentum, hvønn týdning bókin hevur í dag, og so hyggja vit at øðrum rithøvundum, sum hava fingist við sama evni.

Hvørji eru okkara seksuellu rættindi? Og hvussu skapa vit eina sunna samtykkimentan? Millum annað hesir spurningarnir verða vendir á Femifagnaðinum hesa vikuna. Bjørt Lind frá felagnum KYN og Katrin á Neystabø frá Amnesty Føroyum vitja í útvarpsstovuni.

"Lítilleiki, fólkaræði og nýggi miðlaveruleikin" er heitið á ráðstevnu, sum er mikudagin. Kári Holm Johannesen, ein av røðarunum, var á gátt og tosaði um hvussu tað ávirkar okkum, at nærum øll vita av hvørjum øðrum í einum lítlum framkomnum samfelag.

So hendi tað aftur. G-festivalurin fær avboð frá kendum tónleikara orsakað av grindadrápi. Kunnu vit vinna stríðið móti umhvørvisfelagsskapum, sum leggja trýst á festivalar og fyritøkur? Tað spurdu vit stjóran á G-festivalinum, Sigvør Laksá, og tveir samskiftisráðgevar, Páll Nolsøe og Tór Verland Johansen.

Bárður á Lakjuni, tónleikari og yrkjari, var okkara hósdagsgestur í Nón hesa vikuna.

Hoyrið samrøðuna her

Mynd: Sámal Toftenes hevur málað Bárð

"Ikki sær tað út av nógvum. Eitt lítið blátt skrivihefti í A5-stødd við 78 tætt skrivaðum síðum við javnari skákskrift og á donskum máli. Hóast lítillátið í útsjónd, so inniheldur skriviheftið part av serstøku lívssøguni hjá føroyskari kvinnu fyri 100 árum síðan."

Soleiðis byrjar Katrin Didriksen Apol bókina "Fjallafólk á flaglendi", sum kemur út í dag.

Bókin er í høvuðsheitum ein dagbók hjá langommu Katrin, Sonnu Apol. Og hon lýsir tankarnar hjá eini kvinnu, sum livdi fyri 100 árum síðan. Hon hugleiðir um útlongsul og heimlongsul. Um kynsleiklutir. Um trúgv og kærleika.

Í hesum døgum kemur hansara fyrsta útgávu í egnum navni á marknaðin. Talan er um ein ritling við tekstum, tónum og myndum. Bárður á Lakjuni er hósdagsgestur.

Og í dag kemur út dagbók hjá Sonnu Apol, ið lýsir serstøku lívssøguna hjá føroyskari kvinnu fyri 100 árum síðan. Vit tosa við langommudóttrina Katrin Didriksen Apol, sum stendur fyri útgávuni og hevur skrivað formæli og eftirskrift.

Øll sendingin kann hoyrast her