Gerndishetjurnar trína verliga fram í hesum døgum. Koronakreppan varpar ljós á nøkur størv, sum hava vitalan týdning fyri samfelagið. Samstundis síggja vit, at fólk skipa seg øðrvísi við arbeiði. 

Hvat ger tað við okkara hugmynd av arbeiði? Og fara vit at arbeiða øðrvísi frameftir, nú vit hava sæð nýggjar mátar at skipa okkum? Hetta er nakað av tí, vit fara at viðgera hendan tematýsdagin um arbeiði sæð í ljósinum frá hesum sóttartíðum.

- Mær dámar væl at halda smáar veitslur, har tann góða samrøðan fer fram.

Pál Weihe er brúktur í alskyns samanhangum hesa tíðina, síðan korona-virussið kom til landið. Hann hevur verið okkara "húslækni" her í kringvarpinum, hann er partur av koronaráðgevingini, hann hevur ráðgivið almennum stovnum og vinnulívi, og sum leiðari á deildini fyri arbeiðs- og almannaheilsu stendur hann eisini fyri ymsari gransking í korona-smittuni.

Pál Weihe var hósdagsgestur í Nón, har vit royndu at tosa um annað og meira enn korona.

Hóast hann mangan kemur við teimum keðiligu boðunum, er hann dagligi miðlagesturin, sum flestøll eru vorðin góð við og hava álit á. Pál Weihe er okkara hósdagsgestur.

Mikudagin var Jenis av Rana, landsstýrismaður, á talgildum fundi við 130 mentamálaráðharrum úr øllum heiminum um mentanarlig átøk í korona-kreppuni. Vit spyrja, hvat kom burturúr.

Og so tosa vit við leiðaran á Ítróttarháskúlanum í Suðuroy, Gudmund Joensen, fyri at frætta, hvussu støðan er har.

Hoyrið sendingina her

Regin W. Dalsgaard, íverkseti, og Marita Debess Magnussen, granskari, hava sett sær fyri at framleiða sóttreinsandi skáp, sum við UV-geislum skulu reinsa leikur á dagstovnum skjótt og trygt.

Hoyrið samrøðuna við tey bæði her

Hvat eyðkennir Palla Gregoriussen sum arkitekt og hvønn týdning hevur Palle havt fyri føroyska bygging?

Hesar og aðrar spurningar umrøða vit saman við arkitektunum Hannisi Egholm og Alberti Isfeld, nú nýggj bók um arkitektin og listarmannin J. P. Gregoriussen er á gáttini.

Nýggja bókin um J. P. Gregoriussen - Palle, telur umleið 250 síður, og lýsir Palla Gregoriussen sum persón, arkitekt og listarmann, samstundis sum nomið verður við eitt nú uppvøkstur og familju. Í bókini eru eisini nógvar myndir og tekningar.

Korona-kreppan gevur okkum møguleikar, bæði sum einstaklingar og samfelag.

Tað halda Tóra Petersen, kreppusálarfrøðingur, og Pætur Dahl, heimspekingur.

Stóri spurningurin er kortini, um vit hava lært nakað sum helst, tá ið gerandisdagurin kemur aftur, og hjólini mæla við fullari ferð. Pætur ivast, Tóra vónar.

Hoyr útgreining og orðaskifti um, hvat korona-kreppan kann læra okkum.

Fer kravið um ævigan vøkstur at halda fram, og minkar fjarstøðan millum privata økonomi og almennna, nú almennir hjálparpakkar verða oystir inn í vinnurnar?

Vit hava tosað við Jan Otto S. Holm, fíggjarfrøðing.

Hoyrið samrøðuna her.

Hvat hava vit lært av koronakreppuni, persónliga og samfelagsliga.

Tað er spurningurin, vit í Nón seta hendan tematýsdagin.

Fyrra tíman tosa vit við serfrøðingar. Tóra Petersen, kreppusálarfrøðingur, Pætur Dahl, filosoffur, og Jan Otto S. Holm verða við okkum og lýsa korona-kreppuna í frásjón.

Seinna tíman lata vit telefonirnar upp, tá ið vit hitta lurtaran á máli og spyrja: Hvat hevur koronakreppan lært teg.

Mikukvøldið 15. apríl varð stjórin á Sprotanum og stigtakarin Jonhard Mikkelsen heiðraður við heiðursløn Vígdis Finnbogadóttir, ið varð latin á fyrsta sinni, nú fyrrverandi íslendski forsetin rundaði tey níti. Og heiðurslønin verður latin fyri munadygg avrik máli og mentan at frama. Vit tekna eina vangamynd av Jonhardi og hansara fjølbroytna virksemi.

"Gilgamesj - Viderø hugleiðir" er nýggj - ella kanska rættari "enn ikki útgivin bók", sum er á gáttuni. Vit tosa við prest og lektara, sum hava lisið hugleiðingarnar hjá Viderø.

Herfyri kom yrkingasavnið Fragmentir hjá Daniellu Andreasen út á forlagnum Eksil. Tað serstaka við hesum savni, er at tað bert er tøkt sum talgilt verk. Vit tosa við útgevaran.

Hoyrið sendingina her