"Bølger over det høje græs" er ein lítil bók, men tað er ein stór persónlig søga, sum tú kennir ein felagsskap við.

Millum annað soleiðis tekur Eilen Anthoniussen til um bókina, sum Rúni Weihe læt úr hondum fyrr í ár.

- Har Maj Sjöwall vísti, hvussu svenska "folkhemmet", hetta perfekta samfelagið, aldi fram brotsgerðir og kriminell, so er Yahya Hassan eitt dømi um, hvussu serligar umstøður í samfelagnum, gjørdu at hann bleiv, sum hann var.

Danski Yahya Hassan, sum kallaði seg statsleysan palestina við donskum passi, andaðist bara 24 ára gama. Og svenska Maj Sjöwall andaðist 84 ára gomul. Tey hava bæði heilt á hvør sín hátt lagt varðar eftir seg í norðurlendsku bókmentasøguni. Felags fyri tey bæði er, at tey hava havt ein hvassan samfelagskritikk í bókunum, sum høvdu høgt listarligt virði.

Várframsýningin á Listasavninum, sum bert var opin fýra dagar fyrst í mars, áðrenn hon mátti steingja vegna farsóttina, letur upp aftur í næstu viku. Vit hava verið og vitjað saman við Kinnu Poulsen, ummælara.

Í farnu viku andaðust tveir norðurlendskir rithøvundar, sum veruliga hava gjørt vart við seg. Vit tosa við Malana Marnesdóttir, bókmentafrøðing, um skaldskapin hjá Yahya Hassan og Mai Sjøwall.

Og so ummælir Eilen Anthoniussen bókina Bølger over det høje græs hjá Rúna Weihe.

Hoyrið sendingina her

Fyri 75 árum síðani endaði seinni heimsbardagi, og tí seta krígsárini dám á hendan tematýsdagin í Nón.

Vit fara eina tónleikaliga snarferð gjøgnum krígsárini.

Vit spyrja Erling Isholm, søgufrøðing, hvat tað hevði at siga, at tað vóru bretar og ikki týskarar, sum hertóku Føroyar.

Vóru nasistar í Føroyum? Tað hevur Signar í Homrum, lesandi á søgu- og samfelagsdeildini, kannað.

Í Føroyum eru nógvar leivdir og nógv støð, sum minna okkum á stóra hermannavirksemi undir krígnum. Saman við Jonn Hansen søgufrøðingi gera vit eitt yvirlit yvir krígsminni.

Samstundis sum 1940 árini eru merkt av jazzi og big band tónleiki, verður hetta tíggjuáraskeiðið eisini merkt av Seinra heimsbardaga, og tí leggja nógvir tónleikarar seg eisini eftir at endurspegla tær avbjóðingar, sum land teirra er merkt av, samstundis sum roynt verður at halda fast um lívligar rútmur og ein jaligan tóna ella hugburð um framtíðar vánir.

Tú kanst hoyra sendingina her!

Jonn Hansen, søgufrøðingur, sigur okkum hvar og hvørji krígsminni eru at finna í Føroyum. Og krígsminnini eru nógv í tali, serliga í Vágum, við Skálafjørðin, á Eiðiskolli, í Havn, í Sandoynni, í Froðba og í Vági. Harumframt eru smærri krígsminni at finna aðrastaðni í landinum.

- Omma savnaði alla familjuna til morgunmat leygardag, og har bleiv dúgliga kjakast. Sum eg minnist tað, var nærum eingin semja tvørtur um borðið. Tað bleiv kjakast hart, uttan at nakar gjørdist óvinir. Tað hevur lært meg ikki at ræðast konfliktir.

Ruth Vang er nýggja forkvinnan í Framsókn, og hon hevur sett sær fyri at bera arvin eftir Poul Michelsen víðari við virðing fyri grundvirðunum hjá flokkinum. Frælsi stendur ovast í skjøldrinum hjá nýggju forkvinnuni í Framsókn. Hetta frælsi sigur hon seg hava frá uppvøkstrinum og frá rembingunum í kalda krígnum í 1970- og 80-árunum.

Seinastu árini hevur hon verið ein rættiliga markantur og sjónligur politikari á Føroya løgtingi. Og eftir bara fimm árum í landspolitikki gjørdist hon forkvinna í Framsókn. Ruth Vang er hósdagsgestur, og hon greiðir frá um bakgrund og virði.

Hvørjar eru størstu broytingarnar, sum eru farnar fram í føroyskari bústaðarbygging fram til 1960? Hesin er millum mongu áhugaverdu spurningarnar, sum Jóan Pauli Joensen, professari, viðger í nýggja og stóra bókaverkinum "Í stovuni sofu - í køki komfýr?. Jóan Pauli vitjar í Nón.

Øll sendingin kann hoyrast her.

Fríggjadagin 13. mars lat Andreas Weihe Madsen upp plátuhandilin Oceania Records í einari garagu í Klokkaragøtu í Havn. Vit hava vitjað nýggja plátuhandilin, har vit skoða úrvalið og práta um plátur og plátumentan.

Eisini tosa vit við Marionnu Norðoy, sum letur stóra framsýning upp í Gallerí Focus fríggjadagin, og tað er við bæði spritti og fjarstøðu.

Vit hava vitjað nýggja plátuhandilin, har vit skoða úrvalið og práta um plátur og plátumentan.