- Eg var fyri einum likamligum smeiti, so eg mátti leggja mítt yrki sum fysioterapeutur frá mær. So kann man velja at leggja seg í songina ella royna at gera okkurt, sum innast inni gevur meining.

Soleiðis greiðir Þóra Þóroddsdóttir frá, nú tann sjeynda týðingin av Halldóri Laxness er á veg úr íslendskum í føroyskt.

Í fjør komu tær fýra bøkurnar "Heimsljós" út á Sprotanum, og í næstum kemur "á Brekkubø". Um hesa síðstu sigur Þóra, at hon er so vøkur, at hon grætur hvørja ferð, hon lesur hana.

Hoyr samrøðuna um Þóru Þóroddsdóttir og Halldór Laxness.

Hon hevur týtt fleiri bøkur eftir Halldór Laxness til føroyskt, og nú er enn ein bók á veg. Þóra Þóroddsdóttir vitjar.

Og so frætta vit um eitt serligt tiltak við listaskeiðum fyri ung, sum Norðurlandahúsið skipar fyri, nú útlit eru fyri at flestu børn og ung verða í verandi í landinum í summar.

Hoyrið sendingina her

Arkitekturur - ella mangul uppá sama, finnur tú í øllum sløgum av bygningum. Og hvussu er so vorið við føroysku brennistøðunum?

Saman við Alberti Isfeld, arkitekti, ummæla vit Brennistøðirnar inni á Sandvíkarhjalla og úti á Hagaleiti í Leirvík.

Hvat er professionel dagstovna-námsfrøði í Føroyum, og er hon øðrvísi enn í okkara grannalondum?

Hesar og aðrar spurningar viðgera vit saman við Elini Tausen og Eddu Hjartsvarsdóttir, sum eru farnar at kanna føroyska dagstovnaøkið.

Hoyrið sendingina her

Stóra tónlistarliga tiltakið Summartónar, sum fyrstu ferð varð hildið í 1992, byrjar í ár komandi sunnudag. Vit hava vitjan av Kristiani Blak, sum greiðir okkum eitt sindur frá ársins tiltaki.

Filmsfelagið skipar nú aftur fyri sýningum. Í kvøld eru tveir føroyskir filmar á skránni. Vit tosa við annan av leikstjórunum.

Stóra føroyska bókaútsølan byrjar í dag. Vit tosa við formannin í Bókahandlarafelagnum.

Og so ummælir Jógvan Isaksen, bókmentafrøðingur, bókina "Ein táttur er silvur" eftir Sólrun Michelsen.

Hoyrið sendingina her

17 prosent av ungum millum 18 og 24 ár kenna seg sera tyngd av einsemi, vísir nýggj kanning hjá Fólkaheilsuráðnum. Vit greina kanningina saman við formanninum í ráðnum, Magna Mohr.

Hvat er einsemi og hvussu ávirkar tað okkum, spyrja vit sálarfrøðingin Suna Poulsen.

Vit tosa við nøkur ung, sum hava skrivað yrkingar um einsemi í vallærugreinini Skrivigleði. Gunnvá Winther og Bjørg Brynhildardóttir Egholm vitja saman við læraranum Oddfríði Marna Rasmussen.

- Hetta er væl skrivað, tað er spennandi og riggar væl á føroyskum, sigur Anny Poulsen, hungursleikafjeppari.

Sama dag sum nýggja bókin í røðini Hunger Games kom út á enskum og øðrum málum um allan heim, kom hon eisini út á føroyskum máli.

Tað hevur verið ein heilt serstøk uppliving hjá Bókadeild Føroya Lærarafelags, sum hevur skrivað undir eina rúgvu av skjølum um tagnarskyldu, eins og Bergur hevur skrivað fleiri kotur fyri at sleppa til ógvuliga loyniliga handritið.

- Eg havi ikki orð fyri, hvussu gott hetta er.

Rakel Helmsdal, rithøvundur, hevur fingið listafólkaløn í trý ár.

- Heilt ítøkiligt merkir hetta frið í trý ár. Frið fyri at skula søkja. Frið fyri strongdini, sum tað er ikki at vita, um eg klári árið. Ella at tað brádliga ikki eru pengar eftir á kontuni, sigur Rakel Helmsdal.

Samstundis, sum tað er ein viðurkenning av hennara starvi sum rithøvundur, er tað eisini ein viðurkenning av barna- og ungdómsbókmentum yvirhøvur, tí tær eru ofta forfjónaðar í bókmenta- og listaheiminum.

"Silja Strøm hevur, frá hon var heilt ung listakvinna, víst sans fyri originalum kompositiónum, sjálvstøðugum brúki av litum, og einum sterkum, persónligum og poetiskum myndamál".

Soleiðis skrivar dómsnevndin millum annað í grundgevingum sínum fyri at velja Silju burturúr teimum 22 umsóknunum til listafólkaløn, sum komu inn hesaferð.

Hoyrið her samrøðu við Silju

Í gjár kom nýggj bók út um hungursleikirnar, Hunger Games. Sum nakað serligt kom bókin út á føroyskum, samstundis sum hon kom út á enskum og øðrum málum.

Vit tosa við umboð fyri útgevaran, Silju Aldudóttir, týðaran Berg Rasmussen og við Anny Poulsen, sum er hungursleika-fjeppari.

Fara vit at tosa enskt í Føroyum í framtíðini?

Tann spurningin umrøða vit saman við Rakul Skaale Andreasen, sum hevur skrivað meistararitgerð um evnið.

Hoyr alla sendingina her

- Tað var bara ov stuttligt, eg kundi ikki lata vera.

Soleiðis fortelur Gunvá Zachariasen um, hví hon av fyrstan tíð fór at spæla sjónleik. Fyri 20 árum síðan bleiv hon útbúgvin sjónleikari á Statens Teaterskole í Keypmannahavn. Nú fær hon fyri fyrstu ferð eina fasta løn klingandi inn á kontuna hvønn mánað næstu árini.

Gunnvá Zachariasen hevur fingið listafólkaløn í trý ár, og hon hevur stórar ætlanir. Hon droymir um eina palllistastevnu, hon fer undir at skriva leikrit, og hon setir stórskaldsøguna "Ó" eftir Carl Johan Jensen á pall.