- Bókin Skúmisleiv og tjóðarhetja er ein forvitnislig, upplýsandi og væl skrivað bók og harafturat sera væl rættlisin.

Uni Arge, journalistur, ummælti í sendingini Nón tann 15. januar bókina "Poul P. Nolsøe: Skúmisleiv og tjóðarhetja" eftir Rolf Guttesen.

Mentanargrunnur Landsins hevur latið listafólkalønirnar í ár: Rakel Helmsdal fyri bókmentir, Silju Strøm til myndlist og Gunnvá Zachariasen fyri leiklist. Tær tríggjar fáa nú fasta løn í trý ár, so at tær burturav kunnu arbeiða við síni list.

Rakel, Silja og Gunnvá vitja Nón, har vit tosa um, hvat tað hevur at týða fyri tær, hvør ætlanir tær hava, og vit nerta eisini við kjarnuna í teirra listargrein.

Vit hava kannað, hvussu føroysk list nú verður lýst á Listasavninum saman við stjóranum, Karinu Lykke Grand.

- Eg havi altíð følt meg eitt sindur avbyrgdan... sum ein serskølt... eisini sum barn.

Carl Jóhan Jensen, rithøvundur, var hósdagsgestur í Nón.

Tann 25. mai kemur enn ein bók eftir Carl Jóhan út: Mitt í eini krónutíð. Talan er um ein dagbókaform, har Carl Jóhan viðmerkir politikk og eygleiðir Føroyar í koronutíðini. Vit tosa við Carl Johan um bókina.

Hann hevur skrivað dagbók síðan á jólum, og nú kemur hon út sum bók við heitinum: Mitt í hesi krónutíð. Carl Johan Jensen, rithøvundur, er hósdagsgestur í Nón.

Tann fasta framsýningin er broytt munandi, og ein heilt nýggj samanseting við meira enn 100 málningum afturat frá goymsluni er hongd upp. Vit hava kannað, hvussu føroysk list nú verður lýst á Listasavninum saman við stjóranum, Karina Lykke Grand.

Hoyrið sendingina her

Í dag eru júst 50 ár síðan, at filmurin Let it be varð frumsýndur. Og fimm dagar frammanundan kom LP-plátan við sama navni út.

Let it be var tólvta LP-útgávan hjá The Beatles og samstundis tann síðsta frá bólkinum, sum spældi saman í 10 ár frá 1960-1970.

Beatles kollvelti ikki bara heimin, men var eisini ein margfullur máttur í stóru byltingunum í 60-árunum. Let it be var sostatt tann síðsta staðfestingin og heilsanin frá John, Paul, Georg og Ringo.

Tann 10. mai 1995 vórðu fyrstu spírarnir til internetið hátíðarliga lýstir á einum kunningarfundi á Debesartrøð, har 100 fólk møttu.

Í dag nema vit við ein part av søguni um hetta meira og meira alfevnandi net, eins og vit royna at hyggja eitt sindur fram.

Vit tosa við Petur Zachariassen, Ólav Ellefsen, Rúnar Reistrup og David Arge Klevang Petersen, sum á hvør sín hátt meta um hvar vit hava verið, hvar vit eru, og hvar vit fara, tá tosað verður um netið.

Hoyrið sendingina her

- Vit hava øll møguleika til alt møguligt. Kynstrið er at fara eftir møguleikanum, so kanska gerst tað møguligt.

Jóannes Jakobsen hevur roynt nógv av tí, sum hann hevur hug til. Og hann hevur gjørt vart við seg á nógvum ymiskum mótum. Tríggjar tónleikaútgávur blivu tað til í 1990'árunum, MA's Blues Band setti tey menningartarnaðu á fremstu rók, og fyri tíðina málar hann sum ongantíð.

Um vikuskiftið fer hann aftur at siga frá tí fótbóltinum, sum hevur fylt so nógv í hansara lívi.

Hann er fasti viðmerkjarin, tá ið fótbólturin rullar, men vit fara at snara prátinum aðrar leiðir, tí gávurnar og áhugin er til so mangt annað. Jóannes Jakobsen er okkara hósdagsgestur.

Og nú samfelagið varliga letur upp aftur, umrøða vit tvær listaframsýningar.

Í Listaskálanum hava tey broytt føstu framsýningina. Ein stórur partur teimum málningum, sum hingu uppi, eru avloystir av øðrum verkum, sum felagið eigur.

Og so skipar blaðið Vinnulívið fyri forkunnugari sølulistaframsýning í Sjónleikarhúsinum leygardagin, sum eisini er opin fyri teimum, ið bara vilja hyggja.

- Tað bretska er ein partur av mær, siga Petur Rouch og Robert McBirnie sum við ein munn, hóast hvørgin teirra nakrantíð fingu samband við pápar sínar. Nøvnini bera boð um ein sterkan, men eisini viðbreknan samleika og sannleika.

Teir eru báðir úrslit av kærleika millum eina unga føroyska gentu og bretskan hermann undir krígnum. Og tað vóru mong børn, sum spurdust burtur úr. Eini 160 føroyskar kvinnur giftust bretskum hermonnum, og haraftrat komu eini 180 sokallað leysingabørn burturúr, har lýst varð eftir pápunum í Dimmalætting.