Glottar úr trolarasøguni er heitið á bók, sum Óli Olsen hevur skrivað. Bókin umfatar byrjanina til føroyska trolveiðu fram til 1961, tá seinasti síðutrolarin - Magnus Heinason, verður bygdur. Bókin lýsir søguna hjá hvørjum skipi sær, og harumframt eru eitt nú eisini kort, sum vísa føroysku fiskileiðirnar við síðutrolarunum.

Tú kanst hoyra samrøðuna við Óla Olsen her!

- Tað var rein tilvild, at eg gjørdist rithøvundur.

Tað sigur Sólrún Michelsen, sum nú gevur út sína triðju skaldsøgu, Ein táttur er silvur.

Talan er um eina søguliga lagnuskaldsøgu, har Sólrún tekur útgangsstøði í sínari egnu familjusøgu, men annars bryggjar víðari og skapar eina spennandi søgu.

Vit vitja Tórbjørn Olsen, sum letur upp málningaframsýning í Steinprenti í Havn. Kvinna fyllir 15 ár hendan mánaðin; vit tosa við útgevaran. Óli Olsen gevur út bókina Glottar úr trolarasøguni. Sólrún Michelsen, sum gevur út søguligu skaldsøguna Ein táttur er Silvur, er hósdagsgestur. Og Mortan úr Hamrabyrgi tosar um sín stóra áhuga fyri mati og tær broytingar, sum eru hendar við matmentanini seinnu árini.

Øll sendingin kann hoyrast her.

Fyrsta blaðið hjá Kvinnu kom út 11. november í 2004, og einasta kvinnublaðið í Føroyum fyllir sostatt 15 ár hendan mánaðin.

Kvinna hevur millum annað hátíðarhildið hetta við at geva út fyrsta sonevnda bókasinið - "Søtt og Salt". Blaðredaktiónin er eisini saman við Sansum, sum eigur blaðið, fyri stuttum flutt í nýggj, nýumvæld hølir á Smyrilsvegi 13.

Á framsýningini eru landslagsmyndir, sum í høvuðsheitum eru úr Havn, og fleiri kvinnumyndir, umframt eitt steinprent við bíbilskum myndaevni. Øll verkini á framsýningini eru nýggj.

Framsýningin letur upp fríggjadagin 22. november, og opið verður frá kl. 16-18. Og á ferniseringini fara Drifa Hansen og Johanne Andersson at syngja og spæla.

Tú kanst hoyra samrøðuna við Torbjørn Olsen her!

Hesa vikuna vitjaðu vit heima hjá Jústinusi Leivsson Eidesgaard, sum greiddi frá einum málningi, sum hann er serliga glaður fyri, og sum hevur eina serliga søgu í mun til, hvussu hann ognaði sær hann.

Tú kanst hoyra Mentanarálmanakkan her.

Árligu Bókadagarnir verða um vikuskiftið, og tað setir dám á hendan Mentanarmikudagin í Nón.

Gunn Hernes, stjóri í Norðurlandahúsinum, greiðir frá Bókadøgunum 2019.

Silja Aldudóttir hevur týtt vælumtóktu norsku røðina SKAM, og hon kemur at greiða frá týðingini og fyribrigdinum SKOMM, sum røðin nú eitur á føroyskum. Samstundis kemur Marna Jacobsen at hugleiða um ungdómsbókmentir og rák í ungdómsbókum.

Vit hava eisini tvey ummæla á skrá í dag. Hilda Bolstad Mortensen ummælir júst Skomm, og Malan Marnersdóttir ummælir skaldsøguna Jarðarferðin eftir Jóanes Nielsen.

Nón vitjar á Eiði, har borgarstjórin tekur ímóti. Vit tosa við umboð fyri vinnulív og fyri skúla, við ein tilflytara og tvey fólk, sum hava búð har leingi, og við ein bónda, eins og arkitekturin sigur nøkur orð um, hvussu hann sær Eiði arkitektoniskt.

Luttakarar: Jógvan í Skorini, borgarstjóri, Tom Joensen, skúlastjóri, Jan Thomsen, bóndi, Albert Isfeld, arkitektur, Hans Marius í Byrgi, Sjógæti, Niels Emil Andreasen, Tonito, Rose Alemayehu Poulsen, cafein við Ljósá, Annika Festirstein og Stig Nielsen.

Sum 19 ára gamal flutti Stanley Samuelsen av landinum. Í nógv ár arbeiddi hann mest við donskum protest- og fólkatónleiki, men tá politikkurin broytist, vendi hann aftur til føroyska málið gjøgnum yrkingar og sang.

Í hesum døgum kemur nýggja fløgan hjá Stanley Samuelsen á marknaðin. Fløgan ber heitið "No.8", og er júst áttanda útgáva hansara. Sjey útgávur eru við føroyskum tekstum, meðan ein er á donskum. Hetta eru føroyskar yrkingar, sum eru umsettar.

Hósdagin kom Stanley beint úr flogfarinum í útvarpsstovuna, har hann greiddi frá um lív sítt. Hoyrið samrøðuna her