Vit ummæla leikin Hamlet saman við Birnu Heinesen, dramaturgi, og Riu Tórgarð, sjónleikara og leikstjóra.

Í táttinum "Mítt listaverk" greiðir Regin W. Dalsgaard frá sínum yndis-listaverki.

Vit umrøða nýggju bókina "Svik" eftir Jan Lamhauge saman við høvundinum.

"Til gaman og álvara" er heiti á bók um Havnar sjónleikarfelag. Høvundarnir Erling Isholm og Karin Djurhuus vitja fyrst í seinna tímanum.

Guðrun Gaard ummælir nýggju skaldsøguna "Terningar - søgur av tilvild" eftir Carl Johan Jensen.

Og vit enda sum vant mikudag við Mentanarálmanakkanum.

- Tit mugu fara. Annars ringja vit eftir Stasi.

Hetta vóru boðini, sum Ólavur Rasmussen fekk, tá ið hann var í Eysturberlin seint í 1989.

Saman við konuni Lis og einum amerikanara, hevði hann brotið seg um hegnið inn í Eysturtýskland og koyrt inn í Berlin, har mannamúgvurnar kravdu at sleppa vesturum.

Hetta var í teimum døgum, tá ið Stasi-vaktarmenn enn stóðu og hildu vakt.

Nakrar dagar seinni stóð Ólavur í Vesturberlin og breyt Múrin niður hamara og meitli.

The Wall hjá Pink Floyd er um múrar í og rundan um okkum menniskju. Gjøgnum persónssøguna hjá høvuðspersóninum fær komponisturin langað út eftir tí samfelag, hann livir í.

Knút Háberg Eysturstein, tónleikafrøðingur, greiddi í samrøðu frá.

Hoyrið innslagið her.

Tað eru í hesum døgum 30 ár liðin, síðan Berlinmúrurin syndraðist, og kommunistiska jarntjaldið spakuliga varð drigið frá.

Samstundis eru 40 ár liðin, síðani koncept-plátan "The Wall" hjá Pink Floyd kom út, og eisini 40 ár síðani Michael Jackson gav út plátuna "Off the wall".

Hesin TemaTýsdagur er bygdur upp við múrum.

Hví kom múrurin? Hvat umboðar múrurin? Hvat gjørdi Berlin-múrurin við heimin - tá ið hann stóð, og hvat er hent síðani? Tað tosa vit við Hans Holm, landafrøðing, og Heina í Skorini, stjórnmálafrøðing, um.

Doru Tiberiu á Torvlaðnum kom til Føroyar sum flótti fyri 30 árum síðani - í 1989. Hann giftist við Guðrið Poulsen, sum hann frammanundan hevði hitt av tilvild í Spania. Tey eiga tvey børn, og í dag livur Doru eitt vanligt lív og arbeiðir sum útróðrarmaður. 

Men fyrra partin av lívinum livdi Doru í kommunistiska Rumenia undir einaræðisstýrinum hjá Nicolae Ceaușescu.

- Hann hevur verið út fyri øllum millum himmal og jørð - bæði av góðum og minni góðum, sigur Óli Jacobsen, rithøvundur, sum hevur skrivað ævisøguna um Njál Djurhuus.

Bókin, sum nevnist "Njál - ljós í skugga", viðger Njál Djurhuus, sum er vorðin kendur fyri at hjálpa fólkum í neyð, serliga av rúsevnistrupulleikum. Hann hevur í ein mansaldur virkað fyri Frelsunarherin í Norra.

Í bókini verða nógvar søgur sagdar frá arbeiðnum hjá Njál, men farið verður eisini aftur um høvuðspersónin, og leitað verður aftur til hansara uppruna.

Í næstum gevst hon í Kvinnuhúsinum, men hesa vikuna var hon hósdagsgestur í Nón.

Í síðstu viku vitjaði ein sendinevnd hjá amerikansku sendistovuni í Keypmannhavn í Føroyum.

Ein av teimum, sum var við sendinevndini var Pauline Sheldon, viðurkendur professari og granskari á "University of Hawaii’s School of Travel Industry Management" í Hawaii, sum serliga hevur granskað í byrðardyggari ferðavinnu. Hon hevði millum annað fyrilestur um náttúruvernd og cruise ferðavinnu.

- Tann djúpa sorgin kom ikki fyrr enn eitt ár seinni, sigur Jóhanna Andreassen.

Hoyrið her samrøðuna við Jóhonnu, sum greiðir frá, hvussu hon upplivdi at missa sonin í einari ferðsluvanlukku, og hvussu hon síðani hevur skipað lív sítt. Eitt lív, sum ikki snýr seg um at koma víðari í mun til vanlukkuna, men eitt lív, sum snýr seg um at geva sorgini og minnunum rúm í gerandisdegnum.