Tvey gallerí lótu upp í miðbýnum í Havn í farnu viku, og í byrjanini av sendingini hitta vit Elsu Maria Holm Olsen og Kinnu Poulsen í Víngarðinum.

Vit hava eisini verið á gátt í Galleri Focus, har vit skiftu orð við Onnu Mariu Gøricke, Palla Gregoriussen og Marionnu Norðoy.

Í morgin letur Stanley Samuelsen úr hondum fløgu "Nr. 8" - og í dag verður Stanley Hósdagsgestur í Nón.

"Ver tú" er ein handbók um kynsfatan, kærleika, familju og margfeldi. Vit tosa við Juliu Rutt Petersen, ið hevur týtt bókina til føroyskt.

Tú kanst hoyra sendingina her!

- Hetta kemur frá einum gomlum dreymi at hava mín egna víngarð, sigur Elsa Maria Holm Olsen, sum eigur Víngarðin, ein lítil vínbarr í Tróndargøtu mitt í Havnini.

Á veggjunum beint nú hongur list eftir eitt nú Hansinu Iversen, Hanna Bjartalíð og Tórodd Poulsen. Kinna Poulsen velur út listaverkini, og ætlanin er at hava einar 6-7 nýggja framsýningar um árið.

- Eg havi kuraterað nógvar framsýningar í ymsum støðum, men eg hevði eisini ein sovorðnan dreym um at hava mítt egna listastað, sigur Kinna.

Fríggjadagin kl. 16 lat Gallarí Focus upp í nýggjum hølum í Doktara Jakobsensgøtu 15 í Havn. Og talan er um eina forvitnisliga framsýning við verkum eftir Palla Gregoriussen og Anne Marie Gøricke, ið kann síggjast til 21. november.

Anne Marie Gøricke er fødd í 1948 í Ringsted. Um verkini hjá henni á hesari framsýningini er at siga, at eftir herviliga, lívshóttandi sjúku, er hon framvegis í fyribyrgjandi viðgerð.

- Bøkur hansara eru rannsóknir inn í lívsins stóru spurningar. Í nýggju skaldsøguni Terningar er tema tann stóra og ófatuliga tilvildin, sum stýrir øllum.

- Carl Johan vendir og snarar málinum, og viðhvørt eru orð, sum tú ikki kanst sláa upp í nakrari orðabók, men tey hava sín førning kortini og føra lesaran inn í løgin landsløg og hendingar, sum viðhvørt bera á at vera surrealistiskar og krevja teg at ganga inn uppá hugskot, sum ikki sleppa tær aftur so skjótt.

Hoyr Guðruna Gaard ummæla skaldsøguna Terningar eftir Carl Johan Jensen.

"Ver tú" er nýggj bók, týDF til føroyskt, ætlað børnum og ungum. Sum undirheitið sigur, er talan um eina handbók um kynsfatan, kærleika og familju.

Í fororðinum stendur, at endamálið við bókini er at gera tað lættari at greiða børnum frá um kynsamleika, kærleika og margfeldi í familjum, og at rætta eina hjálpandi hond í at uppala børn, ið góðtaka seg sjálv og onnur.

At byrja leikin við jarðarferðini riggar sera væl, siga Ria Tórgarð, sjónleikari og leikstjóri, og Birna Heinesen, dramaturgur, millum annað í ummælinum av leikinum Hamlet, ið Det Ferösche Compagnie hevur tikið stig til.

Hetta er ein stórsligin uppseting, sum setur stór krøv til leikararnar, sjálvur pallurin eru framúr - ella pallarnir, tí spælt verður um alt húsið, samstundis sum hetta eisini gevur áskoðaranum møguleika at uppliva arkitekturin í Norðurlandahúsinum á ein øðrvísi hátt.

Tú kanst hoyra ummælið av Hamlet her!

Í 2018 varð hátíðarhildið, at 100 ár vóru liðin, síðan sjónleikarar í Havn stovnaðu Havnar sjónleikarfelag. Ein partur av hesum var at fáa søguna um sjónleikin í Havn út í bók. Nú er hon komin.

Hoyr samrøðuna við Karin Djurhuus, fyrrverandi forkvinnu í Havnar sjónleikarfelag, og Erling Isholm, søgufrøðing, sum hava skrivað og ritstjórnað bókina.

Tey greiða millum annað frá, at søgan um sjónleikin gongur nógv longri aftur.

- Eg haldi hetta vera eitt ótrúliga spennandi mál, og hetta endaði eisini við at vera eitt mál, sum kom at vera sera tætt at mínum lívi. Tað hevði persónligar avleiðingar fyri nógv fólk - eisini fyri meg sjálvan.

Jan Lamhauge hevur givið út bókina Svik, sum fer ígjøgnum nógv umrødda skattamálið hjá gamla Eik-banka. Tað málið verður neyvt gjøgnumgingið í bókini, bæði Betri-banki og Taks fáa sítt, men samstundis snýr bókin seg um nógvar persónar, og hvørjar avleiðingar málið fekk fyri Kringvarpið, sum framleiddi sendingarnar um skattamálið.

Hesa vikuna vitjaði Nón á skrivstovuni hjá Regini, sum er býlingsstjóri í SMS. Har hongur eitt av teimum listaverkum, sum Regin hevur ein serligan tokka til.

Hoyrið innslagið her

Hvat hendir á føroyska mentanarpallinum komandi vikuna? Vit lodda dýpið um landið.

Tú kanst hoyra Mentanarálmanakkan her!