Splunkunýr þáttur beint úr stúdóíinu! Allskonar pælingar út frá umræðum síðustu daga. Ræðum aðeins eigin sannfæringu, grunnskólamótun, andlega leiðtoga, nýjasta kompás þáttinn, tannburstun og fleira. 

Somatic Therapy er í raun líkamleg meðferð - við erum að geyma oft skít í líkamanum, erfiðleika sem sitja eftir í líkamanum eftir áföll eða eitthvað sem við höfum upplifað. Kíkjum á leiðir til þess að losa spennu úr líkamanum án þess að tala um hlutina. (Eins og kemur fram í þættinum mælum við auðvitað með því að tala um erfiðleika með fagaðila, hér erum við bara að velta fyrir okkur hinum ýmsu möguleikum - hver velur fyrir sig) <3 one love 

Það er ekki á hverjum degi sem maður fær háklassa hláturskast í boði Arons. Njótið vel kæru hlustendur - þessi þáttur er eðal. 

Kæru hlustendur! Við fengum svo svakalega mikil viðbrögð á hormóna þáttinn (nr.150), að við ákváðum að gera seríu um öll skeiðin. Hvernig er best að hakka kerfið sitt og ná fram því besta í hverri sveiflu? Byrjum á að skoða Eggbússkeiðið. Njótið veeeel og hlökkum til að heyra ykkar upplifun og hvernig þið ætlið að hakka ykkar hormónakerfi! 

Annar þáttur í hormónakerfis seríunni - tölum um egglos skeiðið og það sem því fylgir. Þetta er veeel sexy tímabil og margt að skoða. Litla snilldin að geta haxað líkamann og lifað sínu besta lífi. Dönsum MEÐ blessuðu hormónunum. Lets go girls. 

Viðbrögðin við þessari seríu eru súrealísk og pósthólfið okkar er stútfullt af skilaboðum frá hlustendum - enda er þetta umræðuefni LÖNGU tímabært. Við ákváðum að setja næsta þátt út snemma til að tríta bestu hlustendur landsins! Skoðum þriðja skeiðið í hormónaseríunni, Gulbússkeið eða Luteal Phase. 

Síðasta skeiðið í þessari sleggju hormónaseríu - VÁ hvað feedbackið frá ykkur kæru hlustendur er skemmtilegt. Þið fyllið okkur innblæstri daglega. Takk. En það er mjög mjög mjög mikilvægt að allir einstaklingar með tíðarhring kynni sér málið og læri vel á sig. <3 Kíkjum á þetta fallega skeið í hormónahringnum; blessuðu blæðingarnar. 

Birna Rún Eiríksdóttir er leikkona og okkar allra uppáhalds insta og tik-tok grínari. Í þessum þætti förum við yfir lífið, leiklistina, hvernig hún átti við kvíða og hvar hún sækir innblástur. Birna nær að koma öllum sínum hlutum frá sér á svo kómískan hátt því hún er fyndnust, þið einfaldlega verðið að hlusta! 

Athafnamaðurinn Jón Gunnar Geirdal kom til okkar á innihaldsríkt spjall! Hann er ótrúlegur frumkvöðull og það virðist sem að allt sem að hann snertir verði að gulli. Hann er búinn að prófa marga hluti hvað varðar atvinnu, reka nokkur fyrirtæki, halda viðburði og skrifa þáttaseríur. Þetta var virkilega skemmtilegt og lærdómsríkt spjall sem að þið kæru hlustendur fáið á silfurfati!

Þórdís Björk, leikkona, söngkona og Reykjavíkurdóttir með meiru kom í extra hrátt og mannlegt spjall til okkar. Virkilega skemmtileg hlustun hér á ferð! Njótið kæru hlustendur.