En il decurs da l'atun vegnan las temperaturas pli e pli fraidas. Tranter la plievgia sa maschaida adina puspè l'in u l'auter floc da naiv ed ils vents frestgs laschan gia siemiar da la stiva chauda.«Noss Chors» chantan oz diversas chanzuns d'atun. Uschia per exempel «Aton sot la plievgia» interpretà dal chor Davos Fallung, «Pleds aint il vent» dal Vokalensemble Cantaurora u «Il grond sulegl» chantà dal chor viril Domat. En l'emissiun dad oz pudais Vus giudair uschia tut las fassettas da l'aura d'atun senza stuair bandunar vossa stiva chauda.

La fin d'october èn 58 chors sa rimnads ad Aarau a la dieschavla concurrenza da chors. Là èn els sa mesirads en pliras categorias.La fin d'emna dals 28 e 29 d'october ha gì lieu ad Aarau la dieschavla concurrenza da chors. En duas baselgias han els preschentà lur chanzuns da pag al public ed ad ina giuria. En l'emissiun dad oz pudain nus tadlar ina schelta da quellas producziuns dals chors da la categoria E, chors d'elita.

La fin d'emna dals 28 e 29 d'october ha gì lieu ad Aarau la dieschavla concurrenza da chors. Là èn ils chors sa mesirads en pliras categorias.Ad Aarau èn 58 chors sa rimnads per la dieschavla concurrenza da chors. En duas baselgias han els preschentà lur chanzuns da pag al public ed ad ina giuria. En l'emissiun dad oz pudain nus tadlar ina schelta da quellas producziuns dals chors da la categoria E, chors d'elita.Redacziun: Laura Giger e Dominic Pohle

La baselgia catolica festivescha l'entschatta da november Numnasontga ed il di da las olmas. Durant quels dus dis vegn sa regurdà dals sontgs e defuncts cun far uraziun e cun rugar per els.L'entschatta da november sa regorda la baselgia catolica da ses sontgs e defuncts. L'emprim da november celebrescha ella tut ils sontgs. Perquai ch'i na dat betg avunda dis durant l'onn per mintga sontg vegnan els onurads tuts per la festa da Numnasontga. Ils dus da november, il di da las olmas, sa regordan ils catolics da lur defuncts. «Noss Chors» chantan oz chanzuns en memoria da tut ils sontgs e da las olmas.

L'enviern èsi da spetgar pli ditg sin il cotschen da la damaun, dentant èsi tuttina adina puspè in spectacul che vala la paina.Il cotschen da la damaun – l'aurora – è in spectacul da la natira ch'ins po observar curt avant la levada dal sulegl. «Cotschen da la damaun fa puz e paltaun» di il proverbi. Sch'il tschiel traglischa en diversas colurs è quai dentant emblidà per in mument.Perquai dechantan «Noss chors» oz l'aurora e la damaun marvegl.

Per blers èn ils culms e las alps nossa patria. Perquai dechantan «Noss Chors» las alps e muntognas dal Grischun.La stad nizzegian blers las alps e muntognas per ir sin mises, a raiver ni a viagiar. Encunter l'atun vegnì ì a chatscha ed a rimnar bulieus. Senza las muntognas na pudess ins betg ir cun skis l'enviern ni far turas cun chalzers da naiv e sco che la naiv è svanida puspè ad alp. Las muntognas èn il dachasa per blers. Perquai chantan «Noss Chors» per ils culms e las alps.

Mintgin é la summa da sias atgnas experientschas. «Noss Chors» chantan oz da regurdientschas e sa regordan dal temp passà.Era sche gronds eveniments – sajan quels positivs u negativs – stattan pli fitg en memoria èsi tranteren las chaussas pitschnas da las qualas nus ans regurdain il pli gugent. Oz laschan «Noss Chors» reviver muments passads. Els sa regordan vid eveniments da l'uffanza, dal temp communabel cun persunas impurtantas u simplamain da schabetgs legraivels ord la vita.

«Nums» - Els dattan l'identitad a persunas e lieus. Entras chanzuns vegnan ils nums onurads da «Noss Chors».Da Barbara Ann, sur Malgiaretta e Gion Giachen enfin tar Rosina: A quels ed a blers auters nums èn las chanzuns da quest'emissiun deditgadas. Las chanzuns che «Noss Chors» chantan han ina chaussa communabla: Nums en il titel.

Era sche ils dis vegnan pli curts e las temperaturas sa sbassan é quai il temp per ir giuador e far spassegiadas. Il meglier anc cun in u l'auter chor da l'emissiun dad oz en l'ureglia.Meteorologicamain è l'atun gia cumenzà l'emprim da settember. Il chalender di dentant pir dapi curt ch'igl saja atun. Mo sch'ins fa ina spassegiada sentan ins spert sez ch'igl atun ha cumenzà. Insaquants plantas han gia la feglia che mida plaunet la colur. Ils dis vegnan pli curts ed ins senta ch'igl è vegnì pli fraid. Ed era tar «Noss Chors» è l'atun arrivà. Els chantan en l'emissiun dad oz chanzuns d'atun, da l'ultima racolta è da las randulinas.Redacziun: Gion Dominic Pohle

Mintga val ha ses chors che represchentan la patria. «Noss Chors» preschenta en questa seria ils chors da las differentas valladas. En la setavla part visitain nus il Surses.Mintga chor s'identifitgescha cun sia vallada, sia patria. E mintga vallada porscha in dachasa a differents chors. En questa seria sa metta «Noss Chors» sin viadi atras las vals da noss chantun e fa visita ad els. Oz visitain nus il Surses. Quel s'extenda da Casti enfin il Pass dal Güglia. Era qua èn insaquants chors sa chasads.