Privaatsektor-kredietverlening het in Maart vanjaar tot 125,9 miljard Namibiese dollar gestyg, waarvan die grootste deel aan huishoudings gegaan het, sê Simonis Storm in sy jongste verslag. Huishoudelike kredietgroei het skerp versnel tot 4,1 persent, die sterkste groei in die huidige siklus, na 'n toename van 2,9 persent in Februarie. Simonis Storm ekonoom Almandro Jansen het meer.

Na jare van vertragings en openbare debat het die Wet op Finansiële Instellings en Markte, Fima, amptelik op 1 Mei in werking getree. Tydens 'n inligtingsessie het Kenneth Matomola, die uitvoerende hoof van Namfisa, bevestig dat die 75 persent-bewaringsreël uitgefaseer is, en dat begunstigdes 'n kontantenkelbedrag van hul pensioen kan onttrek voor aftrede.

Die hoof van die Valke se eenheid vir georganiseerde misdaad, generaal-majoor Hendrik Flynn, het aan die Madlanga-kommissie gesê goud wat onwettig ontgin word, word deur tussengangers op onwettige markte ingevoer. Materiaal word aan gelisensieerde raffinaderye verkoop, soms gemeng met wettige voorraad, wat opsporing bemoeilik. Flynn beklemtoon nie alle maatskappye is betrokke nie. Hy waarsku kontantgebaseerde transaksies en swak toesig maak geldwassery moontlik, hou onwettige mynbou in stand en versteek finansiële vloei:

Amerikaanse verdedigingminister Pete Hegseth het Dinsdag aan verslaggewers by die Pentagon gesê dat die skietstilstand met Iran nie tot niet is nie, ten spyte van aanvalle in die Straat van Hormuz. Dit was na die Islamitiese Revolusionêre Wagkorps belowe het om beslissende stappe te doen teen vaartuie wat roetes gebruik om deur die seestraat te vaar wat nie deur Iran goedgekeur is nie. Intussen het president Donald Trump by die Withuis gesê hy is gewillig om Iran se ekonomie tot 'n val te bring, want hy wil wen. Luister self.

Kry die nuus soos dit breek.

Die eerste sessie van die sewende sitting van die Nasionale Vergadering het vandag afgeskop met die begrotingswetsontwerp steeds op die tafel. Die sessies sal tot en met 19 Mei voortgaan. Die voorsitter van die Nasionale Raad, Lukas Muha, het die sessie geopen.

Die minister van Landbou, John Steenhuisen, sê Suid-Afrika het sy bek-en-klouseer-inentingsprogram aansienlik uitgebrei en miljoene dosisse uit Argentinië en Turkye bekom terwyl plaaslike produksie 'n hupstoot gegee word. Hy het in die parlement gesê meer as 2,5-miljoen diere is reeds landwyd ingeënt en die departement beoog om teen einde vanjaar 80-persent van die nasionale kudde te bereik deur 'n risiko-gegronde ontplooiing wat deur provinsiale spanne en privaat vennote ondersteun word:

Bewaringsnavorsers rig 'n dringende beroep op die publiek om Afrika se kleinste wildekat, die swartpootkat of miershooptier, op te spoor. Die Swartpootkat Navorsingsprojek Namibië waarsku dat 'n gebrek aan bevestigde waarnemings pogings belemmer om die spesie se oorlewingstatus te bepaal. Projekkoördineerder Martina Küsters het aan Kosmos 94.1 Nuus gesê dat hoewel die Suider-Afrikaanse wildekat wydverspreid is, sy kleiner verwant, die swartpootkat, steeds kritiek onderrapporteer word.

Bewaringsnavorsers rig 'n dringende beroep op die publiek om Afrika se kleinste wildekat, die swartpootkat of miershooptier, op te spoor. Die Swartpootkat Navorsingsprojek Namibië waarsku dat 'n gebrek aan bevestigde waarnemings pogings belemmer om die spesie se oorlewingstatus te bepaal. Projekkoördineerder Martina Küsters het aan Kosmos 94.1 Nuus gesê dat hoewel die Suider-Afrikaanse wildekat wydverspreid is, sy kleiner verwant, die swartpootkat, steeds kritiek onderrapporteer word.

Reaksie word ontvang op die opdrag deur die eerste minister, Elijah Ngurare, dat fase twee van die Neckartaldam se ontwikkeling moet afskop en voltooi word. Blykbaar sal die fase, wat besproeiing behels, voltooi word teen 'n bedrag van 2 miljard Namibiese dollar en met die hulp van 'n private vennootskap. Kosmos 94.1 Nuus het met voormalige raadslid vir die Keetmanshoop landelike kiesafdeling, Willem Labuschagne gepraat. Daar is kwessies met die grond.