Die internasionale handelstatistieke vir Maart is deur die Namibiese Statistieke-agentskap bekend gemaak. Die handelstekort het op 2,3 miljard Namibiese dollar ingekom, effe beter as Februarie se 5,2 miljard dollar. Mirjam Shihepo, die agentskap se woordvoerder.

Die Arbeidersparty het lelik pak gekry in Engeland se plaaslike owerheidsverkiesing. Reform UK het skoonskip in talle van die rade gemaak. Die Britse premier Keir Starmer sê daar is nie ‘n manier wat hy sal wegstap en die land in chaos dompel nie.

Suid-Afrika gaan 'n verslag aan die Afrika-Unie voorlê nadat Ghana versoek het dat anti-migrante-betogings tydens 'n komende vergadering bespreek moet word. Die minister in die Presidensie, Khumbudzo Ntshavheni, sê die regering ondersteun die eerste land-van-veiligheid-beginsel in migrasiesake. Ntshavheni het bygevoeg daar is nie 'n oorlog in die Suider-Afrikaanse Ontwikkelingsgemeenskap-streek om groot bewegings van mense na Suid-Afrika te regverdig nie:

Wêreld-persvryheidsdag word vandag in die hoofstad herdenk. Die dag word op 3 Mei jaarliks gevier na die Windhoek-deklarasie op daardie dag in 1991 deur Afrika-joernaliste onderteken is. Die verklaring definieer 'n vrye pers as onafhanklik van regerings-, politieke of ekonomiese beheer, wat die basis vorm vir wêreldwye persvryheid voorspraak. Tydens vanoggend se geleentheid het veteraan joernalis en direkteur van die Namibia Media Trust, Gwen Lister, die regering aangemoedig om so gou moontlik die Toegang tot Inligtingswetsontwerp te implementeer.

Die plaaslike landbousektor is op hol na die energieminister, Modestus Amutse, tydens die brandstofprys aankondiging gesê het dat vulstasies nie grootmaat brandstof aan mense sonder ‘n verbruikersinstallasiesertifikaat, mag voorsien nie.

Namibiërs kan hoër voedselpryse in die komende weke en maande verwag namate steil brandstofprysverhogings toenemende druk plaas op boere wat reeds met stygende produksiekoste sukkel. Agribank se tegniese adviseur vir gewasse en pluimvee, Hanks Saisai, sê aan Kosmos 94.1 Nuus dat die skerp styging in dieselpryse, met 4 dollar 63 per liter, trekkers, waterpompe en vervoerkoste direk sal beïnvloed.

Die Wêreldgesondheidsorganisasie sê meer hantavirusgevalle wat verband hou met die uitbreking op die Atlantiese luukse passasierskip, kan steeds opduik as gevolg van die virus se lang inkubasietyd van tot ses weke. Die direkteur-generaal van die WGO, Tedros Adhanom Ghebreyesus, het aan die media gesê voortgesette monitering en kontakopsporing is in verskeie lande in plek, met passasiers en noue kontakte steeds gevolg word vir moontlike simptome:

Die Nasionale Speenkalfkampioenskap is by die Bank Windhoek-ring op die Windhoek skougronde geloods. Die kampioenskappe is al sedert 2011 ’n vaste instelling op die veilingkalender. Met veilings landswyd bring Agra Veilings produsente bymekaar. Kosmos 94.1 Nuus was by die skougronde en het met Paul Klein, die uitvoerende hoof van die Agra-veilings gepraat. Hy het meer oor die land se bestendigheid met bek-en-klouseer bekamping.

Die verhoor van sakeman Vusimuzi “Cat” Matlala en sy medebeskuldigde sal op 20 Julie in die Johannesburgse Hooggeregshof begin. Matlala en vier ander beskuldigdes staan tereg op 25 aanklagte, insluitend verskeie aanklagte van poging tot moord wat verband hou met verskeie beweerde skietvoorvalle tussen 2022 en 2024. Magaboke Mohlatlole van die Nasionale Vervolgingsgesag sê die saak gaan oor gekoördineerde aanvalle, terwyl die verdediging toegang tot sleutelbewyse betwis, wat die verhoor wat in Junie sal plaasvind:

Die Internasionale Olimpiese Komitee het alle beperkings op Belarussiese atlete opgehef. Belarussiese en Russiese atlete is uit die Olimpiese kompetisie geskors ná Moskou se inval in Oekraïne in 2022. Belarussiese atlete mag nou onder hul eie vlag en volkslied deelneem. Hulle mag ook deelneem aan alle kwalifiserende geleenthede wat later vanjaar begin voor die Los Angeles Spele in 2028. Die komitee se president, Kirsty Coventry, sê beperkings teen Rusland bly egter na die onlangse sanksies deur die Wêreldagentskap teen Verbode Middels in Sport: