Modako hitza da aspaldian: ardura afektiboa. Gure harremanak zaintzeko dugun erantzukizunaz hitz egiteko erabiltzen dugu. Bikote harremanak, noizbehinkakoak, laguntasunezkoak… Baina ai, ez da erraza oreka aurkitzea.

Zenbateraino da gure ardura bestearen mina? Nola jokatu dezakegu bestearekiko enpatiaz, baina gure beharrak alboratu gabe? Gaian arakatu dute Irati Perez psikologoak eta Ane Zuazubiskarrek podcastaren atal honetan, ardura horri neurria hartzeko tresnen bila.

Ez hain Ondo, Hirudamatxok ekoitzi du EITB Podkasterako.

Red flag kontzeptua ahoz-aho darabilgu orain. Ez Hain Ondon euskarara ekartzeko proposamena daukagu: gometxa gorria. Baina izenak izen, badira, benetan, norbaiten-gandik urruntzeko adierazten diguten seinaleak? Zeintzuk dira? Bada gometxa laranjarik? Edo berderik? Zer egin jokabide toxikoak dituena gu geu bagara?

Halako galderei bueltaka aritu da Irati Perez psikologoa, Ane Zuazubiskarren iruzkinek gidatuta.

Ez Hain Ondo podcasta, Hirudamatxok  ekoizten du EITB Podkastentzat.

Sexua. Desira eta plazerarekin lotzen dugun hitza da. Baina ez beti. Emakume askok bizi dugu, edo bizi izan dugu sexua lotsarekin edo erruarekin lotuta.Jaso dugun motxila horren jatorrietan arakatu ostean, hori eranzteko formularen bila aritu dira Irati Perez eta Ane Zuazubiskar atal honetan. Nola kendu dezakegu zama hori gainetik, gozatzeko sexuaz nahi dugun eran eta nahi dugunarekin?

Ez Hain Ondo podcasta, Hirudamatxok ekoizten du EITB Podkastentzat.

Bakardadea omen da XXI. mendeko pandemiarik handietakoa. Baina ez da bakarrik gaudelako, soilik. Batzuetan, bakardade hori sentitu dezakegu baita gertuko lagunekin gaudenean ere. Zein da emozio horren jatorria? Nola kudeatu dezakegu? Edo nola jokatu lagunen bat hala sentitzen dela kontatuz gero?

Gaiaren ertzak arakatu ditu Irati Perez psikologoak Ane Zuazubiskarren galderetatik abiatuta.

Ez Hain Ondo, Hirudamatxok ekoitzi du EITB Podkasterako.

Gertatuko zitzaizun zuri ere: batzuetan, gure burua egoera antzekoak behin eta berriz errepikatzen topatzen dugu. Pertsona berdintsuekin lotzen, harreman antzekoak eraikitzen... baita dinamika horiek kaltegarriak direnean ere. Zergatik gertatzen zaigu hau? Atera daiteke ustezko bukle horretatik?

Ez Hain Ondo podcasta abiatzeko, egoera hauetatik irtetzeko erantzunen bila jarri da Irati Perez psikologoa Ane Zuazubiskarren galderek xaxatuta.

 

Ez hain Ondo, Hirudamatxok ekoitzi du EITB Podkasterako.

Zer modu zaude? zure buruari egunero egiteko moduko galdera da. Galdera xumea da, baina erantzuna izaten da zaila... edo errepikakorra, askotan. Zer moduz zaude galderari, "Ondo" erantzuten diogu, baina askotan ez dugu egiazko erantzuna ematen, "ez hain ondo" beharko lukeelako.

Ez Hain Ondo, emozioak ulertu eta lantzeko tresnak eskaini nahi dituen podcasta da. Irati Perez sikologoak gure emozioen gora-beherak arakatzen ditu Ane Zuazubiskar kazetariaren galderetatik abiatuta. Nola zaude? Ondo baina erantzun luzeagoa behar duzunerako.

Martxoaren 6tik aurrera eskainiko dizugun podcasta Hirudamatxok ekoitzi du EITB podkasterako.

La vida es un viaje de retorno. Nuestro ego tras darse cuenta de que es imposible saciar su vacío creando "estados compensatorios", emprende una "búsqueda espiritual", apurando el último cartucho en su intento por subsistir a su mortalidad. Ese nuevo camino se va diluyendo a cada paso, hasta que descubrimos que no hay nada que buscar y que el buscador se está buscando así mismo en una espiral absurda. La búsqueda se detiene y es entonces, cuando regresamos al lugar desde el que salimos y lo conocemos por primera vez.

En este capítulo de Gente Bonita Afríca Baeta habla con una gran maestra zen y una de las mujeres más sabias que conoce: Ana María Schluter.

Las brujas existen y ya no se esconden, al contrario, reivindican su labor para transformar el mundo en el que vivimos, en un lugar mejor.

Mónica Fernandes abrió su escuela hace años en Gasteiz y lleva casi dos décadas estudiando las tradiciones más ancestrales basadas en la Tierra. En esta entrega de Gente Bonita nos adentramos con ella,  en el día a día de una bruja en pleno siglo XXI.

Lagun arte gozoan eman diote  amaiera Korapiloak podcastaren denboraldiari Ainhoa Etxebarriak eta Iñigo Antsorregik.

2020 urte iluna izan zen guztiontzat. Gertuko baten heriotza sufritu zutenentzat, are gehiago… Ainhoa Etxebarriak aita galdu zuen 2020ko maiatzaren 1ean, ospitaleratze luzearen ondoren eta Covid 19ak eragindako pandemniaren erdian. 

Dolua eta azken agurra asko luzatu ziren, egoera sanitarioak hala eraginda. Bitartean, Ainhoak irratiko eta telebistako lanak egiten jarraitzen zuen, beti irribarrea eskainiz, bai ikusleei bai entzuleei. Baina mina barrutik zihoan… Eta handik gutxira,  esatariak lana utzi zuen, min horri lekua egin, lanketa pertsonala hasi eta deskantsua hartzeko.

Hiru urteren ondoren, prozesu luze hura gogoratu dute Iñigon eta Ainhoak. Maitasun hitzekin eta begiak bustita borobildu dute atala. 

Korapiloak podcasta, New Mediak ekoizten du EITB podkasterako.

Leire Martinez abeslaria, Iñigo Antsorregiren gonbidatua Korapiloak podcastaren hogeita hirugarren atalean.

Leireren haurtzarotik hasi dute elkarrizketa. Izan ere, benetan markatu zuen gertakizun bat bizi izan zuen orduan: gurasoen banaketa. Horrekin eta nerabezaroarekin batera, beste elementu batzuk agertu ziren: antsietatea, amesgaiztoak, gorputzarekiko konplexuak… baita depresioa ere.

Terapia eta lan pertsonal izugarriaren ondoren, Leire, abeslari moduan ezagutzen du munduak. Foku mediatikoak, ordea, alderdi iluna ere badu…

Urteak pasa dira. Leirek lanketa pertsonala egiten jarraitzen du. "Inoiz baino Leireago sentitzen naiz". Gainera, coaching proiektu bat ere jarri du martxan, laguntza behar duenari horixe eskaintzeko.

Leire haurrari ere eskaini dizkio hitz batzuk, elkarrizketari amaiera hunkigarria emanez.