Johan van Lill vind meer uit oor e-sport, gamification en rekenaarspeletjie-gebaseerde onderwys, na aanleiding van 'n e-sport-toernooi wat die Curro-skole onlangs gehou het.

Johan van Lill vind by skole uit hoe dit by hulle gaan, en watter planne hulle gemaak het met die Covid-regulasies.

Johan van Lill praat met prof. Josef de Beer oor die rol wat inheemse kennis in wetenskaponderrig speel, en hoe selfgerigte leerbeginsels kan put uit die oordrag van inheemse kennis van geslag tot geslag. Ons vind ook meer uit van die Noordwes-Univiersiteit se Onderwysers sonder Grense-projek waar onderwysers mekaar kan help om nuut te dink oor onderwys en opleiding.

Daar word deesdae dikwels gesê dat die toekoms nie meer is wat dit was nie. Johan van Lill praat met prof. Ignatius Gous oor wat kinders oor die toekoms dink, en hoe onderwysers daarop moet reageer?

Johan van Lill praat met prof. Jako Olivier oor mikroleer en hoe dit met selfgerigte leer skakel. Hulle gee wenke oor hoe jy jou aanlyn-videos vir jou leerders meer trefkrag kan gee deur mikro-leerbeginsels toe te pas.

Johan van Lill praat met dr. Roxanne Bailey, dr. Marisa Verster en prof. Christo van der Westhuizen van die Eenheid vir Selfgerigte Leer by die Noordwes-Universiteit oor hoe mens die isolasie uit leer by die huis kan haal en hoe om groepwerk en samewerking tussen leerders te bevorder. Hulle gee raad oor hoe jy die kurrikulum kan voltooi met die beperkte tyd wat daar is. Daar word ook gekyk na die effektiwiteit van aanlyn-leer.

Johan van Lill praat met prof. Charlene du Toit-Brits, dr. Deon van Tonder en dr. Anitia Lubbe van die Eenheid vir Selfgerigte Leer aan die Noordwes-Universiteit oor die verskil tussen selfstudie en selfgerigte leer. Hoe kan ouers skole ondersteun om 'n leeromgewing te skep wat lewenslange leer bevorder, en wat is hulle rol met assessering?

Johan van Lill praat met prof. Ignatius Gous oor hoe ek my onderwyspad vind in hierdie onseker tye. en hoe ek as onderwyser vals nuus met my leerders moet hanteer.

Johan van Lill praat met Ronald Balie van die Principals Academy Trust oor die emosionele versorging van skoolhoofde en onderwysleiers in die tyd waarin skole weer moet oopmaak.

Johan van Lill praat met Paul Colditz en Johane van der Merwe oor die kompleksiteit en uitdagings van onderwysleierskap in hierdie tye. Hulle gesels ook oor al die regsuitdagings wat skoolhoofde in gedagte moet hou.