Per Pasca datti in'emissiun da duas uras. L'artg musical porta l'«Oratorio per la resurrettione di Nostro Signor Giesù Cristo» da Georg Friedrich Händel. El ha scrit quella cun la vegliadetgna da 23 onns e la primaudiziun è stada l'onn 1708 a Roma. 

L'Artg preschenta ina registraziun dal 2016 da l'orchester I Barocchisti e dal Coro della Radiotelevisione Svizzera Italiana sut la direcziun da Diego Fasolis.