Eins og allar góðar sögur byrjar Gísla saga í Noregi. Nánar tiltekið í Súrnadal. Stemmningin er eins og nafn dalsins gefur til kynna - súr.

Varúð! Hjalti og Oddur eru komnir til Vestfjarða. Það eru blikur á lofti. Útlaginn sjálfur er á skurðarborðinu og það súrnar í stúdíóinu um leið og krufningin hefst.

Við höfum oft verið í reknir á gat þegar upp koma lagadeilur í sögunum sem við förum yfir. Þess vegna kölluðum við til okkar sérfræðing í lögfræði miðalda. Friðbjörn Garðarsson er lögmaður og áhugamaður um Íslendingasögurnar. Farið var yfir Grágás, refsingar og Flosareið svo eitthvað sé nefnt.

Hlustið og njótið!

Ormstungur byrjuðu að tala tungum á tímu msamkomubannsins sem sett var á í mars 2020 vegna kórónuveirufaraldursins sem skók þá heiminn. Kennurum var bannað að hitta nemendur sína og áttu krakkar við unglingadeild Langholtsskóla að lesa Gunnlaugs sögu Ormstungu. Nú voru góð ráð dýr. Auðvitað brugðu þeir á það ráð að henda einu stykki hlaðvarpi í loftið til að styðja við lestur Íslendingasagnanna. Úr þessu fæddist hlaðvarpið Ormstungur og hefur það heldur betur undið upp á sig. 

Hjalti og Oddur eru ekki sérfræðingar heldur áhugamenn. Markmið hlaðvarpsins er fyrst of fremst að styðja við lestur Íslendingasagnanna á léttu nótunum fyrir þá sem hafa gagn og gaman af. Auk þáttanna um sögurnar sjálfar eru viðtalsþættir við okkar helstu sérfræðinga Íslendingasagnanna eru einnig aðgengilegir á helstu streymisveitum.

Hlustið og njótið!

Kristín Ragna Gunnarsdóttir getur skreytt sig með mörgum höttum. Fyrst og fremst er hún sögumaður. Hefur henni tekist að  glæða norrænu goðsagnirnar með öllum sínum kynjaverum lífi og þannig kynnt þær fyrir ungum sem öldnum. Spjallið fór um víðan völl, meira að segja alla leið á Hvolsvöll.  

Hlustið og njótið!

Benedikt Erlingsson þarf varla að kynna fyrir landsmönnum. Leikari, leikstjóri, leikskáld, sjómaður og kartöflubóndi. Þekktastur er hann þó fyrir hlutverk sitt sem Þjóðólfur í Fóstbræðrum.

Hann hefur sett á Íslendingasögurnar á svið og miðlað þeim til samtímafólks. Fyrst var það Ormstunga og svo Mr. Skallagrímsson. Við fórum yfir víðan völl, frá manni að nafni Mel yfir í umræður um hvort að það eigi að skrifa barnabækur um sækópata.

Inn- og útgöngustef: Reynir Haraldsson

Ormstungur eru peð á taflborði Íslendingasagnanna en kynna til leiks kónginn til að hefja skákina. Ármann Jakobsson, prófessor í miðaldabókmenntum, tók Ormstungur í stutta kennslustund.

Hlustið og hlýðið!

Inn- og útgöngustef: Skálmöld - Kvaðning (fengið með leyfi)