Ormstungur

Ormstungur halda inn í þokuna og rekast strax á hindranir. Að vísu eru þeir fljótir að reikna út manngerð Kela en þegar kemur að Einari smala vandast málið. Hvað gera smalar? Hvað þurfa þeir að kunna fyrir sér? Og síðast en ekki síst, hvað þurfa þeir að hafa í nesti? Sem betur fer er sérfræðingur að norðan í símanum og Orsmtungur fá svör við öllu. Já, svo er framið eitt morð.

Ormstungur iða í sætunum eins og Gísli Marteinn á föstudagskvöldi - bísperrtir. Enda er gestalistinn ekki af verri gerðinni. Til veislunnar er boðið sjálfum Hrafnkatli Freysgoða með sögu sína. Eftar að hafa skaðað sig á Gísla sögu verður spennandi að sjá hvort Ormstungur verði líka gerðar útlægar af Austurlandi?

Gíslinn gerður upp og við förum í sjálfskipaða útlegð frá Vestfjörum #jesuisGísli

Ormstungur gera lokatilraun til að fanga útlagann sem Gísla saga er en átta sig á að þeir eru gíslar sögunnar. Við erum öll gíslar #jesuisgísli.

Lokaorustan harðnar. Gísli fer upp á Einhamar og fellur þaðan. Við föllum öll með honum og Ormstungur falla endanlega á prófinu.

Þorkell fellur, ekki fyrir eigin hendi en þó fyrir eigin sverði. Gestur hinn spaki er farinn að toga í spotta. Magaverkir Gísla ágerast og valda honum slæmum draumförum. Hann er þó háll sem áll og ólíklegt að Ormstungur geti nokkurn tímann fangað hann.

Njósnar-Helgi fær háðuglega útreið, en ekki verri en Eyjólfur grái þegar feðraveldið fær á snúðinn. Gísla er orðið svo illt í maganum að hann fær sturlaða drauma.

Njósnar-Helgi sýnir hvers hann er megnugur en Gísli er snjallari. Hann er nú orðinn frægur enda enginn hraustari eða hugrakkari. Ekki er hann þó gæfumaður.

Ormstungum hefur ekki tekist að fanga Gísla. Þá er kynntur til sögunnar 007 Íslands, útsendari Eyjólfs gráa, sjálfur Njónsar-Helgi. Gísli reynir enn að fá bróður sinn til að hjálpa sér en Þorkell hafði ekki lesið 152. kafla Njálu og skilur við bróður sinn beran að baki.

Ormstungur missa Gísla frá sér og hann hrekst að heiman og fer í leiðinni illa með þrælinn Þórð. Hann er dæmdur sekur og fer að finna fyrir ónotum í maganum.