Panch Mahaguru Bhakti (Prakrit) पंच महागुरु भक्ति (प्राकृत) ★

मणुयणाइंद - सुर-धरिय-छत्तत्तया,

पंचकल्लाण - सोक्खावली-पत्तया।

दंसणं णाण झाणं अणंतं बलं,

ते जिणा दिंतु अम्हं वरं मंगलं॥

जेहिं झाणग्गि-बाणेहिं अइ-दड्ढयं,

जम्म-जर-मरण-णयरत्तयं दड्ढयं,

जेहिं पत्तं सिवं सासयं ठाणयं,

ते महं दिंतु सिद्धा वरं णाणयं॥

पंचहाचार - पंचग्गि - संसाहया,

बारसंगाइ - सुअ - जलहि-अवगाहया।

मोक्ख-लच्छी महंती महंते सया,

सूरिणो दिंतु मोक्खंगया संगया॥

घोर - संसार - भीमाडवी - काणणे,

तिक्ख-वियरालणह-पाव-पंचाणणे।

णठ-मग्गाण जीवाण पहदेसिया,

वंदिमो ते उवज्झाय अम्हे सया॥

उग्ग-तव-चरण-करणेहिं झीणं गया,

धम्म-वर-झाण-सुक्केक्क-झाणं गया।

णिब्भरं तव सिरी ए समालिंगया,

साहवो ते महं मोक्ख-पह-मग्गया॥

एण थोत्तेण जो पंचगुरु वंदए,

गुरुय-संसार-घण-वेल्लि सो छिंदए।

लहइ सो सिद्धि-सोक्खाइं बहुमाणणं,

कुणइ कम्मिंधणं पुंज-पज्जालणं॥

अरुहा सिद्धा-इरिया उवज्झाया साहु-पंचपरमेष्ठी।

एयाण-णमोयारा भवे भवे मम सुहं दिंतु॥

अञ्चलिका

इच्छामि भंते! पंचमहागुरुभत्तिं काउस्सग्गो कओ, तस्सालोचेउं, अ-महा-पाडिहेर-संजुत्ताणं अरिहंताणं, अ-गुण-संपण्णाणं उड्ढ-लोय-मत्थयम्मि पइियाणं सिद्धाणं, अ-पवयण-माउ-संजुत्ताणं आयरियाणं, आयारादि-सुद-णाणोवदेसयाणं, उवज्झायाणं, ति-रयण-गुण-पालणरयाणं सव्वसाहूणं, णिच्चकालं, अंचेमि, पूजेमि, वंदामि, णमंसामि, दुक्खक्खओ, कम्मक्खओ, बोहिलाहो, सुगइ-गमणं, समाहि-मरणं, जिण-गुण-संपत्ति होउ मज्झं।