You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Disyembre 9, 2022 – Biyernes

Ikalawang Linggo ng Adbiyento

Ebanghelyo: Mateo 11:16-19a

Sinabi ni Hesus sa mga tao: “Ngayon, kanino ko ikukumpara ang mga tao sa kasalukuyan? Para silang mga batang nakaupo sa mga plaza at nagkakantahan, at nagrereklamo ang ilan sa kanila: ‘Tinugtog namin ang plauta para sa inyo ngunit ayaw ninyong sumayaw, at nang umawit naman kami ng malungkot na awit, ayaw din ninyong umiyak!’ Ganito rin ang nangyari: Dumating muna si Juan na nag-aayuno, at sabi ng mga tao: ‘Inaalihan siya ng demonyo.’ At saka dumating ang Anak ng Tao na kumakain at umiinom, at ang sabi ng mga tao: ‘Lasenggo at matakaw, kaibigan ng mga publikano at mga makasalanan!’ Gayon pa man, magaling ang karunungan ng Diyos sa mga gawa nito.”

Pagninilay:

Paano ko maikukumpara ang henerasyon ngayon? Ilang taon na rin akong nag-a-accompany ng mga kabataan. Noong nasa ibang mission place ako, ganundin sa kasalukuyan sa Nueva Ecija, at dito sa Metro Manila. Makukulay ang aking karanasan sa paggabay ng kabataan ng ating Simbahan. Marami na rin akong na-encounter na hindi sila maintindihan ng mga nakakatanda. Sinasaway sila o kaya winawala ang kanilang presensya. Maingay daw. Kahit sawayin, babalik pa rin sila sa moment na para silang nasa top of the world. Ano nga ba ang henerasyon ngayon? Kapanalig, baka mainam na tanungin din natin tulad ni Pope Francis sa Christus Vivit: What are today’s young people really like? What is going on in their lives? Masasagot ang mga tanong na ito kung makikinig tayo sa kanila. I-set aside natin ang narrow preconceptions natin sa mga kabataan. Makiramay at hawakan ang kanilang kamay. Doon natin mararamdaman ang pintig ng kanilang saloobin. Mayroon silang kinakaharap na realidad sa kani-kanilang buhay. Marami sa kanila ang exposed sa suffering at manipulation. Ilan sa mga kabataan ang nakalublob sa karahasan. They live in war zones, ayon kay Pope Francis. Iba-ibang uri ng violence ang nararanasan nila. Naroon ang human trafficking, slavery, kidnapping, sexual exploitation, wartime rape na abortion ang nagiging solution. Nahihirapan sila na hanapin ang kanilang sariling lugar sa ating lipunan. By force of circumstance, at kulang sa alternatives, sila na mismo ang gumagawa ng krimen. Ginagamit sila bilang armed criminal gangs, child soldiers, drug traffickers. Walang kalaban-laban, nauuwi sila sa bilangguan. Kung lalawakan natin ang sensitivity natin sa kanila, marami sa kanila ang may genuine desire to develop their talents, para may i-offer sa Simbahan, at sa buong mundo. Dream nila to make a difference. Kaya’t tulungan natin sila. Mga kabataan, alam kong nanonod kayo ngayon at naririnig n’yo na malaki ang concern ng Simbahan natin sa inyo. We encourage you to go out. Kung nanghihina kayo, o nalilito, ask Jesus Master to renew you. Kay Jesus walang pag-asa na nuuwi sa pagkabigo. Narito rin kami, nagsisilbi kaming tagapakinig at taga-akay. Higit sa lahat, habang naghahanda tayo sa araw ng Pasko, keep our eyes fixed on the precious womb of Mary. Naroon si Jesus, naghihintay na isilang sa sarili nating puso. Mga kabataan, hindi lang kayo kabataan ngayon. You will always be young because Jesus is forever young. Shine like Jesus. Kaya sa susunod na may magtanong kung paano kayo maikukumpara bilang bagong henerasyon ngayon? Kayo ang mga kabataan, ang mga mukha ni Kristo. - Sr. Gemmaria dela Cruz, fsp | Daughters of St. Paul

ST. JUAN DIEGO l PATRON OF INDIGENOUS PEOPLE OF THE AMERICA

Feast Day: DECEMBER 9

Today’s saint is St. Juan Diego, the man to whom Our Lady of Guadalupe appeared and introduced the devotion to her under that title. Juan Diego was born in Cuauhtlatuatzin, Mexico in 1474. At a very young age, his parents died, and he was taken by his uncle and was raised up in the Aztec religion, a religion with mixed beliefs and gods, including a little belief in Christianity. When the Franciscan missionaries arrived in Tepeyac, Mexico, in 1524, he and his wife were the first ones to be baptized. His wife died two years later. Juan was a very committed Christian. He would make sacrifices, walk long roads just to attend the Mass or religious instruction at the Franciscan station.

On December 9, 1931, while walking towards the Franciscan monastery, he was interrupted by a beautiful Lady who introduced herself as the “ever-perfect holy Mary, who has the honor to be the mother of the true God.” She asked him to tell the Bishop that a chapel be built on the Tepeyac Hill in place of the pagan temple that was there three years before. Juan Diego told the Lady that he was not an important person and someone else could take his place. But the Lady said, he was the one she wanted. So, Juan Diego went to the Bishop and told him about the Lady, but the Bishop doubted his story and he wanted some proofs before believing his message. On his way home later, the Lady appeared again and Juan Diego told her about the bishop’s response. The Lady agreed and said she will surely give him some proofs the next day. But Juan Diego’s uncle became very sick, so he stayed at home to care for him.

The next day, Juan Diego set out quickly to find a priest for his uncle, and he tried another way, not wanting to meet the Lady since he did not appear for their meeting the previous day. But, the Lady intercepted him and knowing his preoccupations said: “Am I not here, I who am your mother.” The Lady promised him that his uncle will be healed. Then, she asked him to gather flowers from the hill, though it was not season for flowers. And he filled his cloak or his (tilma) with fresh and beautiful flowers. The Lady arranged the flowers in his cloak. She told Juan Diego to present the cloak with flowers as proof of her apparition. When Juan Diego presented the cloak with flowers to the Bishop, to their great surprise, there appeared on the cloak the imprint of the image of the Lady.

The cloak remained with the Bishop and when Juan Diego went home, he found his uncle fully healed. He also saw the Virgin Mary and he told them, she wants to be called GUADALUPE. The miracle about the cloak spread all over the place, and miracles immediately happened. A year later, a Chapel stood at the Tepeyac Hill in honor of Our Lady of Guadalupe. Juan Diego moved to a solitary place at the Tepeyac Hill and remained there for 17 years after the apparitions, until his death on December 9, 1548. Many people in that place were converted to Christianity and the Church at Tepeyac Hill became a favorite place of pilgrimages. Juan Diego was beatified on May 6, 1990 and canonized on July 31, 2002. The miraculous cloak is displayed near the altar at Our Lady of Guadalupe’s Church. Juan Diego is the patron of indigenous people of the Americas.

“St. Juan Diego, help us to remember always the words Mother Mary addressed to you: “Am I not here, your Mother” in our daily struggles in life.”

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Disyembre 8, 2022 – Huwebes | Ikalawang Linggo ng Adbiyento

Dakilang Kapistahan ng Kalinis-linisang Paglilihi sa Mahal na Birheng Maria

#MabutingBalita #DaughtersOfStPaulPhilippines #PaulinesPH

Ebanghelyo: Lucas 1:26-38

Nang ikaanim na buwan, ang Anghel na si Gabriel ay inutusan ng Diyos sa isang lungsod ng Galilea na tinatawag na Nazaret, sa isang birhen naidulog na sa isang lalaki sa lahi ni David na ang pangalan ay Jose at ang pangalan ng birhen ay Maria. Pagpasok niya sa kinaroroonan ng babae ay sinabi niya: “Aba, puspos ka ng biyaya! Ang Panginoon ay sumasaiyo.”  Sa mga pangungusap na ito, si Maria ay nagitla at pinagdili- dili ang kahulugan ng gayong bati. Dapatwa’t sinabi sa kanya ng anghel: “Huwag kang matakot Maria, sapagkat naging kalugod-lugod ka sa mata ng Diyos. Tingni maglilihi ka at manganganak ng isang lalaki na tatawagin mong Hesus. Siya ay magiging dakila at tatawaging Anak ng kataas-taasan. Ibibigay sa kanya ng Panginoong Diyos ang luklukan ni David na kanyang Ama. At maghahari siya sa sambahayan ni Jacob magpakailaman, at walang katapusan ang kanyang kaharian.” Winika ni Maria sa anghel: “Paanong mangyayari ito gayong wala akong nakilalang lalaki?” “Bababa sa iyo ang Espiritu Santo at lililiman ka ng kapangyarihan ng kataas-taasan kaya ang ipapanganak ay magiging banal at tatawaging Anak ng Diyos. At tandaan mo ang kamag-anak mong si Isabel ay naglihi rin ng isang lalaki, sa kanyang katandaan at yaong tinatawag na baog ay nasa ikaanim na buwan na niya, sapagkat sa Diyos ay walang bagay na di mangyayari. “Narito ang lingkod ng Panginoon, maganap nawa sa akin ang iyong sinabi.” At nilisan siya ng anghel.

Pagninilay:

Huwag kang matakot! Matuwa ka dahil kalugod-lugod tayo sa Diyos!

May isang commercial ng isang sikat na brand ng kape na kapag naririnig ko sa radyo o napapanood sa tv, ako ay napapasabay, o napapa LSS. Ang sabi sa tagline ng commercial ay: “Ano man ang mangyari, babangon tayo! Susulong tayo!” Bangon at sulong. Ito ang mensahe sa atin sa Mabuting Balita ngayon.

Araw-araw, bumabangon tayo mula sa pagkakahiga, mula sa pagtulog. Ang pagbangon ay isa ring pag-ahon, pag-ahon halimbawa sa mga unos na nangyari sa ating buhay. Katulad sa karanasan ng ating mga kapatid sa Visayas at Mindanao nuong sila ay dinaan ng malakas na bagyo, sabi nila na: ”Bangon Cebu! Bangon Negros! Bangon Luzon, Visayas, at Mindanao!”

Sa ating Mabuting Balita ganito rin ang nangyari, may pagbangong naganap. Higit pa sa pagmulat ng mata at pagtayo mula sa kinahihigaan, naranasan din ni Maria ang pagbangon. Binangon niya ang buo niyang pagkatao, ang kanyang pananampalataya, at pagtitiwala sa Diyos na maging ina ng Diyos. Binangon niya ang kanyang puso, kalakip ng pagmamahal at paniniwala niya sa Diyos.

Marami na ang nangyari sa ating buhay. Nariyan ang mga pagsubok na dulot ng pandemya, problema sa pamilya, digmaan sa ibang bansa, mga sakuna, bagyo, baha, lindol at marami pang iba. Mahirap bumangon sa ganitong mga karanasan, pero sa panahong ito, inaanyayahan tayo ng Diyos na bumangon. Bumangon mula sa sakit at pagdurusa, bumangon mula sa pagkakadapa sa mga nagawang kasalanan. Bumangon at pag-alabin ang nanlalamig at natutulog na puso. Gawin nating huwaran si Maria, walang pag-aalinlangan na bumangon at tinanggap ang mabuting mensahe ng Diyos.

Kapanalig, kumusta ang iyong pananampalataya? Kumusta ang bunga ng iyong mga pagnonobena, pagrorosaryo at pagsisimba? May mabuti bang bunga o mahilig ka pa rin pag-usapan ang buhay ng iba, mag Marites?

Ngayong panahon ng Adbiyento, sikapin sana natin na matularan ang buhay ni Maria, wala siyang pag-aalinlangan na sumunod sa paanyaya ng Panginoon. Buo ang loob, buo ang pagtitiwala na sumagot sa sinabi ng anghel: “Narito ang lingkod ng Panginoon, maganap nawa sa akin ang iyong sinabi.”

- Fr. Julius Ma. Dayandante, MMHC | Marian Missionaries of the Holy Cross

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Disyembre 7, 2022 – Miyerkules | Ikalawang Linggo ng Adbiyento

#MabutingBalita #DaughtersOfStPaulPhilippines #PaulinesPH

Ebanghelyo: Mateo 11:28-30

Sinabi ni Hesus: “Lumapit sa akin, lahat kayong nahihirapan at may pinapasan, at pagiginhawain ko kayo. Kunin ninyo ang aking pamatok at matuto sa akin na mahinahon ako at mababang-loob, at makakatagpo kayo ng ginhawa para sa inyong kaluluwa. Sapagkat mabuti ang aking pamatok at magaan ang aking pasanin.”

Pagninilay:

Anong mga bagay ang bumabagabag sa atin ngayon? Napakaganda at sadyang nagbibigay buhay ang sinabi ni Hesus sa ebanghelyo na narinig natin. Inaanyayahan tayong lahat na lumapit sa kanya at idulog ang anumang kahirapang ating nararanasan sa ngayon. Maraming beses tayong tinatawag ng Diyos sa Banal na Kasulatan, na lumapit sa kanya at wala siyang ibang hangad kundi ang ating kasiyahan at kaginhawahan. Lumapit tayo kay Hesus, hinding-hindi siya magsasawang makinig sa atin, maging sa ating mga panalangin. Kasama natin siya ngayon, bukas, at magpakailanman at hindi niya tayo pababayaan sa mga pagsubok at mga suliranin ng ating buhay. Patuloy siyang mananahan at mangungusap sa ating puso.

Mga kapatid, kung tayo man ay may mabigat na problema sa buhay ‘wag tayong mawalan ng pag-asa at tiwala sa Diyos. At ang sabi ni Hesus, pasanin natin ang kanyang pamatok, na ayon sa mga Bible scholars, ang ibig sabihin ay magtiwala tayo sa Ama ng buong-buo at sundin natin ang kanyang kalooban na may pagmamahal at kapakumbabaan at ang lahat na bagay ay magiging magaan.

Tularan natin si Hesus na maamo at may mababang-loob. At nawa’y maging instrumento din tayo na mapalapit sa Diyos ang ating mga kapatid lalung-lalo na ang mga mahihirap at nabibigatan o may pinagdaraanan. Maramdaman nawa nilang muli ang hindi kumukupas na pagmamahal ng ating Poong Maykapal. Amen.

- Sr. Loren Briones, fsp | Daughters of St. Paul

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Disyembre 6, 2022 – Martes

Ikalawang Linggo ng Adbiyento

Ebanghelyo: MATEO 18: 12-14

Sinabi ni Hesus sa kanyang mga alagad: “Ano sa palagay ninyo? Kung may sandaang tupa ang isang tao at naligaw ang isa sa mga ito, hindi ba niya iiwan sa kaburulan ang siyamnapu’t siyam para hanapin ang naliligaw? At sinasabi ko sa inyo: Kapag nakita niya ito, mas matutuwa pa siya rito kaysa siyamnapu’t siyam na hindi naligaw. Gayundin naman, ayaw ng inyong Amang nasa Langit ang mawala ang isa man sa maliliit na ito.”

Pagninilay:

Sa Mabuting Balita, tayo ay binibigyan ng Diyos ng paalala at babala na dapat sa kanya tayo lubos na magtiwala upang di tayo mawala. Sa reyalidad ng ating buhay, sinasabi na tayo bilang tao ay may sarili kahinaan na nagdadala sa atin sa kasalanan. Kung minsan tayo ay lumalabis sa kung ano ang hindi dapat at nagkukulang sa kung anong dapat. Anumang kalabisan at kakulangan bunga ng ating kahinaan ay parehong kasalanan, at maaring konkretong indikasyon na tayo ay nawala, nawawala o mawawala pa lamang. Kaya upang tayo ay di mawala, tayo ay sa Diyos magtiwala. Upang lubos tayong makapagbigay ng tiwala sa Diyos na tunay na nagpapala, kailangan saglit na paghinto ang kailangan: Pause, Pray and Use Self Evaluation. Sa pagbibigay ng tiwala sa Diyos na nagpapala, kailangan muna nating magpakababa, upang ang Diyos ay lubos din nating makilala. Kaya masasabi natin na: ‘Ang taong sa Diyos ay kumikilala at nagtitiwala ay lalong pinagpapala at kailanman ay hindi na mawawala. At ang taong hindi kumikilala at nagtitiwala, biyaya at pagpapala lalong nawawala.” Mabuting mabigyan din ng diin ngayong panahon ng paghahanda sa Dakilang Kapistahan ng Pasko ng Pagsilang ng ating Panginoon, ang natura at kalikasan ng Diyos na Siya ay tunay at lagi nating kasama (EMMANUEL - Ang Diyos ay Laging nasa ating Piling) Kaya nga, ang Diyos kailanman ay hindi nawala, hindi mawawala at hindi nawawala. Siya ang Diyos na isinilang, nakipamuhay sa piling natin upang sabihin sa atin na bawat isa sa atin ay kailangan lagi niya makapiling. At iyan din ang ating gawing hiling, na manAtili tayo lagi sa kanyang piling dahil tayo ay kanyang mga supling. 

– Fr. Mikhail Sandoval | Archdiocese of Lipa

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.