PAULINES

Mabuting Balita l Nobyembre 20, 2022 – Linggo

Ika – 34 na Linggo sa Karaniwang Panahon

Ebanghelyo: Lucas 23:35-43

Naroon ang mga tao na nakatingin, pinagtatawanan naman si Hesus ng mga pinuno. “Nailigtas niya ang iba; iligtas din niya ngayon ang kanyang sarili, kung siya nga ang Kristo, ang hinirang! “Pinagtatawanan din siya ng mga sundalong lumapit para painumin siya ng alak na may halong suka, Sinabi nila: “Kung ikaw ang Hari ng mga Judio, iligtas mo ngayon ang iyong sarili. May naka sulat nga sa wikang Griyego, Latin at Hebreo sa kanyang ulunan: “Ito ang Hari ng mga Judio.” Ininsulto rin siya sa isa sa mga kriminal na nakapako sa krus. “’Di ba’t Ikaw ang Kristo? Iligtas mo ang iyong sarili pati na rin kami”. Peru pinag sabihan siya ng isang kriminal, wala ka bang pitagan sa Diyos? Ikaw na gayon ding pagdurusa ang dinaranas?  At bagay ito sa atin, sapagka't tinanggap lamang natin ang nararapat sa ating mga ginawa; ngunit wala namang siyang nagagawang masama.  At sinabi niya, Hesus, “Hesus alalahanin mo ako, pagdating mo sa iyong kaharian.” At sumagot naman si Hesus, “Talagang sinasabi ko sayo, makakasama kita sa Paraiso, sa araw ding ito.”

Pagninilay:

Sa dakilang kapistahan ni Kristong Hari tinatapos natin ang kalendaryo ng Simbahan. Nasa dulo ng kalendaryo ang kapistahang ito. Hudyat ito na pagkatapos natin sundan ang ministeryo ni Jesus sa lupa, hahantong ang lahat sa pagbubunyag niya ng sarili bilang tunay na hari. Hindi natin siya maaring ihanay sa ibang mga hari na namuno sa kasaysayan. Sadyang iba ang pagkahari ni Jesus sapagkat higit sa lahat, bagama’t siya’y totoong tao, siya rin nama’y anak ng Diyos. Kahit hindi tayo pinamumunuan ng isang hari, mayroon din naman tayong alam kahit paano tungkol sa mga hari at reyna. Sa taong ito, pumanaw ang Reyna Elizabeth na pitumpung-taon naluklok sa trono ng United Kingdom. Ngunit ang trono ni Jesus ay ang krus. Isang instrumento ng kahihiyan at pagpaparusa sa isang kriminal. Ang koronang ipinutong sa kanyang ulo ay hindi napalamutian ng mga diyamante at mamahaling hiyas. Ang sentro ni Jesus ay ang sibat na inulos sa kanyang tagiliran kung saan bumulwak ang masaganang tubig at dugo. Kinikilala ang mga hari at reyna sa mundong ito dahil sa malawak at matagal na bahaging ginampanan nila sa buhay ng kanilang mga nasasakupan. Namamangha ang mga sakop nilang bansa dahil sa kanilang kayamanan at kapangyarihan. Ngunit ang paghahari ni Jesukristo ay hindi nakatuon sa makamundong tagumpay. Hangad ni Jesus na dalhin tayo sa kaharian ng langit. Hindi niya hangad na sakupin ang ibang teritoryo para maging mas malawak ang kanyang kaharian. Walang ganyang hangarin si Jesus. Nais lamang niya na hipuin ang puso ng mga tao at mapanibago ang takbo ng ating isip at pagdedesisyon. Sa dakilang kapistahan ngayong araw, handa ka bang piliin ang paghahari ni Jesukristo sa buhay mo? Siya ba ang Panginoon na iyong susundan kahit na tinawanan siya at tinalikdan ng marami sa Kalbaryo?

- Fr. Paul Marquez, SSP | Society of St. Paul

WORD AND SONGS | WE ARE PILGRIMS MOVING TOWARDS THE FULLNESS OF LIFE IN CHRIST IN SYNODALITY

with Sr. Amelyne Paglinawan, fsp | Scriptwriter: Sr. Cloth delas Llagas, fsp

Every November, we are urged to reflect on “ the  four Last Things” Death, Judgment, Heaven, and Hell.  Blessed James Alberione said, “the “Last Things”  are ever new truths, powerful incentives, considerations that sanctify. The religious who builds his spiritual life on the “Last Things” builds on the most solid foundation. They are sparks which set on fire a tremendous love – a love that consists in striving to reach God, our final goal. It is a prayer with the power to move the most indifferent hearts and inspire souls”.

As pilgrims on earth, part of the Mystical Body of Christ, we strain forward and strive to grow in love and holiness with our eyes fixed on our goal -heaven, our true home, praying that someday we will join those who have gone ahead of us who are enjoying the full light of Christ. Indeed, we are pilgrims moving towards the fullness of life in Christ in Synodality. This is something important that we continue to reflect on as we journey together with our brothers and sisters towards our final home which is heaven.

Seven days from now and it’s Advent season.  We know what Advent season is all about. It’s a four-week period of preparation for the celebration of the birth of Jesus Christ at Christmas. It is also a time to prepare ourselves for the Second Coming of Christ. I guess, it’s not only the kids who are excited at the thought of Christmas. Even adults are delighted as well to experience anew the thrill and gladness that the holy day season brings.

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Nobyembre 19, 2022 - Sabado

Ika – 33 na Linggo sa Karaniwang Panahon

Ebanghelyo: Lucas 20:27-40

Lumapit ang ilang Sadduseo na mga taong tutol sa pagkabuhay. At itinanong nila kay Hesus: “Guro, isinulat ni Moises para sa amin: ‘Kung may magkakapatid na lalaki at mamatay na walang anak ang isa sa kanila, kailangang kunin ng kanyang kapatid ang kanyang asawa para magpasibol ng supling sa kanyang kapatid.’ Ngayon, may pitong magkakapatid na lalaki. Nag-asawa ang panganay at namatay na walang anak. Kinuha ng pangalawa ang biyuda, at pagkatapos ay ng pangatlo naman, pero hindi nagkaanak ang pito. Namatay sila at sa bandang huli’y namatay rin ang babae. Sa pagkabuhay, kanino sa pito siya maituturing na asawa? Ang pito nga ang umangkin sa kanya.” Sinagot sila ni Hesus: “nag-aasawa ang mga taong nasa daigdig na ito, lalaki man o babae. Ngunit hindi na mag-aasawa ang mga ituturing na karapat-dapat sa kabilang buhay at sa pagkabuhay ng mga patay, lalaki man o babae. Hindi na nga sila mamamatay. Kapantay na sila ng mga anghel at mga anak sila ng Diyos matapos silang ibangon. Tiyak na may pagkabuhay ng mga patay; ipinahiwatig ito kahit na Moises sa kabanata ng palumpong nang tawagin niyang Diyos ni Abraham, Diyos ni Isaac, at Diyos ni Jacob ang Panginoon. Hindi siya Diyos ng mga patay kundi ng mga buhay, at buhay na kasama niya silang lahat.” Nagsalita ang ilang guro ng Batas: “Guro, talaga ngang tama ang iyong sinabi.” Mula noo’y wala nang nangahas na magtanong pa sa kanya.

Pagninilay:

Simulan natin ang ating pagninilay sa isang awitin na pinamagatang “Pagkabighani.” Napakaganda ng mensahe ng awiting ito tungkol sa pagmamahal ng Diyos na walang kapalit. Ito ang sinasabi ng awit: “Naaakit ako sa ‘Yong pag-ibig. Kaya’t mahal kita kahit walang langit, kahit walang apoy, sa Yo’y manginginig.” Kahit alam nating mayroong langit at impyerno, mas matimbang ang dalisay na pagmamahal sa Diyos na hindi nagbabase sa takot sa kaparusahan o gantimpala ng langit. Ang ebanghelyo ay nahahati sa tatlo: ang pamumuna ng mga Saduseo, ang makamundong pamumuhay, at paniniwala sa kabilang buhay. Inaanyayahan tayo ni Hesus, na isabuhay ang langit dito sa lupa sa pagkakaroon ng mabuting intensyon at gawain na makakagaan sa pamumuhay ng iba at magbibigay ng kapayapaan sa sarili. Ang buhay sa lupa ay paghahanda upang makamtan natin ang langit. - John Ervin S. Valerio

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Nobyembre 18, 2022 – Biyernes

Ika – 33 na Linggo sa Karaniwang Panahon

Ebanghelyo: Lucas 19:45-48

Pumasok si Hesus sa patyo ng Templo at pinalayas ang mga nagtitinda, at sinabi niya: “Nasusulat, ‘Magiging bahay-dalanginan ang aking bahay,’ pero ginawa ninyong pugad ng mga magnanakaw!” Araw-araw na nangangaral si Hesus sa Templo. Hangad siyang patayin ng mga punong-pari at mga guro ng Batas, kasama ang mga Matatanda ng bayan. Ngunit wala silang magawa dahil taimtim na nakikinig sa kanya ang buong bayan.

Pagninilay:

Angry-to-the-max si Jesus sa mga money changers at mga nagbebenta ng mga hayop. Kung ikaw siguro ang makakawitness sa kanila, baka mahigh-blood ka rin. Harap-harapan, nananamantala sila. Ginagawa nila ito sa mga taong wala nang ibang option kundi bumili at magpapalit ng temple coins. Target nila ang mga foreigners pero hindi naman lahat maykaya. Dalawang bagay kasi ang essential sa pagsamba sa Templo: Ang iaalay na hayop at ang temple coins. Bumagsak sa standard ni Jesus ang mga local merchants. Lalo na’t double kill ang ginagawa nila. Dinadaya ang presyo ng gamit sa pagsamba, at ginagawa pa ito sa isang bahagi ng Templo. Ang kaloob ni Jesus, pagaanin kung ano man ang pinaghihirapan ng mga maralita at huwag magpataw ng sakit sa bulsa at sakit din sa dibdib. Ngayong November, bukod sa ginugunita natin ang mga poor souls in purgatory. May panawagan sa atin na mag-anticipate ng ating purgatorial debt. Oo, kapanalig, naiimbak kasi ang mga nagawa nating kasalanan lalo na ang mga hindi natin naikumpisal. Ang mga ito ang magpapatagal sa atin kapag nasa proseso na ang kaluluwa natin sa paglilinis. Sabi nga ni San Juan de Dios nang humingi siya ng limos noon sa lansangan ng Granada. “Give alms for the love and mercy of yourselves”. Sa pagbibigay ng limos, para din iyon sa paggawa natin ng spiritual alms sa ating sarili. Bibilis ang pagpatanggap sa atin sa Paraiso ng ating Diyos Ama. Isang uri ng paglilimos ay ang acts of charity. Gawin natin ito nang may purity of intention. Hindi naman nagbibilang ng materyal na halaga ang Diyos. Ano ang hanap Niya? Ang mga voluntary penance natin. Halimbawa: isasantabi natin ang luho o bisyo, o ang pag-offer ng physical sufferings natin. Ialay din natin ang ating mga disappointments, o ang sariling paghihikahos. Lahat tayo, sure ‘yon, we have something to give to our suffering brothers and sisters. Bukod sa naghihirap na kasama pa natin na nabubuhay dito sa mundo, isipin din natin ang mga naghihirap na kaluluwa sa purgatoryo. Sa abuloy natin na mga akto ng pagmamahal, natutulungan natin silang mag-areglo ng kanilang pagkakautang. Mapapawalang-sala na sila at maliligtas mula sa detention nila sa purgatory. Kung nasaklolohan natin sila, magtatamo tayo ng “grateful friendship” sa kanila. Dahil naibigay natin sa kanila ang object of their desire:” to enjoy the everlasting presence of God”. Bilang kapalit, sila naman ang tutulong sa atin hanggang sa maranasan din natin tulad nila, ang walang kapantay na kapayapaan at walang kupas na liwanag sa piling ng ating mapagmahal na Ama.

- Sr. Gemmaria dela Cruz, fsp | Daughters of St. Paul

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Nobyembre 17, 2022 – Huwebes

Ika – 33 na Linggo Karaniwang Panahon

Ebanghelyo: Lucas 19:4-44

Nang malapit na siya at kita na ang lunsod, iniyakan ito ni Hesus: “Kung nalalaman mo lamang sana sa araw na ito ang daan sa kapayapaan! Ngunit ngayo’y hindi mo ito nakikita. Sasapit sa iyo ang mga araw na magkakampo sa paligid mo ang iyong mga kaaway, kukubkubin ka at sisikilin sa lahat ng dako. Iguguho ka nila sa iyong mga anak at walang iiwang magkapatong na bato sa iyo. Sapagkat hindi mo nalaman ang panahon ni ang pagdalaw ng iyong Diyos.”

Pagninilay:

Sa Ebanghelyo sa araw na ito, tumangis si Hesus para sa lungsod ng Jerusalem. Alam kasi niya ang mangyayari dito kapag ipinagpatuloy pa nito ang pagsuway sa kalooban ng Diyos. Ilang beses na ring nangaral, nagpaalala at nagbigay ng babala si Hesus sa kung ano ang dapat nilang gawin para mailigtas ngunit hindi siya pinapakinggan ng mga ito. Kaya’t ang pagtangis ni Hesus ay hindi para sa kanyang sarili kundi para sa mga taga-Jerusalem. Sabi nga ng kanta ng Eraserheads na ‘Para sa Masa’: “Pinilit kong iahon ka, ngunit ayaw mo namang sumama.” Nakakapanlumo naman talaga ng ganitong sitwasyon ‘diba? May mga kaibigan tayong gustong tulungan at ilayo sa kapahamakan pero ayaw naman nila tayong pakinggan. Ano ang magagawa mo kung ganito? Ipagpipilitan mo ba ang tulong mo?  Itinuturo sa atin ng Ebanghalyo na ang kaligtasan ng tao, kahit na totoong ito ay ay communal at dapat kasangkot ang lipunan, higit sa lahat ito ay personal. Sa bandang huli, isa-isa tayong haharap sa Diyos at isa-isa tayong magbibigay ng sarili nating tugon. Inaalok sa atin ni Hesus ang kaligtasan. Hindi niya ito ipinipilit. Importante kasing ang tugon sa imbitasyong ito ay nagmumula sa isang pusong malayang pumili. Kung wala ang kalayaang ito, wala ring kakayahang magmahal ang tao. Kaya’t kahit gustong-gusto man ng Diyos na ilayo tayo sa katapusang gaya ng nangyari sa Jerusalem, kung hindi natin pipiliing maligtas, ano pa nga ba ang magagawa ng taong nagmamahal sa atin kundi ang tumangis sa pasya nating ito. Ngunit ilang beses man nating ipagsawalang-bahala si Hesus, katulad ng mga taga-Jerusalem, hindi niya tayo iniwan. Patuloy niya pa rin tayong sinasamahan at ginagabayan. Sa huli, hindi naman talaga natin mababago ang isang taong ayaw magbago. Pero pwede pa rin natin silang samahan. Pwede pa rin nating silang mahalin. dahil tanging pagmamahal lang ang nakakapagpabago sa tao.

- Keneth Gadian, Seminarian | Society of St. Paul

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Nobyembre 16, 2022 – Miyerkules

Ika – 33 na Linggo sa Karaniwang Panahon

Ebanghelyo: Lucas 19:11-28

Malapit na sa Jerusalem at akala ng mga taong kasama niya'y agad na ipakikita ang Kaharian ng Diyos. Kaya sa kanilang pakikinig ay isa pang talinhaga ang inilahad sa kanila ni Hesus. Sinabi niya: “May isang maharlikang tao na pumunta sa malayong lupain para mahirang na hari at saka siya babalik. Tinawag niya ang sampu niyang katulong at binigyan sila ng tig-iisang baryang ginto at sinabi sa kanila: 'Ipagnegosyo ninyo ito hanggang sa aking pagbalik.’ Namumuhi sa kanya ang kanyang mga kababayan kaya nagsugo sila ng ilang kinatawan para sabihin: 'Ayaw naming maghari sa amin ang taong ito.' Gayon pa ma'y bumalik siya pagkahirang bilang hari. Ipinatawag niya ang mga katulong na binigyan niya ng baryang ginto para malaman kung magkano ang tinubo ng bawat isa. Humarap ang una at sinabi: 'Panginooon, tumubo pa ng sampu ang barya mong ginto.’ Sumagot siya: 'Magaling, mabuting utusan; dahil naging matapat ka sa maliit na bagay, mapamamahala kita sa sampung lunsod.' Dumating ang ika-lawa at sinabi: 'Panginoon, tumubo ng lima pa ang iyong baryang ginto.' Sinabi nito sa kanya: 'Mamamahala ka sa limang lunsod.’ Dumating ang isa pa at sinabi: 'Panginoon, narito ang iyong baryang ginto. Binalot ko ito sa isang panyo at itinago. Natatakot ako sa iyo dahil mapaghanap kang tao, kinukuha mo ang di mo idineposito at inaani ang di mo inihasik.' Sinabi sa kanya ng panginoon: 'Masamang utusan, sa sarili mong mga salita kita hahatulan. Alam mo palang mapaghanap ako, na kinukuha ko ang hindi ko idineposito at inaani ang hindi ko inihasik, bakit hindi mo idineposito sa bangko ang aking baryang ginto? At makukubra ko sana iyon pati na ang interes pagbabalik ko.' At sinabi niya sa naroon: 'Kunin sa kanya ang baryang ginto at ibigay sa may sampu.'  Sumagot sila: 'Panginoon, may sampung baryang ginto na siya.' ‘Sinasabi ko sa inyo: bibigyan ang meron pero aalisan ang wala, kahit na ang meron siya ay kukunin sa kanya. Ngunit dalhin n'yo rito ang aking mga kaaway na ayaw akong maghari sa kanila at patayin sa harap ko.'” Pagkasabi nito, umuna si Hesus sa kanila pa Jerusalem.

Pagninilay:

Madalas nating naririnig ang salitang yaman. Kapag kumita ng malaki sa negosyo o nanalo sa lotto o kaya nakakuha ng bonus sa trabaho, biglang yaman tayo. Pero hindi laging ganito. Ang totoo, kailangan tayong magsumikap upang mapagyaman ang mga biyayang nasa sa atin na. Ipinapaalala ni Hesus na tumanggap tayong lahat ng kani-kaniyang biyaya mula sa Diyos: 10, 5 o isa ayon sa ating kakayahan, lahat mula sa Diyos. Sa huli, uuwi tayo sa Ama. Anong bunga mula sa Kanyang mga biyaya ang ating dadalhin pabalik? Pinagyaman ba natin ang mga ito? O nagbunga ba ng kabutihan at nakatulong sa’ting kapwa? May panahon pa kapatid, humayo ka at huwag matakot, pagyamanin ang mga biyayang ating tinanggap para sa Diyos at kapwa tao. Amen.

- Fr. Albert Garong, SSP | Society of St. Paul