PAULINES

Listen to this week's episode of Word and Songs with the theme: "Peace and Protocols for Hope" with Sr. Amelyne Paglinawan, fsp 

Mabuting Balita | Oktubre 21, 2022 – Biyernes

Ika – 29 na Linggo sa Karaniwang Panahon

Sinabi ni Hesus sa mga tao: “Kapag nakita ninyong tumataas ang ulap sa kanluran, kaagad ninyong sinasabi, ‘Uulan,’ at ganoon nga ang nangyayari. At kung umiihip naman ang hangin galing timog, sinasabi ninyong ‘Magiging napakainit,’ at nangyayari nga ito. Mga mapagkunwari! Nabibigyan ninyo ng kahulugan ang anyo ng lupa at Langit ngunit bakit hindi ninyo sinusuri kung ano ang panahong ito? At bakit hindi kayo mismo ang makapagpasya kung ano ang tama? Sa pagpunta mo sa maykapangyarihan kasama ng kalaban mo, sikapin mong makipag-areglo sa kanya sa daan; baka iharap ka sa hukom at ibigay ka naman ng hukom sa pulis para ipakulong sa bilangguan. Sinasabi ko sa iyo: hindi ka makalalabas doon hanggang hindi mo nababayaran ang kahuli-hulihang sentimo.”

Pagninilay:

Bakit Baliktad Magbasa ang mga Pilipino? Ito po ang pamagat ng isa sa mga libro ni Bob Ong. Siyempre hindi naman talaga literal na tungkol sa baliktad na pagbabasa ang librong ito. Isa sa mga paksa ng libro ay ang kaugalian nating mga Piliino na kung saan ang ginagawa natin ay kabaligtaran ng ating binabasa, ang kasalungat ng dapat.

Gaya na lamang ng pagtawid sa maling tawiran kahit na may malaking karatula na nagsasabi, “Bawal Tumawid, Meron ng Namatay” ay tatawid pa rin talaga. “No Parking” ay meron parin talagang magpaparada. Baliktad, dahil ginagawa ang kabaliktaran ng dapat.

Sa kanyang mga pangangaral, sinasabi palagi ni Jesus na dapat panibaguhin natin ang ating puso, pero marami parin sa mga nakikinig, ay kabaligtaran ang ginagawa. Kaya imbes na mapalapit sa Diyos ay mas lalong napapalayo ang kanilang mga puso. Ginagawa mo ba ang dapat? O isa ka din sa mga baliktad magbasa?

– Fr. Anthony Capirayan, SSP | Society of St. Paul

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita | Oktubre 20, 2022 – Huwebes

Ika – 29 na Linggo sa Karaniwang Panahon

Ebanghelyo: Lucas 12:49-53

Sinabi ni Hesus sa kanyang mga alagad: “Dumating ako upang maghagis ng apoy sa lupa, at ganoon na lamang ang pagnanais kong magliyab na sana ito! Ngunit dapat akong mabinyagan ng isang binyag, at ganoon na lamang ang pagkabalisa ko hanggang hindi ito nagaganap! Sa akala ba ninyo’y dumating ako para magbigay ng kapayapaan sa lupa? Hindi, sinasabi ko sa inyo, kundi paghihiwa-hiwalay! Sapagkat mula ngayo’y magkakahati-hati ang limang nasa isang sambayanan, tatlo laban sa dalawa at dalawa laban sa tatlo; magkakahati-hati sila; ama laban sa anak na lalaki at anak na lalaki laban sa ama, ina laban sa anak na babae at anak na babae laban sa ina, biyenang babae laban sa kanyang manugang na babae at manugang na babae laban sa biyenang babae.”

Pagninilay:

Ang Ebanghelyo ay may kapangyarihang magkaisa tayo sa Diyos kapag tinanggap ito bilang Salita ng Katotohanan. Ngunit ang isa pang epekto ay ang paghihiwalay nito sa atin sa pagtanggi sa ebanghelyo ng Katotohanan.

Nais ng ating kultura ngayon na ikalat ang isang ideya na kung ano ang mabuti at totoo para sa akin ay maaaring hindi mabuti at totoo para sa iyo. Ngunit hindi iyon ang Katotohanan! Ito ang tinatawag nating relativism.

Kung iba ang totoo sa iyo at iba ang totoo sa akin, tayo ay nanganganib ng pagkakahati-hati, kahit na sa ating mga pamilya. Sa ating lipunan ngayon, hati hati tayo dahil magkakaiba ang ating pinaniniwalaan. Ito ay malungkot at ito ay masakit. Kung ang pagkakahati ay nangyayari bilang resulta ng ating kasalanan, tunay itong hindi maganda. Kung ito ay nangyari bilang resulta ng Katotohanan, ito ang pagsunod kay Jesus. Si Hesus ay tinanggihan at hindi tayo dapat magtaka kung ganoon din ang mangyayari sa atin.

Manalangin tayo para sa pagkakaisa kay Kristo, ngunit huwag maging handang makipagkompromiso upang magdulot ng huwad na pagkakaisa or false unity.

– Sr. Yolanda Dionisio, fsp | Daughters of St. Paul

Mabuting Balita | Oktubre 19, 2022 - Miyerkules

Ika – 29 na Linggo sa Karaniwang Panahon

Ebanghelyo: Lucas 12:39-48

Sinabi ni Hesus sa kanyang mga alagad: “Isipin ninyo ito: kung nalaman lamang ng may-ari ng bahay kung anong oras ng gabi ang dating ng magnanakaw, hindi sana n’ya pababayaang looban ang kanyang bahay. Kaya maging handa kayo sapagkat dumarating ang Anak ng Tao sa oras na hindi ninyo inaakala.” Sinabi ni Pedro: “Panginoon, kanino mo ba sinasabi ang talinhagang ito, sa amin ba o sa lahat?” Sumagot ang Panginoon: “Isipin ninyo ito: may tapat at matalinong katiwala na pangangasiwaan ng panginoon sa kanyang tauhan para bigyan sila ng rasyon sa tamang oras. Kung sa pagdating ng kanyang panginoon ay matagpuan s’ya nitong tumutupad nang gayon, mapalad ang lingkod na iyon. Talagang sinasabi ko sa inyo, pangangasiwain s’ya nito sa lahat nitong ari-arian. Ngunit maaari namang maisip ng lingkod na iyon: ‘Matatagalan pang dumating ang aking panginoon.’ At simulang pagmalupitan ang mga utusang lalaki at babae, at kumain, uminom at maglasing. Ngunit darating ang panginoon ng lingkod na iyon sa araw na di inaasahan at sa oras na di n’ya nalalaman. Palalayasin n’ya ang katulong na ito at pakikitunguhang gaya ng mga di-dapat. Maraming hampas ang tatanggapin ng katulong na nakaaalam sa kalooban ng kanyang panginoon pero hindi naghanda ni sumunod sa kalooban n’ya. Kaunti lang naman ang tatanggapin ng walang nalalaman sa kalooban n’ya ngunit gumawa ng mga bagay na dapat parusahan. Hihingan nga ng marami ang binigyan ng marami at hihingan nang higit ang pinagkatiwalaan nang higit.”

Pagninilay:

Sa Ebanghelyo ayon kay San Lucas, ipinakikilala na ang ating Panginoon, sa pamamagitan ng larawan ng isang tao naglakbay patungo sa malayong lugar. Ang kanyang pagtitiwala ng iba't -ibang biyaya, panahon, pagkakataon at sa kanyang mga kasamahan, kanyang mga katiwala. Pero ang mga taong ito may kanya-kanyang pamamaraan upang gamitin ang mga pinagkatiwalang biyayang ito sa kasamahaan man o sa kabutihan. Sabi nga, “Anything that we do here on earth has its echo in eternity.” Sa pagbabalik nung Panginoon ng mga taong ito, makikita niyo ang mga taong gumawa ng may katapatan sa kanila-kanilang mga tungkulin, mayroon ding ilan na hindi ginamit ang panahon at pagkakataong ito. At ginamit ang pagkakatong ito para mag pasasa sa kanilang buhay hanggang sa masaktan, bugbugin ang kanilang mga kasamang mga katiwala. Pinagkakatiwala sa atin ng ating Panginoon ang maraming biyaya. Na ang pagkakakilanlan ng mga Kristiyano, mga taong walang ibang gagawin kundi kabutihan at tanging kabutihan lamang. Pagpupuri sa Diyos at paglilingkod sa ating kapwa. Maratnan nawa tayo ng ating Panginoon sa kanyang muling pagbabalik. Mapabilang sa mga katiwala ng may katapatan at kinagampanan ang tungkulin ipinagkatiwala sa kanila ng ating Panginoon. Pagpalain tayo ng ating Panginoon!

Fr. Eugene Dominic Hechanova | Archdiocese of Lipa

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita | Oktubre 18, 2022 – Martes

Ika – 29 na Linggo sa Karaniwang Panahon

Ebanghelyo: Lucas 10:1-9

Humirang ang Panginoon ng iba pang pitumpu't dalawa at isinugo silang dala-dalawa na mauna sa kanya sa bawat bayan at lugar na takda niyang puntahan. Sinabi niya sa kanila: “Marami nga ang aanihin at kakaunti naman ang mga manggagawa; idalangin niyo sa Panginoon ng ani na magpadala siya ng mga mangagawa sa kanyang ani. Lumakad na kayo. Isinusugo ko kayong parang mga tupa sa gitna ng mga asong-gubat. Huwag kayong magdala ng pitaka, bag o mga sandalyas. At huwag niyong batiin ang sinuman sa daan. Saanmang bahay kayo pumasok, sabihin muna ninyo: 'Mapasatahanang ito ang kapayapaan!' Kung mapayapang tao ang naroon, sasakanya ang inyong kapayapaan. At kung hindi'y magbabalik sa inyo ang inyong dasal. At sa bahay na iyon kayo manatili; kumain kayo at uminom na kasalo nila sapagkat may karapatan ang manggagawa sa kanyang sahod. Huwag kayong magpapalit-palit ng bahay. Saanmang bayan kayo pumasok at tanggapin nila kayo, kanin ninyo anumang ihain sa inyo. Pagalingin din ninyo ang mga maysakit doon at sabihin ninyo sa kanila: “Palapit na sa inyo ang Kaharian ng Diyos.'”

Pagninilay:

Ngayong araw po ay Kapistahan ni San Lucas, Ebanghelista. Siya po ay kilala bilang sumulat ng Mabuting Balita tungkol kay Hesus, pati na rin ang aklat ng mga Gawa ng Apostol. Kasamahan at mabuting kaibigan ni San Pablo, Apostol. Kaya naman pinaniniwalaang kasama si San Lucas sa mga missionary journeys ni San Pablo. Siya po ay patron ng mga doctor at artists!

Sa Mabuting Balita po natin ngayong sinugo ni Hesus ang kanyang mga tagasunod sa misyon. Wala kayong ibang daadalhin, walang pera, walang anumang sisidlan o panyapak. Maging maginoo, kumain ang anumang ihain, pagalingin ang mga maysakit, at ipahayag na malapit na ang kaharian ng Diyos.

Mga kapanalig, diba’t mas masaya maglingkod kung ikaw ay pampered. Masaya maglingkod kapag alam mong may mapapala ka. Pero hindi lang po ganon ang maglingkod at magmisyon. Kung naniniwala kang malapit na ang kaharian ng Diyos, iisipin mo pa bang magkamkam ng kayamanan o tumanggap ng kaginhawaang inaalok ng mundo? Mahirap. Gayunpaman, tanggapin po natin ito ngayon bilang hamon. Lahat tayo’y sinusugo ng Diyos sa misyon, at iyon ang akayain ang bawat isa pabalik sa kanya. Huwag nating asahang may kapalit, dahil kapag tayo’y napunta sa piling ni Hesus, wala na tayong mahihiling pang iba. Amen.

– Cl. Vinz Aurellano, SSP | Society of St. Paul

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita | Oktubre 17, 2022 – Lunes

Ika – 29 na Linggo Karaniwang Panahon

Sinabi kay Hesus ng isa sa karamihan: “Guro, sabihin mo nga sa aking kapatid na hatian ako ng mana.” Ngunit sinabi ni Hesus sa kanya: “Kaibigan, sino ang nagtalaga sa akin bilang hukom o tagapaghati ninyo? “At sinabi niya sa mga tao: “Mag-ingat kayo at iwasan ang bawat uri ng kasakiman sapagkat magkaroon man ng marami ang tao, hindi sa kanyang mga ari-arian nakasalalay ang kanyang buhay.” At idinagdag pa ni Hesus ang isang talinhaga: “May isang taong mayaman na maraming tinubo sa kanyang lupain. Kaya nag-isip-isip siya: ‘Ano ang aking gagawin? Wala man lang akong mapagtipunan ng aking ani.’ At sinabi niya: ‘Ito ang aking gagawin, gigibain ko ang aking mga bodega at magtatayo ako ng mas malalaki; doon ko titipunin ang lahat kong trigo at ang iba pa. At masasabi ko na sa aking sarili: Kaibigan, marami ka ng ari-ariang nakalaan para sa maraming taon. Magpahinga ka, kumain, uminom at magsaya.’  Ngunit sinabi sa kanya ng Diyos: ‘Hangal! Sa gabi ring ito, babawiin sa iyo ang iyong buhay. Mapapasakanino na ang iyong inihanda?’ Gayon din ang masasabi sa sinumang nag-iimpok ng yaman para sa kanyang sarili at walang tinitubo para sa Diyos.”

Pagninilay:

Ano ba ang ating dapat pag-ipunan? Sa araw na ito ng kapistahan ni San Ignacio ng Antioquia, tayo ay pinaaalalahanan na ang pagbabagong buhay upang makilala natin

ang Diyos sa tuwid na daan ay walang pinipiling edad. Si San Ignacio ay isang Griyego

na kinalauna’y umanib sa pananampalatayang Kristiyanismo. Kilala si San Ignacio bilang Patriarka na kinikilala ng Simbahan bilang haligi ng sinaunang pananampalatayang Kristiano dahil sa kanyang mga sinulat tungkol sa Simbahan, mga

sakramento at ukol sa pamumuno ng Obispo, kasama ng kanyang kaibigang si Policarpio. Siya ay nag-alay ng buhay at dugo bilang martir sa pagsunod sa Panginoon. Sa ating Ebanghelyo, tayo ay hinihikayat na mag-impok ng kayamanan sa langit hindi ng bagay na kinalauna’y maiiwanan lamang natin dito sa lupa. Walang masamang mag-hanap-buhay, maghangad na umahon sa kahirapan at magkaroon ng ari-arian. Ngunit kung ang ating buhay, atensiyon at puso ay nakatuon na lamang sa mga bagay namatatagpuaan dito sa lupa, nakakaligtaan natin na higit na dapat unahin natin ang mga bagay na makapagliligtas sa atin at magdadala sa atin sa kahariaan ng Diyos. Hilingin natin sa Diyos na kasihan tayo ng kanyang Espiritu upang lagi nating hangarin at unahin sa ating buhay ang Diyos. Ang Diyos na laging naghahangad na makapiling tayo hanggang wakas dahil mahal niya tayo. Gamitin nawa tayo ng Diyos upang maging kalasag upang mapaghandaan natin ang ating buhay sa kabila at gayundi’y maging instrumento nawa tayo sa pamamagitan ng social media at iba pang paraan upang hikayatin ang iba na pag-ibayuhin ang paghahanda para sa ating buhay kasama ng Panginoon sa kanyang Kaharian, Pagpalain kayo ng Diyos.

Fr. Rey Hector Paglinawan | Diocese of Cubao