ПіК Свабоды

Сёньня стала вядома, што Аляксандр Лукашэнка атрымаў запрашэньне ў Нью-Ёрк на паседжаньне «Рады міру» — новай ініцыятывы Дональда Трампа. Аднак у ЗША паляціць ня ён, а міністар замежных спраў Максім Рыжанкоў. Гэта выглядае як асьцярожны дыпляматычны манэўр. Бо ў той самы час расейская СВР раптоўна заявіла пра пагрозу «каляровай рэвалюцыі» ў Беларусі і «заходні сцэнар». Сыгнал з Масквы прагучаў акурат тады, калі зьявілася магчымасьць нават сымбалічнага кантакту Менску з Захадам. У «ПіКу Свабоды» пра гэта размаўляюць палітычны аглядальнік Радыё Свабода Валер Карбалевіч і Аркадзь Мошас зь Фінскага інстытуту міжнародных адносінаў.

Якія вынікі слуханьняў у Каардынацыйнай Радзе з удзелам Сьвятланы Ціханоўскай? Ці гатовая яна падзяліцца сваёй уладай? Ці магчымы кампраміс паміж непрызнаньнем Лукашэнкі і дыялёгам зь ім? Ці патрэбны дэмсілам сталы беларускі прадстаўнік у ЗША? На гэтыя пытаньні ў праграме «Палітыка зь Юрыем Дракахрустам» адказваюць старшыня Каардынацыйнай Рады Арцём Брухан і адзін з кіраўнікоў фракцыі «Беларусы» у Радзе Вадзім Пракоп'еў.

А 16:30 падвядзем вынікі тыдня зь Дзьмітрыем Гурневічам. Чаму ўлады паспрабавалі зэканоміць на вулічным асьвятленьні і чаму адступілі ўжо празm дзень? Ці здольнае анлайн-абурэньне ўплываць на рашэньні рэжыму Лукашэнкі? Абмяркоўваем з эканамістам, кіраўніком праекту «Кошт ураду» Уладзімірам Кавалкіным. Гаворым пра рэзананснае інтэрвію Марыі Калесьнікавай Юрыю Дудзю і спрэчкі вакол яго — разам з палітычным камэнтатарам Віталём Цыганковым. Напрыканцы — спорт: Алімпійскія гульні ў Італіі і беларускі спорт ва ўмовах ізаляцыі. Наш госьць — былы алімпіец Сяргей Далідовіч.

Сярод каго КДБ вярбуе шпіёнаў і шпіёнак? Як украінскія спэцслужбы выявілі агентку Іну Кардаш, якая пад выглядам журналісцкай працы шпіёніла для КДБ Беларусі? Як можна адмовіцца ад супрацы са спэцслужбамі? І што пагражае выкрытаму агенту спэцслужбаў Беларусі ў Эўразьвязе і іншых краінах? Мэтады і працу спэцслужбаў Беларусі ў «ПіКу Свабоды» Ганна Соўсь абмяркоўвае з украінскім журналістам Аляксандрам Загародным, прадстаўніцай беларускай Народнай амбасады ў Славеніі Аляксандрай Мамаевай, якую спрабаваў завэрбаваць КДБ, адвакатам, экс-кандыдатам на прэзыдэнта Алесем Міхалевічам і дарадцам Ціханоўскай у юрыдычных пытаньнях Леанідам Марозавым.

Як вярнуцца да нармальнасьці ў Беларусі? Цана вызвалення: што дапушчальна, а што — не? Пра што можна размаўляць з рэжымам Лукашэнкі? У праграме «Палітыка зь Юрыем Дракахрустам» спрачаюцца прадпрымальнік Аляксандар Кныровіч і палітычны аналітык Вадзім Мажэйка.

У першыню ў гісторыі незалежнай Беларусі сярэдні заробак у краіне перавысіў 1000 даляраў. Як гэта стала магчымым і ці багацеюць беларусы? Кітай упершыню стаў другім гандлёвым партнэрам Беларусі, абагнаўшы Эўразьвяз. Што адбываецца зь беларускім рублём і ці варта баяцца інфляцыі? Глядзіце “ПіК Свабоды” з эканамічным аналітыкам Сяргееем Чалым.

Таксама гаворым пра нечаканы паварот украінскай палітыкі да беларускіх дэмакратычных сілаў з Аленай Бабаковай, журналісткай, дасьледчыцай Atlantic Council.

Што зьменіцца для пацыентаў і мэдыкаў у адпаведнасьці зь дзяржаўнай праграмай «Здароўе нацыі»? Што акрамя абмежаваньня абортаў прадугледжвае новы Кодэкс аб ахове здароўя? 98 мільярдаў рублёў на мэдыцыну на пяць гадоў – гэта шмат ці мала? Абмяркоўваем з прадстаўнікамі Аб’яднага пераходнага кабінэту доктарам Станіславам Салаўём і эканамісткай Алісай Рыжычэнкай, а таксама з анколягам Надзеяй Пятроўскай.

Чаму Зяленскі сустрэўся зь Ціханоўскай і запрасіў у Кіеў? Якія наступствы гэта будзе мець? Ці вярнуў Лукашэнка сабе легітымнасьць? Як Трамп памяняў Беларусь?

На гэтыя пытаньні ў праграме «Палітыка зь Юрыем Дракахрустам» адказваюць украінскі палітоляг Яўген Магда і палітычныя аглядальнікі Радыё Свабода Валер Карбалевіч і Віталь Цыганкоў.

Чым стане Рада міру для Беларусі і Лукашэнкі? Чым быў адметны беларускі ўдзел у Міжнародным форуме ў Давосе? Чаго насамрэч дасягнуць улады, забараніўшы рабіць аборты ў прыватных клінках? Пра што расказала Свабодзе мігрантка з Гвінэі, якую дэпартавалі зь Беларусі, забраўшы дачку ў дзіцячы дом. Падсумоўваем падзеі тыдня з экспэртамі — палітолягам і гісторыкам Аляксандрам Фрыдманам, старшым дарадцам Ціханоўскай Франакам Вячоркам, праваабаронцамі Настай Базар і Энірай Браніцкай.

Марыя Калесьнікава заклікала Захад да дыялёгу з Аляксандрам Лукашэнкам. Павал Латушка называе гэтай памылкай. Сьвятлана Ціханоўская пераяжджае ў Варшаву і ўжо гучаць галасы, што гэта можа парушыць адзінства ўнутры дэмакратычных сілаў, паколькі ў польскай сталіцы актыўнічае Павал Латушка