PLANET FM

Verilişdə müasir cəmiyyətdə qadının mövqeyi, iş və ailə arasında balansın qorunub saxlanması, karyerada uğur qazanmağın sirləri və stereotip fikirləri şəxsi təcrübə əsasında inkar edən qadınlarla müsahibəni Günel Mavliyarovanın təqdimatında dinləyə bilərsiniz.

Layihənin əsas məqsədi elm, təhsil və innovasiyaları geniş ictimaiyyət üçün daha əlçatan, anlaşıqlı və maraqlı etməkdir. ABŞ-nin nüfuzlu Stanford Universitetinin Dayanıqlı Əməliyyatlar üzrə proqramının məzunu Aybəniz İsmayılovanın təqdimatında dinləyicilər ADA Universitetinin müəllim-professor heyəti, tədqiqatçıları və tələbələri ilə aparılan maraqlı müzakirələrdə gündəlik ekoloji vərdişlər üçün praktiki məsləhətlər, idarəetmədə yaşıl təşəbbüslər, dayanıqlıq proseslərinin həyatımızda təzahürü haqqında məlumatlar öyrənəcəklər.

"Planeti Visa ilə kəşf edək" rubrikasının qonağı səyahət bloqeri, fotoqraf Orxan Rəhmanlı oldu.

Nepalda “dəli bal”ın sirri nədir? 
Kumari ənənəsində “canlı ilahə” kimi qəbul edilən qızlar kimlərdir?
Hindistan və Pakistanda küçə masajının oxşar tərəfləri nələrdir?
Efiopiyada Mursi və Benna icmaları ilə qarşılaşmaq necə hissdir?
Bəs Zanzibarın Afrika, ərəb və Hindistan mədəniyyətlərinin qarışığı gündəlik həyatda necə görünür?

"Zaman Maşını" verilişinin qonağı təhsil üzrə ekspert Ramin Nurəliyev oldu.

“Planeti Visa ilə kəşf edək” rubrikasının qonağı tarixçi Müşfiq Əkbər oldu.

"Planeti Visa ilə kəşf edək" rubrikasının qonaqları səyahətsevər və dünyanı gəzməkdən zövq alan cütlük Turqay Adıgözəlov və Səidə Adıgözəlova oldular.

Çinə səfər etməzdən əvvəl bilməli olduğunuz hər şey bu müsahibədə! Radio aparıcısı və avtobloqer Raqif Raufoğlu Pekin və Şanxay təəssüratlarını, Çin avtomobilləri haqqında gizli qalan məqamları və ölkədəki real həyat qaydalarını bölüşür. Pekində nömrə almaq niyə 7 il çəkir? Çindən gələn Destroyer modelləri niyə Şanxayda yoxdur? Rouminq, WhatsApp, Visa kart ödənişləri, 350 km/s sürət qatarları və Çin restoranlarındakı maraqlı adətlər haqqında ən aktual məlumatlar!

Turistlər saxta tur paketlərə qarşı necə qorunmalıdır?
Aldadılmamaq üçün alınan tur paketləri onlayn sistemdə necə yoxlamaq olar?
2026-cı ildə Tayland, Misir (Şarm əş-Şeyx, Əl-Alemeyn), Monteneqro və Yunanıstana ən ucuz turları necə əldə etmək mümkündür?

Bu verilişdə Planet FM-in qonağı, "Kompas Tur Operator" şirkətinin agentlər üzrə koordinatoru Emin Topçubaşov ilə B2B turizm şəbəkəsi, tur paketlərin onlayn yoxlanılması funksiyası, Misir Maldivləri sayılan Əl-Alemeyn istiqaməti, Taylanda vizasız gediş-gəliş qaydaları, Monteneqro və Yunanıstan vizasının rahat alınma yolları və erkən rezervasiya (Early Booking) fürsətlərini müzakirə edirik! Həmçinin verilişdə Qahirə piramidalarının pərdəarxası, İordaniya ekskursiyaları, Rixos və Albatros kimi məşhur ol-inklyuziv (All Inclusive) otellər, eləcə də Visa kartları vasitəsilə pulsuz aeroport transferi və laundj xidmətlərindən istifadə qaydaları yer alır.

Çində təhsil almaq necədir? 
Çinlilər doğrudanmı pişik və it əti yeyirlər?
Mollarında 100 manatlıq malı 20 manata necə düşürmək olar?

Bu verilişdə Planet FM-in qonağı, Azərbaycan Dillər Universitetinin məzunu və Çində ixtisasartırma keçmiş Çin dili mütəxəssisi Mərziyə Vəliyeva ilə Çin təhsili, HSK imtahanları, çinli müdirlərin azərbaycanlı müdirlərdən fərqi, Çin avtomobilləri (Xiaomi, Li Auto, BYD) və Yiwu, Şanxay, Chongqing şəhərlərindəki biznes mühiti haqqında danışırıq! Həmçinin verilişdə Çin dilini 1 ilə öyrənməyin sirləri, "Ni hao" və "Duo shao qian" ifadələri ilə endirim almaq taktikaları, Koreya dramaları (K-Drama) və K-Pop sevgisi haqqında maraqlı məlumatlar yer alır.

İndoneziyada 1 il yaşamaq necə bir təcrübədir?

22 yaşında 32 ölkə gəzən Sahilə Babayeva İndoneziya dilini necə öyrənib və Balidə turizm sahəsində necə işə başlayıb? Bu verilişdə Planet FM-in qonağı, səyahəti həyat tərzinə çevirən Sahilə Babayeva ilə İndoneziya mədəniyyəti, İspaniyanın Palma de Malorka adasındakı çimərlik qadağaları, cərimələr, Avropada avtomobil kirayələmək sirləri və Kərbəlaya 80 km-lik piyada səyahət təcrübəsini müzakirə edirik! Həmçinin videoda Almaniyada qatar gecikmələri, İtalyanların pasiv-aqressiv xarakteri, Latviyada soyuq münasibət və xaricdə gözlənilməz tibbi əməliyyat zamanı Paşa Sığortanın rolu haqqında maraqlı faktlar yer alır.