និពន្ធ​ដោយ៖ Clint Archer

លោក ម៉ាលខុម គ្លែតវែល (Malcolm Gladwell) បាន​សរសេរ​អំពី​ច្បាប់ ១០.០០០ ម៉ោង ដើម្បី​ក្លាយ​ជា​អ្នក​ជំនាញ។ លោក ប៊ីល ហ្គេត (Bill Gates) និង​ការ​សរសេរ​កម្មវិធី​របស់​គាត់ ក្រុម​តន្ត្រី Beatles និង​វគ្គ​ហាត់​នៅ​អាល្លឺម៉ង់​របស់​ពួក​គេ លោក យូ-យូ មា (Yo-Yo Ma) និង​ការ​លេង​វីយូឡុង​របស់​គាត់ និង​សូម្បី​តែ​លោក គ្លែតវែល ខ្លួន​ឯង និង​ការ​និពន្ធ​របស់​គាត់។ គ្មាន​នរណា​ម្នាក់​រំពឹង​ថា ខ្លួន​នឹង​ទទួល​បាន​អ្វី​ល្អ​ដោយ​គ្មាន​ពេល​វេលា ការ​ប្រឹង​ប្រែង និង​ការ​តស៊ូ​នោះ​ឡើយ។ ត្រូវ​មាន​ច្រើន។ ហេតុ​អ្វី​បាន​ជា​គ្រីស្ទ​បរិស័ទ​ខ្លះ​មាន​អារម្មណ៍​ដូច​ជា​ថា ពួក​គេ​នឹង​ទទួល​បាន​ការ​រីក​ចម្រើន​ជា​លំដាប់​ក្នុង​ភាព​ដូច​ព្រះ​គ្រីស្ទ ប្រសិន​បើ​ពួក​គេ​គ្រាន់​តែ «លះ​បង់​ចោល ហើយ​ថ្វាយ​ទៅ​ព្រះ»?

វា​គឺ​ជា​គោល​ដៅ​របស់​គ្រីស្ទ​បរិស័ទ​គ្រប់​រូប ដើម្បី​ក្លាយ​ជា​អ្នក​ជំនាញ​ក្នុង​ការ​លើក​តម្កើង​ព្រះ​ជាម្ចាស់។ យើង​គួរ​តែ​រំពឹង​ថា នឹង​បាត់​បង់​ញើស​ខ្លះៗ​នៅ​ក្នុង​ដំណើរ​ការ​នេះ។ ខ្ញុំ​មិន​និយាយ​អំពី​ការ​ញែក​ជា​បរិសុទ្ធ​រួម​ដែល​រឹង​រូស​នោះ​ទេ ខ្ញុំ​គ្រាន់​តែ​ចង់​មាន​ន័យ​ថា ចូរ​យើង​អនុវត្ត​កណ្ឌ​គម្ពីរ (ភីលីព ២:១២) «ចូរ​បង្ហើយ​សេចក្ដី​សង្គ្រោះ​របស់​អ្នក​រាល់​គ្នា ដោយ​កោត​ខ្លាច ហើយ​ញាប់​ញ័រ​ចុះ ដូច​ជា​បាន​ស្ដាប់​បង្គាប់​ខ្ញុំ​ជា​ដរាប​រៀង​មក​ដែរ មិន​មែន​តែ​កាល​ខ្ញុំ​នៅ​ជា​មួយ​ប៉ុណ្ណោះ​ទេ សូម្បី​ឥឡូវ​នេះ​ដែល​ខ្ញុំ​មិន​នៅ​ជា​មួយ នោះ​ក៏​ចូរ​ខំ​ប្រឹង​ឲ្យ​លើស​ទៅ​ទៀត​ផង»។

Hosted on Acast. See acast.com/privacy for more information.

និពន្ធដោយ៖ លោកគ្រូ D.A. Carson

ហើយ​បន្ទាប់​មក​ទៀត អ្វី​ដែល​បាន​កើត​ឡើង​នៅ​សម័យ​កាល​រវាង​ព្រះ​គម្ពីរ​សញ្ញា​ចាស់ និង​ព្រះ​គម្ពីរ​សញ្ញា​ថ្មី គឺ​ជា​ពេល​វេលា​រាប់​រយ​ឆ្នាំ​ដែល​ពួក​រាស្ត្រ​ស្ថិត​ក្រោម​អំណាច​ដ៏​ធំ​មួយ​នៅ​តំបន់​នោះ។ ដូច​ដែល​យើង​បាន​លើក​ឡើង បន្ទាប់​ពី​ពួក​អាសស៊ើរ នោះ​ក៏​មាន​ពួក​បាប៊ីឡូន។ ហើយ​បន្ទាប់​ពី​ពួក​បាប៊ីឡូន នោះ​ក៏​មាន​ពួក​ពើស៊ី។ ក្រោម​ចក្រភព​របស់​ពួក​ពើស៊ី នោះ​ពួក​យូដា​ក៏​ទទួល​បាន​ការ​អនុញ្ញាត​ឲ្យ​ត្រឡប់​ទៅ​ក្នុង​ទឹក​ដី​សន្យា​វិញ។ នៅ​ពេល​នោះ​មាន​ការ​ចេញ​ច្បាប់​ចក្រភព​ទាំង​មូល ហើយ​មនុស្ស​ជា​ច្រើន​ដែល​គេ​បាន​នាំ​ទៅ​ទឹក​ដី​នោះ ក្នុង​នាម​ជា​ឈ្លើយ ក៏​ទទួល​បាន​ការ​អនុញ្ញាត​ឲ្យ​វិល​ត្រឡប់​ទៅ​ទឹក​ដី​ខ្លួន​វិញ ឧទាហរណ៍៖ ពួក​ម៉ូអាប់។ គឺ​មិន​មែន​គ្រាន់​តែ​ពួក​យូដា​ទេ។ ហើយ​ក្នុង​សេចក្ដី​ស្មោះ​ត្រង់​របស់​ព្រះ​ជាម្ចាស់ នោះ​ព្រះ​អង្គ​ក៏​បាន​នាំ​រាស្ត្រ​របស់​ទ្រង់​ត្រឡប់​ទៅ​ទឹក​ដី​ពួក​គេ​វិញ​ដែរ។

ប៉ុន្តែ មិន​យូរ​មិន​ឆាប់ សាសន៍​ក្រិក​ក៏​វាយ​យក​ទឹក​ដី​របស់​ពួក​ពើស៊ី។ ហើយ​បន្ទាប់​មក នៅ​ពេល​ដែល អាឡិកហ្សានឌើរ (Alexander the Great) ស្លាប់ នោះ​ចក្រភព​របស់​សាសន៍​ក្រិក​ក៏​បាន​ដួល​រលំ​នៅ​ចុង​សតវត្សទី៤មុនគ.ស. ហើយ​គេ​ក៏​បាន​ចែក​ទឹក​ដី​គាត់​ទៅ​ជា​បួន​តំបន់ ក្រោម​ការ​ដឹក​នាំ​របស់​មេ​ទ័ព​បួន​ពី​មុន។ ព័ត៌មាន​នៃ​ប្រវត្តិ​សាស្ត្រ​ទាំង​នេះ​មិន​មាន​សរសេរ​ចុះ​នៅ​ក្នុង​ព្រះ​គម្ពីរ​សញ្ញា​ចាស់​ទេ ប៉ុន្តែ​ហោរា ដានីយ៉ែល បាន​ទាយ​ទុក​នូវ​ព្រឹត្តិការណ៍​មួយ​ចំនួន​ក្នុង​សុបិន​របស់​គាត់។

Hosted on Acast. See acast.com/privacy for more information.

និពន្ធដោយ៖ លោកគ្រូ D.A. Carson

ចំណុច​បន្ទាប់​ដែល​យើង​ត្រូវ​សង្កេត​មើល​គឺ​ថា យើង​អាច​រៀប​រាប់​ដំណើរ​រឿង​នោះ​ក្នុង​របៀប​ត្រួសៗ ឬ​ក៏​យើង​អាច​លើក​ឡើង​ដោយ​ចំណាយ​ពេល​រាប់​ម៉ោង។ ក្នុង​ការ​រៀបរាប់​ត្រួសៗ យើង​អាច​សង្ខេប​ដូច​ត​ទៅ៖ ការ​បង្កើត ការ​ធ្លាក់​ក្នុង​អំពើ​បាប ការ​ប្រោស​លោះ និង​ការ​សម្រេច​ទាំង​ស្រុង។ ការ​ធ្វើ​បែប​នេះ​នាំ​ឲ្យ​យើង​ឃើញ​អំពី​ដំណើរ​ដើម​ចម និង​ទី​បញ្ចប់ ហើយ​ក្នុង​ចន្លោះ​ចំណុច​ទាំង​ពីរ​នេះ គឺ​យើង​មាន​ការ​ធ្លាក់​ក្នុង​អំពើ​បាប—បញ្ហា​ដែល​បាន​លើក​ឡើង—ហើយ​បន្ទាប់​មក​គឺ​ការ​ប្រោស​លោះ—ដែល​នេះ​ជា​ដំណោះ​ស្រាយ​ដែល​ព្រះ​ជាម្ចាស់​បាន​ប្រទាន​ដល់​យើង។ សរុប​សេចក្ដី​ទៅ នេះ​គឺ​ជា​របៀប​សង្ខេប​ដំណើរ​រឿង​ព្រះ​គម្ពីរ​ត្រួសៗ។ ហើយ​បន្ទាប់​មក យើង​ក៏​អាច​បន្ថែម​ព័ត៌មាន​បន្តិច​ទៀត ដើម្បី​សង្ខេប​ក្នុង​ពេល​ពីរ​ទៅ​បី​នាទី។ ឬ​ក៏​ថា របៀប​មួយ​ទៀត​ដែល​យើង​អាច​ធ្វើ​បាន​គឺ ចំណាយ​ពេល​ជា​ច្រើន​ក្នុង​ការ​លើក​ឡើង​អំពី​ព័ត៌មាន​លម្អិត ដើម្បី​ពិភាក្សា​គ្នា ដោយ​លើក​ឡើង​ជា​តារាង និង​របៀប​ដែល​កណ្ឌ​គម្ពីរ​ទាំង​អស់​មាន​ភាព​ស៊ី​គ្នា ដើម្បី​ជា​លទ្ធផល​អាច​នាំ​ឲ្យ​លោក​អ្នក​ឃើញ​បាន​យ៉ាង​ច្បាស់​លាស់​អំពី​ការ​ដែល​វា​មាន​ភាព​ស៊ី​គ្នា​នៅ​ក្នុង​ដំណើរ​រឿង។

Hosted on Acast. See acast.com/privacy for more information.

និពន្ធដោយ៖ លោកគ្រូ D.A. Carson

នេះ​គឺ​ជា​ការ​សង្ខេប​កណ្ឌ​គម្ពីរ​បញ្ចកណ្ឌ។ ហើយ​ក្នុង​អត្ថន័យ​មួយ វា​បាន​បញ្ចប់​ដោយ​នាំ​ឲ្យ​យើង​មាន​ការ​បាក់​ទឹក​ចិត្ត។ ព្រះ​ជាម្ចាស់​បាន​សន្យា​ប្រទាន​ព្រះ​ពរ និង​ដាក់​បណ្ដាសា គឺ​ព្រះ​ពរ​លើ​អស់​អ្នក​ដែល​ស្ដាប់​បង្គាប់ និង​បណ្ដាសា​លើ​អស់​អ្នក​ដែល​មិន​ស្ដាប់​បង្គាប់ ហើយ​សូម​ទាយ​ទៅ​មើល​ថា តើ​នឹង​មាន​រឿង​អ្វី​កើត​ឡើង? យើង​បាន​ឃើញ​តម្រុយ​តាម​រយៈ​លោក ម៉ូសេ ផ្ទាល់​ដែល​ព្រះ​គម្ពីរ​បាន​ហៅ​ថា គាត់​ជា​មនុស្ស​ស្លូត​ជាង​គេ​បំផុត​ដែល​ធ្លាប់​បាន​រស់​នៅ គាត់​មិន​បាន​ចូល​ទឹក​ដី​សន្យា​ទេ។ ដូច្នេះ សេចក្ដី​សន្យា​នានា​នៃ​ព្រះ​គុណ ដែល​មាន​ពាស​ពេញ​ក្នុង​កណ្ឌ​គម្ពីរ​មួយ​នេះ គឺ​យើង​ត្រូវ​យល់​ឲ្យ​បាន​ម៉ឺង​ម៉ាត់ ជា​ពិសេស​ទាក់​ទង​នឹង​ការ​ដែល​មនុស្ស​ជា​ច្រើន​លើក​ឡើង​អំពី​ទេវវិទ្យា​នៃ​កណ្ឌ​គម្ពីរ​ចោទិយកថា ហាក់​បី​ដូច​ជា​ថា ទាំង​អស់​ទាក់​ទង​ទៅ​នឹង​ទង្វើ ព្រះ​ពរ និង​បណ្ដាសា អាស្រ័យ​លើ​របៀប​ដែល​គេ​លើក​ឡើង។ នេះ​គឺ​ជា​សុទិដ្ឋិនិយម​ខ្លាំង​ពេក​ហើយ ពីព្រោះ​ព្រះ​ពរ និង​បណ្ដា​សារ​ទាំង​នោះ​នាំ​មក​នូវ​រូប​ភាព​ដដែលៗ​ថា បណ្ដាសា​ក្លាយ​ជា​រឿង​សំខាន់ ហើយ​មនុស្ស​យើង​ក៏​បាន​បរាជ័យ​ម្ដង​ហើយ​ម្ដង​ទៀត​ដែរ។ ជា​លទ្ធ​ផល ការ​នោះ​ក៏​នាំ​យើង​ទៅ​រក​ព្រះ​គុណ​វិញ។

Hosted on Acast. See acast.com/privacy for more information.

ការ​បែង​ចែក​ពេល​វេលា​បាន​ត្រឹម​ត្រូវ គឺ​ជា​ធាតុ​ផ្សំ​ដ៏​សំខាន់​មួយ​ក្នុង​ការ​ចាត់​ចែង​ពេល​វេលា​ឲ្យ​បាន​ល្អ​ផង​ដែរ។ ក្នុង​នាម​ជា​គ្រីស្ទ​បរិស័ទ យើង​ដឹង​ថា ព្រះ​ជាម្ចាស់​សព្វ​ព្រះ​ហឫទ័យ​ចង់​ឃើញ​ការ​ចាត់​ចែង​ពេល​វេលា​ដែល​យើង​មាន ដោយ​ស្មោះ​ត្រង់ ហើយ​សព្វ​ថ្ងៃ​នេះ​ក៏​មាន​កម្មវិធី​ល្អៗ​ជា​ច្រើន​ដែល​អាច​ជួយ​យើង​បាន​ដែរ។ កម្មវិធី​ខ្លះ​បញ្ជា​ដោយ​ដៃ ស្រប​ពេល​ដែល​កម្មវិធី​ខ្លះ​ទៀត​បញ្ជា​ដោយ​កម្រិត​ស្វ័យ​ប្រវត្តិ​កម្ម។ កម្មវិធី​ដែល​ខ្ញុំ​ប្រើ​ប្រាស់​ច្រើន​បំផុត​គឺ ថហ្គល (Toggl)។ ខ្ញុំ​ប្រើ​កម្មវិធី ថហ្គល ពីរ​បី​សប្ដាហ៍​ជាប់​គ្នា​រៀង​រាល់​ពីរ​ខែ​ម្តង ដើម្បី​តាម​ដាន​ពេល​វេលា​របស់​ខ្ញុំ​ដោយ​ប្រុង​ប្រយ័ត្ន (ជួន​កាល​រាល់​នាទី​ភ្ញាក់​ពី​ដំណេក ហើយ​ជួនកាល​ត្រឹម​តែ​ពេល​ណា​ដែល​ទាក់​ទង​នឹង​ការងារ​របស់​ខ្ញុំ​ប៉ុណ្ណោះ)។ ការ​ធ្វើ​បែប​នេះ ជួយ​ខ្ញុំ​ឲ្យ​ដឹង​អំពី​ពេល​វេលា​របស់​ខ្ញុំ​ចំណាយ​លើ​រឿង​អ្វី​ខ្លះ ហើយ​ថា តើ​ខ្ញុំ​កំពុង​យក​ចិត្ត​ទុក​ដាក់​គ្រប់​គ្រាន់​ចំពោះ​ផ្នែក​នីមួយៗ​នៃ​ទំនួល​ខុស​ត្រូវ​របស់​ខ្ញុំ​ដែរ​ឬទេ។ កម្មវិធី​ដែល​មាន​ប្រយោជន៍​មួយ​ទៀត​គឺ កម្មវិធី​ដែល​តាម​ដាន​នូវ​វេបសាយ​ដែល​លោក​អ្នក​បាន​បើក​មើល​អនឡាញ វា​នឹង​បង្ហាញ​នូវ​បញ្ជី​គេហទំព័រ​ដែល​លោក​អ្នក​បាន​ចូល​មើល និង​ចំនួន​ប៉ុន្មាន​ដង ដែល​លោក​អ្នក​បាន​មើល​វា​នោះ។ ពួក​វា​ក៏​បង្ហាញ​បញ្ជី​នៃ​កម្មវិធី​ដែល​អ្នក​បាន​ប្រើ​ប្រាស់ និង​រយៈ​ពេល​ប៉ុន្មាន​ដង​ដែល​លោក​អ្នក​បាន​ប្រើ​ពួក​វា​នីមួយៗ​ដែរ។ ការ​ពិត​អាច​ធ្វើ​ឲ្យ​ឈឺ​ចាប់។ សាក​ល្បង​ប្រើ​ប្រាស់​កម្មវិធី រ៉េសស្យូ ថាម (RescueTime) ប្រសិន​បើ​អ្នក​ត្រូវ​ការ​ជំនួយ។

English: https://www.challies.com/christian-living/the-quantified-life-and-the-sanctified-christian/

Hosted on Acast. See acast.com/privacy for more information.

មាន ស្ទីកឃ័រ (sticker) មួយ​បិទ​នៅ​ក្រោយ​ឡាន​ថា «អ្នក​ពិសេស»។ ហើយ​នៅ​ក្រោម ស្ទីកឃ័រ នោះ​មាន​ការ​សរសេរ ដោយ​អក្សរ​តូចៗ​ថា «ដូច​គ្រប់​គ្នា​ដែរ»។ ពិត​ជា​គួរ​ឲ្យ​ចាប់​អារម្មណ៍​មែន ប៉ុន្តែ​ក៏​នៅ​មាន​សំណួរ​ដ៏​សំខាន់​មួយ​ដែល​យើង​ត្រូវ​សួរ​ដែរ ទាក់ទង​ទៅ​នឹង​ចំណុច​ពិសេស​របស់​មនុស្ស​ជាតិ។ យោង​តាម​ព្រះ​គម្ពីរ តើ​ព្រះ​អង្គ​បាន​បង្កើត​យើង​ក្នុង​របៀប​ដ៏​ពិសេស​ដែរ​ឬ​ទេ?

English version: https://www.desiringgod.org/interviews/does-the-bible-say-i-am-unique

Hosted on Acast. See acast.com/privacy for more information.

Hosted on Acast. See acast.com/privacy for more information.

ប្រសិន​បើ​តាម​រយៈ​ពាក្យ «ទទួល​ជឿ» អ្នក​សួរ​ចង់​មាន​ន័យ​ថា «តើ​មាន​គ្នា​ក្នុង​ចំណោម​ពួក​ចាស់​ទុំ​យើង​ដែល​ប្រកាន់​ខ្ជាប់​តាម​ទ្រឹស្ដី​ដែល​ថា​ផែនដី​ចាស់?» នោះ​ចម្លើយ​គឺ​ថា «មែន​ហើយ មាន!»។ប្រសិន​បើ​តាម​រយៈ​ពាក្យ «ទទួល​ជឿ» អ្នក​សួរ​ចង់​មាន​ន័យ​ថា «តើ​នេះ​គឺ​ជា​ទស្សនៈ​ដែល​ខ្ញុំ​ប្រកាន់​ខ្ជាប់​តាម​ផ្ទាល់​មែន​ឬ?» នេះ​គឺ​ជា​ចម្លើយ​ដែល​ខ្ញុំ​បាន​លើក​ឡើង។ ខ្ញុំ​គិត​ថា មាន​ទស្សនៈ​ពីរ​យ៉ាង​យោង​តាម​ព្រះ​គម្ពីរ។

English: https://www.desiringgod.org/interviews/do-you-accept-old-earth-and-evolution

Hosted on Acast. See acast.com/privacy for more information.

Hosted on Acast. See acast.com/privacy for more information.

Hosted on Acast. See acast.com/privacy for more information.