A Garda Civil detivo de madrugada ao presunto autor do crime machista de Baiona. O arresto produciuse en mesma parroquia de Belesar, onde reside o detido e onde o pasado venres foi localidado o corpo sen vida de Estela Blach.

Reaccións tralo incendio rexistrado este mércores nunha vivenda do Grove, no que faleceu unha das praceiras máis coñecidas da localidade: Elena Parada, tamén coñecida como A Roca. Persoal sanitario denuncia que a ambulancia medicalizada de O Salnés estaba camiño do hospital Montecelo cando se produciu o aviso do incendio. O BNG presentará iniciativas de urxencia no Parlamento.

Outro incendio afectou esta madrugada a un cuarto piso do Malecón de Ribeira no que se detectou un posible caso de síndrome de Dióxenes. O inquilino sufriu unha intoxicación e un bombeiro un golpe no tórax.

O sindicato CIG anuncia un importante conflicto laboral con despedimentos masivos que se producirá nunha empresa de ámbito comarcal. Desvelaran os detalles esta tarde nunha comparecencia pública en Vilagarcía.

O Concello de Vilagarcía e a empresa Fundivisa clausuraron hoxe a cuarta edición da formación especializada, coa entrega dos diplomas ao alumnado da man do alcalde, Alberto Varela, e do xerente da empresa Antonio Moreira.

O sector da conserva de China abre as portas á industria do Salnés, trala visita á comarca dunha delegación do empresariado chinés que está de viaxe por España na busca de novos mercados.

O Concello de Sanxenxo e o sector turístico do municipio márcanse un novo obxetivo: que o Nadal sexa a terceira tempada turística do ano, tralo verán e a Semana Santa.

O Concello de Ribadumia inicia as xestións para que o mercado municipal consiga o selo de excelencia para convertelo nun espazo competitivo e atractivo,

O Concello de Valga lamenta o falecemento da centenaria Manuela Duro Fernández, veciña de Casal de Eirigo, e traslada aos seus familiares e achegados as condolencias en nome de toda a Corporación e da veciñanza de Valga.

Xa é definitivo: o Pazo de Montesacro deixará de ser residencia de maiores de Cambados antes de Nadal. A orden relixiosa Hermanitas de los Ancianos Desamparados, propietaria do Pazo comunicou esta mañá ao alcalde Samuel Lago o peche definitivo do servizo, máis dun ano despóis de que se anunciase a saída do inmoble á venda.

Cun amplo despliegue policial pero sen incidencias e de forma voluntaria, desaloxouse esta mañá o edificio okupa do barrio de Abesadas, en Ribeira.

 

Xa están nas lonxas as primeiras centolas da tempada.

Nunha das máis cotizadas, na poxa do Grove, o crustáceo alcanzou un precio máximo que rozó los 28 euros por kilo, dous máis que o ano pasado.

O grupo municipal de Esquerda Unida en Vilagarcía oponse a “malgastar” medio millón de euros na renovación das farolas do paseo marítimo por considerar que se trata dun gasto excesivo e innecesario.

Durante esta semana, a circulación pola avenida de Rosalía de Castro ao seu paso pola praza da Constitución queda lixeiramente modificada, debido ao valado que instalado diante do vello asilo.

A Escola municipal de Música de Sanxenxo comezou o curso con 224 matriculacións e lista de agarda nas especialidades de adultos.

A Subdelegación do Gobierno en Pontevedera confirmou este luns que o asesinato de Estela Blach, a muller de 36 anos morta o pasado venres en Baiona, trátase dun crimen de violencia machista.

As lonxas de Arousa, e en especial a do Grove, recibirán esta tarde as primeiras pezas da campaña da centola, iniciada hoxe trala veda establecida dende o 22 de xuño.

Coincidindo coa apertura da veda, tamén comezan hoxe no Grove as Xornadas de Exaltación da Centola, organizadas por Emgrobes, que se prolongarán ata o 8 de decembro. 

Un grupo de mariscadoras de Noia concentrouse este mediodía ante a reunión semanal do Goberno da Xunta na localidade para exixir medidas contra a baixada de productividade nas rías.

Xornada de folga no sector de limpeza de edificios públicos da provincia de Pontevedra que entre hoxe e mañá retoma as mobilizacións iniciadas o pasado xaneiro en protesta pola falta de acordo nas negociacións do convenio colectivo.

A subdelegación do Goberno en Pontevedra activou hoxe o Plan de Viabilidade Invernal na rede de estradas da provincia trala sinatura do protocolo para a campaña 2024-25 rubricado polo subdelegado Abel Losada.

O paseo marítimo de Vilagarcía verá renovada antes dun ano toda a luminaria cun investimento que roldará os 550.000 euros, financiados a través do Plan de Recuperación do goberno de España, e con deseño do escultor local Elías Rey.

O acceso da Autovía do Salnés ao polígono empresarial de Nantes ten nova iluminación tras unha actuación promovida pola Xunta cunorzamento de 33.000 euros.

En Cambados comeza hoxe a campaña dos Bonos 3x2 de Outono, organizada pola Asociación Zona Centro en colaboración co Concello para incentivar as compras no comercio local nas datas previas ao Nadal.

A Deputación de Pontevedra aprobará este venres o novo convenio co Concello de Pontevedra por 1,3 millóns de euros para financiar o vial de Mollavao, segundo adiantou o vicepresidente provincial, Rafa Domínguez.

A nosa portada ábrese hoxe á provincia por un posible caso de asasinato por violencia machista acontecido en Baiona. A Garda Civil investiga a morte violenta dunha muller de 36 anos de idade, de iniciais E.B.S., cuxo cadaver foi localizado a primeira hora desta mañá na vivenda da súa exparella na parroquia de Belesar.

Susto de madrugada en Carril polo incendio do letreiro luminoso dunha farmacia, probablemente debido a un cortocircuito. A rápida intervención do Servizo Municipal de Emerxencias evitou que as lapas afectasen ao resto do edificio,

Vilagarcía prepárase para o Nadal cunha ampla programación navideña que o Concello volve a englobar baixo o nome de Nadalízate e que presentaban esta mañá a Concelleira de Cultura, Sonia Outón e o Concelleiro de Xuventude e Promoción Económica Alvaro Carou.

O Conselleiro de Educación Román Rodríguez, presentou en Vilanova o proxecto de mellora das instalacións deportivas do Colexio CEIP Sestelo-Baión, cun investimento de case 675.000 euros. A previsión é licitar as obras antes de que remate o ano para executalas en 2025.

A Xunta de Galicia destinará un investimento de 400.000 euros para actuacións de mellora de eficiencia enerxética no edificio dos xulgados de Caldas.

Tamén na Illa de Arousa executarase en breve unha actuación de eficiencia enerxética, neste caso por parte da Deputación de Pontevedra que aprobou hoxe o expediente para dotar ao centro sociocultural, situado nas Casas Modernistas, de instalacións de xeotermia sostibles, A iniciativa está enmarcada no programa de axudas estatais do IDAE que financia o 80%.

O Concello de Sanxenxo convoca o II Concurso de Iluminación “Deslumbra co teu Nadal” no que se repartirán 4.000 euros en premios e incorpora unha nova categoría para rúas e prazas.

O BNG de Sanxenxo lamenta que, a piques de rematar o ano 2024, aínda siga en pé un dos grandes elementos do feísmo de Sanxenxo, que “simboliza á perfección a política de formigón de Telmo Martín”.

Actualidade local e comarcal deste xoves 7 de novembro.

Xornada de ceos despexados con temperaturas que siguen sendo altas para a época do ano, oscilando entre os 24 graos de máxima e 12 de mínima.

Segundo as previsións de Meteogalicia, a inestabilidade regresa mañá venres, con precipitacións febles, pero xa cara a fin de semana reforzaranse de novo as altas presións para comezar a vindeira semana baixo a influencia anticiclónica.

Catro mergulladores do GEAS da Garda Civil sumáronse hoxe ao operativo na procura dun veciño de Meis, de 48 anos, desaparecido dende o pasado mércores tras unha primeira xornada de busca infructuosa por terra e aire na contorna da desembocadura do río Umia, en Cambados,

O Salnés promociona en Madrid a súa nova estratexia para desestacionalizarse como destino mediante o chamado “slow business”, un producto dirixido a empresarios ou altos executivos "que necesitan un descanso pero que non poden deixar de traballar”. 

O Concello de Vilagarcía estudará unha segunda fórmula

para a reforma integral de Veiga do Mar, en Vilaxoán, habilitando unha única beirarrúa e non dúas, como estaba no anteproxecto.O cambio permitiría, á vez, manter algunhas das prazas de aparcamento existentes hoxe.

O IES Ramón Cabanillas foi o escenario elexido pola subdelegación do Goberno en Pontevedra para a presentación dunha nova edición de ′Regueifas pola Igualdade′, enmarcada no programa de actividades polo 25N.

O Concello do Grove executa obras de renovación de servizos de abastecemento e saneamenteo na rúa Lordelos, en Rons, por importe duns 80.000 euros.

A Asociación de comerciantes Vilanova Centro presentou esta mañá a súa campaña de Nadal con Rascas que comezará o 9 de decembro.

Diferentes colectivos de Vilanova en colaboración co Concello preparan para este sábado un Festival Solidario coa orquestra Marbella en beneficio das zonas de Valencia afectadas pola dana.

A asociación Arousa Moza, en colaboración co Concello de Vilagarcía, celebra este domingo día 10 un gran magosto e un xantar picnic na Praza da Peixería co fin de recadar fondos para Ucraína.

Búscase na contorna da desembocadura do río Umia, en Cambados, a un veciño de Meis, de 48 anos, do que se descoñece o seu paradoiro dende o pasado mércores.

Sigue aumentando a axuda de Arousa ás zonas de Valencia afectadas pola Dana. No terreo xa están traballando os equipos de Protección Civil trasladados dende Vilagarcía, Cambados, Cuntis ou Portas. Dende Vilanova o alcalde Gonzalo Durán anuncia a contribución con maquinaria municipal, en coordinación coa Mancomunidade do Salnés.

Catro bombeiros de Pontevedra trasladaranse "en canto sexa posible" a Valencia como colaboración do Concello.

Dende Valga, o Belén Artesanal en Movemento a través da súa Tómbola Benéfica recadará nesta edición fondos para axudar aos afectados polo desastre natural de Valencia.

O paro no mes de outubro nas nosas comarcas sigue a tendencia do país e rexistra subidas en todos os concellos, agás nos municipos de Barbanza, debido, sobre todo, ao remate das contratacións estivais do sector servizos.

O Concello de Vilagarcía explicará esta tarde polo miudo á veciñanza de Vilaxoan o anteproxecto para a mellora da seguridade viaria de Veiga do Mar.

A Deputación Pontevedra está a executar unha segunda mellora viaria na estrada provincial EP-9701 Baión-András, en Vilanova e prevese unha terceira actuación, con senda peonil, para mediados de 2025 entre a Farmacia e o colexio.

O Concello de Sanxenxo realizará un cuestionario sobre igualdade e violencia de xénero entre o alumnado de 3º da ESO nos dous institutos do municipio, o de Sanxenxo e Vilalonga, e no colexio Abrente

O Concello de Ribadumia celebra a primeira mesa de traballo para a elaboración do I Plan de Igualdade do municipio.

O Auditorio Municipal de Vilagarcía acollerá o sábado 30 de novembro unha noite de boleros, da mán do artista cubano afincado en Vilagarcía Yamil Quijada.

O concelleiro de Servizos de Vilagarcía Lino Mouriño deixa a súa acta na corporación municipal despóis de 13 anos formando parte do equipo de Alberto Varela, catro na oposición e os últimos nove no goberno local.

Acompañado de todo o grupo municipal e dun emocionado Alberto Varela, Lino Mouriño aseguraba que o deixa porque o necesita, para tomar un respiro e poder vivir.

Siguen sucedéndose as mostras de pesar polas víctimas mortais provocadas polos devastadores efectos da DANA en Valencia e Castela-A Mancha. Hoxe, primeiro día de loito oficial decretado polo goberno de España, a subdelegación do goberno en Pontevedra sumouse ao minuto de silencio.

O narco cambadés José Ramón Prado Bugallo, Sito Miñanco, acaba de obter o terceiro grao penitenciario nun Centro de Inserción Social de Segovia á espera do ser xulgado pola súa ultima causa aberta, a 'Operación Mito'.

A Deputación deu a coñecer hoxe as entidades gañadoras dos primeiros premios Boas Prácticas en Igualdade, un certame co que o goberno provincial quere distinguir ás iniciativas a prol da igualdade real entre homes e mulleres.

A Praza de Abastos de Dena, en Meaño, dispón dende agora dun sistema de climatización e ventilación "que mellorará a comodidade de praceiros e clientes".

O Concello do Grove está a realizar o acondicionamiento dun local municipal situado na zona de O Corgo co fin de destinalo a almacén.

Os setenta inmigrantes de Mali aloxados no Concello de Sanxenxo desde o pasado setembro están a recibir na Casa de Cultura de Dorrón un curso sobre seguridade viaria e primeiros auxilios.

A asociación de empresarios Emgrobes está ultimando os preparativos das Xornadas de Exaltación da Centola que se celebrarán entre o 11 de novembro e o 8 de decembro, chegando xa á 22 edición.

Ribadumia celebra hoxe a Festa de Samaín, que terá lugar no centro social de Barrantes, a partir das cinco e media da tarde. 

A Área Sanitaria de Pontevedra e O Salnés recuperou esta mañá os dous grandes recintos de vacinación poboacional fronte a gripe e a covid.

O Concello de Vilagarcía renderá homenaxe a cinco veciños, que, como consecuencia da Guerra Civil e da persecución posterior, foron deportados e acabaron en campos de concentración nazis.

Cambados estreou esta mañá as novas oficinas da planta baixa da Casa Consistorial reformada polo alumnado de carpintería e albañilería do Obradoiro de Emprego.

O Concello de Sanxenxo está a realizar a mellora da seguridade vial, accesibilidade e mobilidade o parque empresarial de Nantes.

Pensando no Día de todos os Santos, tamén en Ribadumia, ao igual que en prácticamente todos os concellos, realizáronse as tarefas de acondicionamento dos cemiterios municipais.

Adif iniciou en Valga as obras de supresión de dous pasos a nivel da liña Vilagarcía de Arousa-Bifurcación Angueira situados nos cruces cos camiños de Castiñeiras e Carracido.

Primeira xornada de folga no transporte urbano e interurbano en demanda da xubilación anticipada do sector que deixa incidencias de piquetes informativos nas estacións de Vilagarcía, Cambados e Pontevedra.

Augas de Galicia adxudicou por 236.000 euros o contrato para a explotación, conservación e mantemento do encoro de O Con, en Vilagarcía, por un período de 24 meses.

O Concello de Vilagarcía saca a licitación un préstamo por valor de 4,9 millóns de euros destinado ao plan de investimentos, polo mesmo valor, incluido nos orzamentos municipais.

Vilagarcía opta a reeditar as tres flores do certame "Vilas en Flor", o concurso, promovido pola Fundación Juana de Vega que se fallará a mediados de novembro en Salvaterra de Miño.

Vilanova continúa celebrando a Semana da Cultura na honra de Valle-Inclán, centrada hoxe na ofrenda floral ante a escultura do escritor celebrada este mediodía na Praza do Castro.

O Concello de Sanxenxo iniciou a renovación do valado de acceso á Ermita de A Lanzada cun investimento de 36.000 euros, cofinanciados con fondos Feder.

O alcalde da Illa de Arousa busca alternativas para a construcción de vivenda pública, especialmente para o desenvolvemento de pisos asequibles para a mocidade.

O PP da Illa acusa aos socialistas dunha “tráxica xestión” durante os 25 anos da historia do Concello ata colocar aos veciños coas rendas máis baixas de Galicia.

A limpeza da praia de Areas, enmarcada na Limpieza Simultánea promovida dende o colectivo ecoloxista Adega, retirou este domingo arredor de 61 kilos de lixo, sobre todo plásticos e restos de cordas. 

Localizada san e salva, ainda que con síntomas de hipotermia, a veciña de Ponte Caldelas de 67 anos que desaparecera o domingo cando facía sendeirismo en Fornelos de Montes.