Nova xornada de temporal, desta volta provocado pola borrasca Nils con alerta laranxa por ventos que poden superar os 80 kms hora e chuvias de máis de 40 litros metro cadrado en doce horas.

A Garda Civil abriu unha investigación para tratar de esclarecer as circunstancias que rodean o afundimento do bateeiro Nueva Santa Irene fronte ao porto de Meloxo, no Grove.

A Garda Civil, a Policía Nacional e o Servizo de Vixiancia Aduaneira manteñen un amplo desplegue operativo na Ría de Arousa en busca dun novo narcosubmarino.

A finalización das obras de humanización da fachada marítima do Ramal, en Vilagarcía, retrásanse ata o 30 de abril. O Concello aprobou a solicitude de Marconsa para ampliar o prazo de execución da obra.

Vilagarcía desenvolverá en 2026 un novo plan de calmado do tráfico consistente na instalación de medidas redutoras da velocidade nun total de dez rúas urbanas e rurais do municipio.

Sanxenxo adxudicará a Construcciones Castro Figueiro a rehabilitación do edificio Multiusos de Portonovo.

A situación do Grupo de Emerxencias Supramuniciais de Sanxenxo chega ao Parlamento galego a través de varias iniciativas presentadas polo BNG

Cambados traslada a celebración da programación de Entroido en exteriores para as últimas fins de semana de febreiro debido ao mal tempo.

Unha nova cadea de borrascas deixaranos de novo unha semana de chuvias e vento. Agora é a quenda da borrasca Nils, que chegou con vientos no demasiado fuertes, pero con precipitaciones muy abundantes de madrugada, ata preto dos 30 litros por metro cadrado nalgunhas zonas da comarca de Pontevedra.

En Cuntis, o río Gallo xa desbordou esta mañá nalgúns puntos da localidade e en Caldas tamén se está vixiante ante o caudal do río Umia, que previsiblemente seguirá crecendo durante a xornada.

En Meis, unha árbore caeu este sábado enriba do lavadoiro da Aldea Labrega, situada na Ruta da Pedra e da Auga, causando grandes destrozos.

As grandes cantidades de chuvia que levan caido dende que comezou o ano está a agravar a situación do marisqueo na ría de Arousa. O sector urxe á Xunta un plan de rexeneración integral cando as perdas chegan case aos 60 millóns de euros nos últimos cinco anos.

O Goberno de España abre a vía para que as persoas e entidades damnificadas polas borrascas dos últimos meses soliciten axudas para a recuperación tras declarar zonas afectadas por emerxencia de protección civil en 14 comunidades, entre elas Galicia.

A Fundación Municipal de Deportes e o Arosa Sociedad Cultural deciden trasladar o partido de liga desta fin de semana ao campo Manuel Jiménez ante o delicado estado da Lomba.

Vilagarcía contrata traballos extraordinarios por valor de 36.000 euros para reparar os danos que está a provocar a sucesión de temporais na rede viaria municipal.

O PP da Illa de Arousa reclama ao goberno local a paralización inmediata da imposición de multas de tráfico pola circulación nas zonas rexistrinxidas da vila ante o que denuncian como numerosas eivas e erros na súa xestión.

Pendentes da evolución da borrasca Leonardo. Hoxe mantense a alerta laranxa en todo o litoral por temporal costero nunha xornada na que a comarca de Pontevedra está a ser a máis afectada.

O PSOE reclamará á Xunta de Galicia e a Deputación Provincial un plan específico de axudas para que os concellos poidan facer fronte ás numerosas incidencias provocadas pola cadea de temporais.

Vilagarcía volve a urxir á Xunta de Galicia o arranxo das catro estradas de titularidade autonómica que atravesan a cidade "ante a ausencia de solucións e o agravamento do mal estado".

Sanxenxo prevé realizar ao longo de 2026 o 50% pendente de executar das accións de goberno comprometidas ao inicio do mandato co reto de chegar aos 20.000 habitantes.

A décimo cuarta edición do Plan Integrado de Emprego da Mancomunidade do Salnés forma a unha nova promoción coa intención de superar o record do 90% de inserción laboral.

O Solifest contará con Maneiro, ex cantante de Herdeiros da Crus, para encabezar o cartel do festival que se celebrará o 19 de abril no Piñeiriño en beneficio da asociación Amencer Aspace.

A borrasca Leonardo provoca a suspensión do servizo ferroviario co orixe e destino Vigo de forma indefinida mentres persistan as condicións meteorolóxicas.

Centos de persoas das nosas comarcas víronse afectadas por esta medida adoptada por Renfe ante a imposibilidade de garantir a seguridade nas vías nas zonas inundables existentes ao longo do trazado.

O PP denuncia "o caos ferroviario" coa provincia de Pontevedra "como unha das máis afectadas pola limitación da velocidade".

As farmacias de Arousa poderán ser Puntos Violeta tralo acordo impulsado pola Subdelegación do Goberno e o Colexio de Farmacias.

En Sanxenxo, Concello e Deputación asinan o convenio por importe de 920.00 euros para facer máis segura a Rúa do Río e un tramo da estrada provincial Portonovo-A Vichona.

Meaño inicia as obras de ampliación e mellora do vial municipal que vertebra a conexión da estrada EP 9302 co núcleo de viviendas do lugar de Carballoso en Xil.

A Área Sanitaria de Pontevedra e O Salnés pecha 2025 con 11 persoas doantes de órganos que permitiron realizar transplantes de 34 órganos a 28 persoas receptoras.

O clásico de Castelao "Os dous de sempre" chega o 7 de febreiro a Vilagarcía en versión teatral dirixida polo dramaturgo Quico Cadaval.

Tráxica xornada en Meis por un accidente mortal rexistrado no supermercado Froiz do Mosteiro. Falece un home de 36 anos, fillo da propietaria e traballador do mesmo, por intoxicación de monóxido de carbono.

Unha nova fase da operación Saona aumenta a 17 as persoas detidas polo doble alixo de cocaína descargado dende un submarino na Pobra do Caramiñal.

A Consellería do Mar e as confrarías abordan a situación dos bancos marisqueiros tralas fortes precipitacións das últimas semanas.

O BNG levará ao Congreso, o Parlamento de Galicia e aos concellos da ría de Arousa o proxecto da planta de almacenamiento de betún asfáltico que a empresa Betunes Gallegos S.L.U pretende instalar no porto de Vilagarcía.

O Grove comeza as obras de reforma integrar da rúa Lepanto coa sinalización da zona e o transporte de materiais.

Sanxenxo reparará como obra de urxencia unha focha producida polos efectos do temporal no muro de contención da Avenida de Pontevedra en Portonovo, na subida ao Miradoiro da Peixeira.

Vilagarcía celebrará o 20 de febreiro a cuarta edición do (In)fórmate, a Xornada Técnica sobre Formación e Futuro Laboral para orientar ao alumnado sobre a elección dunha carreira profesional.

A dragaxe do río Lérez, que afectará á ría de Arousa como punto de verquido dos sedimentos, comeza a súa tramitación. A actuación será licitada ao longo deste ano e a dragaxe propiamente dita comezará "como moi tarde" a principios de 2027.

O paro subiu en xaneiero en case todas as nosas comarcas, ainda que de xeito desigual por concellos. O Salnés iniciou o 2026 con 151 persoas máis sen traballo para un total de 4.519 e no Barbanza hai 18 desempregados máis cun total de 2.279 persoas sen contrato laboral.

As 5.000 persoas que na comarca do Salnés viven do sector da conserva teñen xa un novo convenio colectivo aceptado polos sindicatos CCOO e UXT e de cuxa negociación se desmarcou a CIG.

En Vilagarcía, a avenida Agustín Romero recupera a normalidade trala reparación do burato aberto no firme o pasado venres como consecuencia dun curso de auga subterráneo.

O plan de compostaxe que xestiona directamente o Concello de Vilagarcía evitou que 151 toneladas de residuos orgánicos de orixe domiciliario fosen parar á bolsa convencional do lixo o ano pasado.

A Deputación inicia as obras para a mellora da mobilidade peonil na estrada de Baión nas que investirá preto de 900.000 euros.

Sanxenxo sumou máis de 17.127 pernoctacións no municipio o pasado ano, un 10% máis que o mesmo mes do ano anterior.

Ribadumia celebrou o pasado ano un total de 28 matrimonios civís, a cifra máis alta rexistrada no municipio na última década.

O Festival Revenidas, que se celebrará en Vilaxoán do 10 ao 13 de setembro, anuncia as súas primeiras confirmacións: Evaristo, Rebeliom do Inframundo, Kumbia Queers, Ilan Amores, Arrhythmia, Sune e Nadie González.

Vilagarcía estrea este domingo a novena edición do ciclo musical "Achégate ao Salón!" co concerto do dúo madrileño Merino.

Minutos de silencio por un novo asasinato machista volve a tinguir de loito a provincia.

A Illa de Arousa avalía a reparación dos numerosos danos na vía e servizos públicos causados polo lóstrego caído na tarde do pasado venres.

Vilagarcía realizará esta semana a reparación da focha que se abriu o pasado venres na avenida Agustín Romero e Sanxenxo inicia a reparación dos desprendementos no Paseo de Silgar provocados polos temporais da semana pasada.

O vento dos últimos temporais empeora a situación do tellado do pavillón municipal de Catoira. O Concello solicita á Deputación que acelere a aprobación do proxecto para a súa renovación través do Plan de Infraestruturas Deportivas.

Meaño amplía o vial municipal interior que vértebra a conexión do lugar de Viliquín, o polígono industrial de Nantes e a autovia do Salnés.

Falece un home 80 anos tras ser atropelado na N-541 ao seu paso por Tenorio, no concello de Cerdedo-Cotobade.

Un pai e seu fillo resultan ilesos tras sufrir un accidente de tráfico en Vilanova de Arousa, na contorna do campo de fútbol de Pontearnelas.

Alertan por estafa no nome da organización do festival benéfico Solifest, que se celebrará o 19 de abril en Vilagarcía en beneficio da asociación Amencer-Aspace.

A festa infantil de Entroido de Vilagarcía ten como obxectivo este ano fomentar a comunicación emocional da cativada.

O Entroido de Cambados queimará o regulamento europeo de control da pesca tras un desfile con 20 carrozas e distribuir 10.000 euros en premios.

Tamén máis de 10.000 euros repartirá o Concello de Sanxenxo entre as persoas participantes no Desfile Infantil e Adulto que se celebrará o domingo 22 de febreiro ás 16 horas.

Cinco membros dunha mesma familia de Sanxenxo, tres adultos e dous menores, tiveron que ser trasladados de madrugada aos hospitais Montecelo e Provincial de Pontevedra debido a unha intoxicación por monóxido de carbono.

A regularización de persoas estranxeiras, previsto polo Goberno de España, podería traducirse, segundo UPTA, nun incremento de ao redor de 70.000 novas altas no Réxime Especial do Traballo por conta propia. Delas 5.000 en Galicia.

CIG e STEG comezan no colexio Armando Cotarelo de Vilagarcía unha nova fase do calendario de mobilizacións emprendido polo profesorado hai semanas en catorce centros educativos de Galicia de xeito rotatorio.

Vilagarcía vén de conceder licenza para as obras que permitirán poñer en funcionamento unha estación de carga de vehículos eléctricos no Museo do Ferrocarril.

O BNG do Grove e na Mancomunidade do Salnés acusan ao PP e ao presidente da entidade comarcal de “venderfumes” ao descartar agora a última solución proposta para o bastecemento de auga ao concello meco e demorar as obras da ETAP de Treviscoso .

A Corporación municipal de Cambados celebra esta tarde a primeira sesión plenaria do ano cun orde do día no que só figuran mocións dos grupos políticos e dacións de contas.

O Conservatorio Profesional de Música de Vilagarcía pon en marcha en febreiro un obradoiro infantil de musicoterapia para nenos e nenas de 6 a 12 anos.

Vai diminuindo a intensidade da borrasca Joseph á espera dunha nova fronte activa esta tarde noite . Seguimos en alerta laranxa por ondas no mar e en amerela por nevadas, pero, sen embargo, Meteogalicia asegura que a nova borrasca Kristin no afectará a Galicia.

Os concellos siguen pendentes da evolución dos cauces do Umia e seus afluentes menores que, en zonas especialmente sensibles como Caldas, Cuntis, Ribadumia ou Meis, anegaron estradas e fincas.

Loito en Sanxenxo polo falecemento do empresario turístico Carlos Troncoso Poceiro, aos 88 anos de idade.

Cambios no goberno municipal de Sanxenxo que axusta o seu organigrama. Trala marcha de María Deza en outubro, a Concelleira de Economía Facenda e Persoal, Paula Martínez, entregou hoxe a súa acta aducindo motivos persoais.

Finalmente, a avenida Juan Carlos I estará totalmente operativa en todo o seu trazado mañá, xoves 29 de xaneiro. Aprazase ao 5 de febreiro o corte de tráfico por obras nun edificio.

Vilagarcía reforzará diversos servizos municipais a partir de abril mediante a contratación de 33 traballadores a xornada completa por un período de 8 meses.

O Grove súmase á medida iniciada este verán na Illa de Arousa e instalará lectores de matrículas para controlar o tráfico nas zonas peonís.

Pontevedra terá uns orzamentos récord en 2026 que superarán os 103,7 millóns de euros.

A Deputación lanza "DepoPlay" unha canle dixital propia orientada a difundir contidos audiovisuais relacionados coa actividade institucional e coa provincia.

O Festival Internacional de Música Clásica de Vilagarcía celebrarase do 20 ao 27 de xuño. O proxecto da que será a novena edición foi aprobado esta semana pola Xunta de Goberno Local.

A borrasca Joseph sigue en Galicia e continuará alomenos ata o xoves deixando chuvia, vento e neve.

En canto as incidencias provocadas nas nosas comarcas pola borrasca Joseph nas últimas horas, foron numerosas pero afortunadamente todas leves.

Asimesmo, como era previsible, o Umia desbordou en varias zonas de Meis e Ribadumia, sendo de novo un dos puntos críticos a contorna do Club Náutico O Muíño.

Con todo, o maior preocupación sigue estando en Cuntis e Caldas, pendentes dos rios Gallo e Umia.

En Caldas, de madrugada desbordou o río Umia anegando todo a contorna de A Tafona e outros moitos puntos da localidade.

O subdelegado do goberno, Abel Losada, recrimina á Xunta que non decretase a declaración do nivel 2 de emerxencia e se limitase a facer "tarefas de oficina".

Sanxenxo tenta recuperar "certa normalidade" tralo ciberataque con extorsión virtual de 5.000 euros en bitcoins. Persoal de Ciberseguridade do Estado traballan nunha labor lenta que pode extenderse no tempo.

Vilagarcía contrata a Citani Arqueoloxía a redacción do proxecto de musealización do parque arqueolóxico do Castro Alobre.

En Meis, o antigo consultorio médico de Paradela é dende hoxe un punto de atención de Amicos para prestar axuda ás persoas da localidade e da comarca con discapacidade intelectual cara a súa integración laboral.

A Plataforma Sos Sanidade Pública do Salnés fai un chamamento á veciñanza para asistir á manifestación deste domingo en Santiago.