A Garda Civil investiga as circunstancias que rodean o falecemento dunha veciña de Cambados de 82 anos que foi atopada sen vida no interior dun pozo de auga, de entre catro e cinco metros, situado na horta da súa propia vivenda.

As delegacións arousás trasladadas a Fitur regresan xa tras dúas intensas xornadas de traballo para promocionar os seus destinos turísticos. No caso da Mancomunidade do Salnés, a súa proposta convida a unha nova forma de facer o camiño, dirixida ás persoas que queren combinar a peregrinaxe polas Rutas Xacobeas con experiencias e estancias de alto nivel.

Con gran satisfacción regresa tamén de Fitur o alcalde de Cambados, Samuel Lago, despóis de presentar a súa campaña promocional. O obxetivo, conseguir que a persoa visitante prolongue a súa estancia na vila e, ademáis, o faga durante todo o ano.

Para Vilagarcía, "o resultado non puido ser mellor: a visibilidade da campaña "A 3 horas ¡y un café!" xerou un impacto incalculable e o Concello fixo múltiples contactos con empresas do sector.

O Concello de Vilagarcía reúne hoxe a xunta de portavoces dos grupos municipais para abordar os cambios no rueiro co fin de adaptalo á Lei da Memoria Histórica. Esquerda Unida propón mudar, como mínimo, os nomes das rúas Rey Daviña, Juan Carlos I, Fariña Ferreño, ademáis das xa anunciadas polo goberno local de Conde Vallelano, Almirante Fontán e General Yague.

O Concello de Catoira vai converter a pista de pádel de O Campo nunha instalación deportiva con sistema de acceso intelixente que obrigará ao usuario a dispoñer dun código numérico para poder abrir a porta e utilizar o equipamento.

A Deputación de Pontevedra aprobou hoxe en Xunta de Goberno as primeiras achegas do Plan +Provincia 2025 por un valor de preto de 1,7 millóns de euros que beneficiarán a 13 concellos da provincia para impulsar novos investimentos e contratar a 120 persoas.

Turismo Rías Baixas presentou en Fitur, no espazo de TurGalicia e con numerosa presencia de público, a súa campaña de promoción turística" Cando Volves?, un audiovisual que, desta volta, pretende difundir os atractivos e ofertas do interior da provincia de Pontevedra,

A comarca do Salnés también está hoxe moi presente na segunda xornada de Fitur.

Cambados, divulga a súa oferta turística e gastronómica como Pueblo Mágico de Galicia e con presencia propia por primeira vez no stand de TurEspaña.

Previamente, a partir das 17 horas, de novo no espazo de TurGalicia, O Grove e Sanxenxo presentarán a segunda edición da Media Mararón Entre Rías e a Mancomunidade do Salnés divulgará a súa oferta turística coa alternativa de Outra forma de facer o Camiño,

En Vilagarcía, o avance nas obras de construción do tanque de tormentas, situado diante de Fexdega, provocará cambios temporais de tráfico a partir do luns 27 de xaneiro que afectarán principalmente á circulación na Avenida Rodrigo de Mendoza.

A Illa de Arousa proxecta a rehabilitación do Museo da Conserva mediante unha achega solicitada á Xunta de Galicia por valor duns 20.000 euros.

Vilanova executou dúas melloras na Escola Infantil municipal que supuxeron un investimento de 34.500 euros, financiados a través do Plan +Provincia da Deputación.

A comisión en memoria dos afogados da Arnosa, en Sanxenxo, conmemorará o 22 de febreiro o 85 aniversario do naufraxio que renderá homenaxe a cada unha das 23 víctimas da traxedia.

A organización do Festival Costa Feira desvelou hoxe o segundo artista que actuará en Sanxenxo este verán. O cantante Manuel Carrasco actuará en Nantes o 9 de agosto ás 22 horas.

A sala de conferencias do Auditorio Municipal de Vilagarcía acollerá este venres ás 20:00 horas a presentación da nova novela da autora Ana Lojo Chan, "Estela de Cartas. Alph@" da editorial Edificar Universos.

Pontevedra está inmersa na gala dos premios Feroz, que se celebra este sábado 25 no Pazo da Cultura, a partir das 22 horas.

Actualidade local e comarcal deste mércores 22 de xaneiro..

Seguimos co predominio das baixas presións nunha xornada de ceos cubertos e chuvias febles e intermitentes.

As temperaturas baixan a mínimas de 11 graos e máximas de 16.

Segundo as previsións de Meteogalicia, mañá xoves as borrascas atlánticas darán unha pequena tregua pero regresarán a partir do venres para prolongarse durante a fin de semana.

Investígase un posible axuste de contas relacionado co narcotráfico tras un suceso acontecido esta fin de semana en Vilanova no que se mistura un posible intento de estafa e un accidente de tráfico.

Un home veciño de Barcelona foi detido como suposto responsable no caso da veciña de Barro que descubriu que a súa exparella tentaba contratar a un sicario a través da internet escura “dark web” pagando 18.000 euros en bitcoins.

Un incendio urbano declarado esta madrugada nunha vivenda de dúas plantas ubicada en Pontearnelas, nas inmediacións da gasolinera, motivou o traslado de tres persoas ao Hospital do Salnés, afectadas por inhalación de fume.

Investígase un novo verquido contaminante rexistrado nas últimas horas no río Umia, na zona de O Piorno despóis da inversión realizada pola Xunta de Galicia por importe de 950.000 para acabar con este tipo de situacións.

A situación do libre marisqueo na ría de Arousa seguro que estará alomenos sobrevoando a reunión desta tarde en Santiago entre o conselleiro do Mar, Alfonso Villares, e os presidentes da Federación Galega de Confrarías de Pescadores e Federacións Provinciais. O encontro prodúcese horas despóis de que os patróns maiores da ría de Arousa volveran a clamar actuacións definitivas da Xunta.

A Xunta Local de Goberno de Vilagarcía vén de aprobar un plan de reparación de beirarrúas que se porá en marcha no casco urbano da vila de xeito inmediato cun orzamento de 48.000 euros.

O BNG de Vilagarcía denuncia o risco que supón o estado das obras que a Xunta de Galicia está a executar en Bamio para a construción da senda peonil que unirá Bamio con Carril.

A Illa de Arousa executará unha nova actuación de mellora no campo de futbol Salvador Otero cun investimento duns 100.000 euros que se financiará a través de fondos provinciais e un prazo de execución de dous meses.

Meis trasladará a Fitur a unha delegación encabezada pola alcaldesa Marta Giráldez cunha axenda propia na que manterán encontros con dous municipios asturianos que celebran, ao igual que Meis, a Festa dos Callos e a Feira Meus Viños.

Sanxenxo estará presente esta semana en Fitur dispoñendo, por quinto ano consecutivo, dun stand no espazo de Tur Galicia e promocionando os seus sendeiros azuis.

A sección cuarta da Audiencia Provincial de Pontevedra acolle hoxe un novo intento no xuizo por contrabando de tabaco contra a presunta organización que, segundo a Fiscalía, dirixía o exalcalde de Ribadumia, xa falecido, José Ramón Barral Martínez.

A partir de hoxe, e ata novo aviso, sete municipios da comarca do Salnés están afectados polo nivel alto de risco de gripe aviar, decretado polo Ministerio de Agricultura.

O goberno de Vilagarcía considera unha "tomadura de pelo" a actitude da Xunta de Galicia ante a reivindicación de que se dote á cidade dunha estación intermodal.

A veciñanza de Catoira afectada pola concentración parcelaria agarda unha pronta reacción por parte da Xunta para que dote ao procedemento, iniciado hai xa 25 anos, de máis inversión e medios.

O Concello de Meis da o primeiro paso para impulsar a constitución da primeira Comunidade Enerxética do municipio. A alcaldesa Marta Giráldez recibiu hoxe a visita do deputado Javier Tourís coa oficina móbil do programa +Renovables.

O alcalde de A Illa de Arousa, Luis Arosa, solicitará formalmente unha reunión con Portos de Galicia para abordar os procesos pendentes de reversión de uso e titularidade de terrenos litorales como a Praza de O Regueiro e a zona de O Campo, nas inmediacións da Casa Consistorial. 

O grupo municipal do BNG exprésase disconforme coa convocatoria do pleno extradordinario para o próximo 27 de xaneiro no que se abordará a aprobación provisional do PXOM, tralo informe favorable de Patrimonio outorgado no mes de outubro.

Sanxenxo prepara a súa presencia en Fitur a partir deste mércores revalidando ser, un ano máis, o referente turístico do norte de España: case 780.000 viaxeiros chegaron o pasado ano ao municipio, o que supón un 2,7% máis con respecto a 2023.

Vilagarcía pon en marcha una nova edición do programa de Inclusión e Capacitación Dixital dirixido a maiores de idade residentes en Vilagarcía.

Turismo de Pontevedra desembarcará a vindeira semana en Fitur cunha ampla axenda de actividades para divulgar o potencial "dunha provincia extraordinaria á que ir e volver", segundo indicaba esta mañá o presidente da Deputación, Luis López, que detallou os eventos programados pola institución provincial e que se desenvolverán no stand de TurGalicia.

A Xunta de Goberno provincial acordou o expediente para contratar as obras de mellora da seguridade viaria na estrada provincial entre Xil-As Covas-Barrantes cun investimento total de preto de 1,3 millóns de euros.

Luis López deu a benvida ao goberno provincial a novo deputado Ricardo Martínez, que se encargará das áreas de Novas Tecnoloxías e Contratación tras la salida para á Xunta de Isabel Couselo e anunciou a reorganización do seu equipo.

A Rúa Canto, en Sobrán, súmase ás as actuacións de mellora no rural que está a realizar o Concello de Vilagarcía, A intervención, por valor de 73.000 euros, supuxo o ensanche e pavimentación do vial, así como a construcción de bandéns para reducir a velocidade e o acondicionamiento da rede de drenaxe.

O parque empresarial de Nantes roza a metade da súa ocupación seis anos despóis da súa apertura. Segundo o Concello, o polígono volveu a crecer o pasado ano coa apertura de novas instalacións, de xeito que o 40% das parcelas xa teñen actividade ou están en fase de tramitación.

O Concello de A Illa pagará en sete anualidades de 51. 500 euros o importe de 361.000 euros que debe abonar ao Plan Nacional sobre Drogas pola adquisición de dúas parcelas embargadas a Marcial Dorado, onde prevé a construcción de vivenda pública.

Tras máis de dous anos de xestións, os 56.500 metros cadrados que conforman os terreos deportivos de O Pombal pasarán a ser de titularidade exclusiva do Concello de Cambados.

O alcalde de Catoira, Xoán Castaño, fai un chamamento á mobilización veciñal contra o que considera «improvisación continua da Xunta» en relación co proceso de concentración parcelaria iniciado hai 24 anos.

O Concello de Cerdedo-Cotobade, decretou tres días de loito oficial polo falecemento de Rita Gómez González, a veciña de Santa María de Sacos de 79 anos agredida brutalmente polo seu fillo o pasado 2 de xaneiro.

Novo operativo contra o narcotráfico no Salnés. Sete persoas foron detidas nun na operación desplegada durante esta madrugada conxuntamente pola Guardia Civil e a Policía Nacional na contorna de Vilanova de Arousa.

Tras diversos rexistros, os axentes incautáronse dunha importante cantidade de cocaína en fardos, ademáis dunha narcolancha.

En canto á ultima hora sobre o violento asalto sufrido por unha parella de Meis no seu domicilio de Paradela, a Garda Civil localizou nas proximidades da vivenda o coche roubado polos tres autores dos feitos. Dentro das hipóteses, o ataque investígase como unha posible débeda relacionada co narcotráfico a pequena escala na comarca.

O sindicato CIG denuncia irregularidades contractuais na empresa Pescadona, ubicada no Salnés, con tres centros de traballo na Illa Vilaxoan e Cambados. Segundo explicaba esta mañá a central nacionalista, maioritaria no comité de empresa, a firma mudou a maioría da plantilla subrogandoa a outra mercantil sen comunicación previa aos traballadores.

O goberno local de Vilagarcía plantexa hoxe aos grupos da corporación iniciar a revisión do rueiro para adaptalo á Lei de Memoria Histórica.

A Avenida de Conde de Vallellano, no centro urbano sería a primeira en cambiar de nome, xunto coa rúa de General Yagüe, en Trabanca Sardiñeira, e Almirante Fontán, en Vilaxoán.

O Concello de Vilagarcía porá en marcha a semana que ven en Madrid unha campaña turística aproveitando a celebración de Fitur con tres paneis de 5x2 metros coa ría de Arousa, o solpor e unha panorámica sobre a Illa de Cortegada na entrada e nos laterais da estación de metro principal que dá acceso á importante feira internacional.

O alcalde de Cambados, Samuel Lago reúnese hoxe en Madrid con responsables de Costas do Estado para abordar cuestións como a desafectación dos terreos de O Pombal para poder executar a urxente renovación da cubierta do pavillón, entre outras.

Sanxenxo e Poio analizan a posibilidade de acceder conxuntamente a fondos europeos destinados ao desenvolvementos sostible das entidades locais a nivel medioambiental.

Brutal asalto en Meis: a Garda Civil mantén un amplo operativo na comarca na busca dos tres individuos que sobre as 5 e media desta madrugada, encarapuchados e con lubas, asaltaron a unha parella na súa vivenda en Meis cando saían para o traballo. Segundo fontes da investigación, os asaltantes son de nacionalidade española e falaban castelán con acento galego.

"Cando Volves", a nova campaña de promoción turística das Rías Baixas que convida a redescubrir o interior da provincia. O audiovisual foi presentado en estrea hoxe nun hotel rural de Tomeza, en Pontevedra, por primeira vez antes que en Fitur.

O Conselleiro de Educación, Román Rodríguez, supervisou esta mañá o avance das obras de ampliación que se están executando no Centro Integrado de FP de Fontecarmoa. Os traballos están nos pasos iniciais de

emolición, cimentación e novos forxados.

O PP de Vilagarcía reclama ao goberno local melloras no recén inaugurado acceso a Trabanca Sardiñeira para evitar que se embarre a zona.

O BNG de Vilagarcía ven de solicitar unha xuntanza co alcalde Alberto Varela co fin de comprobar o estado dos diferentes proxectos incluidos no acordo de orzamentos a iniciativa do BNG.

A instalación de xeotermia no Centro Sociocultural ubicado nas Casas Modernistas será adxudicada no primeiro trimestre deste ano. Así o comprometeu esta mañá o deputado provincial Javier Tourís ao alcalde Luis Arousa nunha xuntanza celebrada no municipio arousán.

En Vilanova xa está todo preparado para a celebración mañá mércores da festividade de San Mauro. Como manda a tradición, a degustación de callos nos diferentes locais hosteleiros da vila sumarase, un ano máis, aos actos litúrxicos.

O Belén de Valga pechou este domingo a súa edición máis exitosa con record de visitantes. Un total de 45.000 persoas achegáronse dende a primeira fin de semana de decembro a ver a montaxe navideña declarada de Interese Turístico de Galicia  

O Servizo Galego de Saúde prevé que a vindeira semana se chegue a un nivel “alto” de risco asistencial no pico da gripe, que aumenta en incidencias tralos encontros do nadal pero ainda en fase crecente.

Previsiblemente a penúltima de xaneiro, prevese que aumenten as hospitalizacións. De momento, na área sanitaria de Pontevedra e O Salnés, hai arredor de medio centenar de doentes ingresados con patoloxías respiratorias.

O proxecto Louceiros de Bamio, promovido polas Mulleres Rurais de Bamio para a recuperación e difusión do pasado oleiro do lugar, chega ao Museo do Pobo Galego, en Santiago cunha exposición temporal que se inaugurará este mércores 15 de febreiro.

A piscina municipal de Sanxenxo aumentou a súa actividade durante o pasado ano. Segundo os datos do balance feito público hoxe polo Concello, as instalacións rexistraron en 2024 un total de 121.265 accesos, o que supón un 5% más que en 2023.

A Mancomunidade do Salnés sigue estreitando relacións estratéxicas coa comunidade chinesa coa súa presencia en dous eventos celebrados en Madrid: a Ceremonia de renovación da Asociación General de Quingtianes en España e a Gala de Ano Novo Chinés.

A Deputación presentará mañá en Tomeza, Pontevedra, a campaña de promoción turística do 2025 antes da súa difusión a nivel nacional na Feira Internacional de Turismo FITUR.

José Carlos Eirín, condenado polo asasinato de Jéssica Méndez en Barro alega no seu recurso ante o TSXG ; “O máis probable é que me quedara durmido" Fiscalía e acusación solicitan que se manteña a pena de 22 años de cárcere.

A Sociedade Filarmónica de Vilagarcía comeza o ano cun concerto do violinista, Guy Braunstein, xunto ao pianista israelí Itamar Golan o 18 de xaneiro ás 20:30 horas no Auditorio Municipal de Vilagarcía.

O Centro de Acollida e Protección de Animais que xestiona a Deputación, o CAAN, tramitou máis de 600 adopcións e rescatou a máis de 1.200 animais, segundo o balance realizado hoxe polo presidente provincial Luis López.

O Fexturron, o parque de atraccións de nadal de Vilagarcía instalado en Fexdega, bateu este ano todos os records con máis de 80.000 visitantes procedentes de toda Galicia, Madrid, País Vasco, Castela e León e tamén de Portugal.

O Concello de Sanxenxo concluíu o acondicionamento dos xardíns de Baltar anexos ao skatepark gañando un novo espazo de encontro con bancos e iluminación nunha contorna que alberga a maior concentración de instalacións deportivas municipais.

O Monte Central da Illa de A Toxa permanece pechado ao público como medida de precaución e seguridade adoptada polo Concello despóis de que un xabarín atacase a dúas persoas que paseaban polo parque.

O Club Remo Puebla xa ten as chaves da nave cedida por Portos de Galicia que utilizarán como nova sede tralo voraz incendio que calcinou as súas instalacións no día de Reis.

Inditex iniciou as negociacións co comité de empresa para acometer o peche da tenda Massimo Dutti situada na rúa Benito Corbal de Pontevedra, que afectará a 17 traballadores, algúns con máis de 25 anos de antigüidade.

No marco de IV Plan de Igualdade do Concello de Vilagarcía, o Centro de Información á Muller (CIM) acaba de convocar o XIX Premio para a igualdade de xénero, "Boas prácticas na escola", para o curso 2024-2025.

A Fundación GaliciAme organiza a I Xornada para familias e doentes con Atrofia Muscular Espinal que se celebrará o 25 deste mes de xaneiro na Casa da Calzada, en Cambados.