O Centro de Acollida e Protección de Animais que xestiona a Deputación, o CAAN, tramitou máis de 600 adopcións e rescatou a máis de 1.200 animais, segundo o balance realizado hoxe polo presidente provincial Luis López.

O Fexturron, o parque de atraccións de nadal de Vilagarcía instalado en Fexdega, bateu este ano todos os records con máis de 80.000 visitantes procedentes de toda Galicia, Madrid, País Vasco, Castela e León e tamén de Portugal.

O Concello de Sanxenxo concluíu o acondicionamento dos xardíns de Baltar anexos ao skatepark gañando un novo espazo de encontro con bancos e iluminación nunha contorna que alberga a maior concentración de instalacións deportivas municipais.

O Monte Central da Illa de A Toxa permanece pechado ao público como medida de precaución e seguridade adoptada polo Concello despóis de que un xabarín atacase a dúas persoas que paseaban polo parque.

O Club Remo Puebla xa ten as chaves da nave cedida por Portos de Galicia que utilizarán como nova sede tralo voraz incendio que calcinou as súas instalacións no día de Reis.

Inditex iniciou as negociacións co comité de empresa para acometer o peche da tenda Massimo Dutti situada na rúa Benito Corbal de Pontevedra, que afectará a 17 traballadores, algúns con máis de 25 anos de antigüidade.

No marco de IV Plan de Igualdade do Concello de Vilagarcía, o Centro de Información á Muller (CIM) acaba de convocar o XIX Premio para a igualdade de xénero, "Boas prácticas na escola", para o curso 2024-2025.

A Fundación GaliciAme organiza a I Xornada para familias e doentes con Atrofia Muscular Espinal que se celebrará o 25 deste mes de xaneiro na Casa da Calzada, en Cambados.

Un novo operativo desmantelou unha banda albanesa de narcotráfico implicada na introducción de droga no porto de Vigo con máis de 1.000 kilos de cocaína incautados e nove persoas detidas.

O exconcelleiro de Somos Ribadumia, Enrique Oubiña, compareceu esta mañá ante o Xulgado de Primeira Instancia e Instrucción número 2 de Vilagarcía como investigado trala denuncia do alcalde de Ribadumia David Castro polo perfil satírico co nome do rexedor, xa eliminado, na rede social Facebook.

O Concello de Vilagarcía inicia as obras de rehabilitación da cuberta do edificio da casa consistorial, despois de que se detectasen filtracións no Salón Nobre e nunha antesala da da fachada principal que estaban danando os teitos e os elementos decorativos do interior.

A oficina de asesoramento para inmigrantes da ONG Accem comenzará a funcionar o próximo 29 de xaneiro na sede dos Servizos Sociais do Concello en Portonovo, una vez ao mes e con cita previa.

Cambados e Vilanova todavía manterán o alumeado navideño uns días máis. No primeiro caso, as luces non se apagarán ata este domingo para animar as compras no comercio local nesta primeira semana de rebaixas. En Vilanova, volverán a prenderse o día 15 de xaneiro con motivo da festa de San Mauro.

O Servizo Municipal de Emerxencias e Protección Civil de Cuntis presentou a súa memoria anual relativa a 2024, que reflicte unha intensa actividade, destacando especialmente os operativos preventivos e a atención a accidentes de tráfico.

O Concello de Vilagarcía participará este ano por primeira vez no Club de Debate promovido por varios municipios de Galicia co fin de fomentar o uso do galego en contextos formais e informais.

O Concello de Cambados disporá a partir de febreiro dun Centro de Capacitación Dixital na Casa de Cultura de Vilariño para impartir cursos de informática gratuitos.

O Colexio O Cruceiro xa ten a súa propia cápsula do tempo na que se resguardarán para sempre as manualidades e vídeos realizados polo alumnado durante a ludoteca de Nadal.

Investíganse as circunstancias de dous dous accidentes, afortunadamente sen víctimas, rexistrados nas últimas horas en viais de Ribadumia.

Os vehículos implicados en ambos casos ainda permanecían esta mañá á espera de ser retirados das cunetas onde acabaron.

A Deputación de Pontevedra executará a mellora da seguridade viaria na estrada provincial entre Xil, Covas e Barrantes. O proxecto inicia o proceso de licitación cun orzamento de 1,3 millóns de euros, financiados íntegramente polo organismo provincial, e un prazo de execución de seis meses.

O Concello de Vilagarcía avanza na reforma integral do campo de Berdón.

Nesta ocasión, a Xunta de Goberno Local acordou a mellora dos vestiarios, que inclúe a colocación de dous novos acumuladores de auga e a instalación de nove urinarios. O investimento é de 4.500 euros.

O PP de Vilagarcía critica “a inacción do goberno de Varela con respecto ao PXOM” e denuncia “unha nova mentira” por parte do executivo municipal.

Segundo aseguran os populares, o Goberno de España ratificou por escrito que desde xaneiro de 2022 no recibiu ningún papel do Concello relativo ao Plan Xeral.

O Concello de Sanxenxo adheriuse ao plan “Concellos reto demográfico +Renovables” da Deputación, con fondos provinciais e estatais do IDAE e financiación europea, para optar a unha subvención de 113.000 euros destinada á instalación de 185 paneis fotovoltacios na cuberta do pavillón municipal de Baltar.

O Concello do Grove ven de rematar a renovación do parque infantil do colexio Rosalía de Castro. A actuación está financiada a través do remanente de tesourería, que xa está executado no 60%, e enmárcase no plan de mellora dos espazos infantís do municipio.

Último episodio do conflicto xurdido no sector do marisqueo a pé da Confraría do Grove. A patroa maior, Mari Carmen Besada, atribúe a crise a unha “campaña de desinformación e manipulación da realidade".

O comercio ‘Tijeras diseño’, situado na rúa Castor Sánchez, foi o gañador do concurso de escaparatismo de Nadal organizado polo Concello de Vilagarcía. Un primeiro premio que supón unha recompensa económica de 595 euros.

A Policía Local investiga as circunstancias do accidente acontecido esta pasada noite na recta de Rubiáns, en Vilagarcía, no que faleceu un repartidor de Glovo, de 37 anos, tras colisionar a motocicleta que conducía contra un taxi fora de servizo no que viaxaban dúas persoas, pai e fillo, este último de 20 anos.

En Sanxenxo, as obras que o Concello está a executar no Miradoiro da Peixeira provocan dende hoxe e ata o venres cortes do tráfico rodado nun tramo da Avenida de Pontevedra.

O Club de Remo da Pobra traballa para retomar a actividade tralo voraz incendio rexistrado nas súas instalacións na madrugada deste luns.

A directiva xa se reuniu para que os seus 150 remeiros poidan volver aos adestramentos o antes posible.

Un total de 481 embarcacións de 24 países diferentes recalaron no puerto deportivo Juan Carlos I durante o pasado ano. A cifra, segundo o balance que ven de publicar o Concello, supón un lixeiro incremento de máis do 2,5% respecto ao ano anterior.

Vilagarcía e Ribeira, xunto con Bueu e Vigo, poden acollerse ás axudas convocadas este ano pola Xunta, por importe de algo máis de 140.000 euros, para o impulso de iniciativas que promovan o desenvolvemento sustentable das poboacións asociadas ao Parque Nacional marítimo-terrestre das Illas Atlánticas de Galicia.

Hoxe 7 de xaneiro, a Illa de Arousa e Pontecesures celebran San Xulián.

No primeiro caso, homes e mulleres saen vestidos cos mellores traxes como se fora o epílogo de Fin de Ano. Mentres, Pontecesúres celebra hoxe o primeiro festivo local do ano na honra de San Xulián con actos relixiosos, aos que se suma pola tarde a Festa do Churro.

Dende Pontevedra, o BNG deu inicio hoxe ao Ano Castelao nun acto celebrado no Teatro Principal cunha declaración institucional pronunciada pola voceira nacional da formación.

Tamén dende Rianxo, o Partido Galeguista, con la colaboración de la Asociación Etnolóxica de Rianxo, súmase á conmemoración do 75 aniversario do pasamento de Castelao cunha programación enmarcada no Ano Castelao.

O asilo de Cambados finaliza o traslado de residentes e pecha definitivamente as súas portas e o presidente da Mancomunidade do Salnés desvela aos alcaldes socialistas a súa proposta para que a comarca volva a contar cunha residencia de maiores.

A fórmula presentada por David Castro é calificada polos rexedores en termos de “tomadura de pelo ou insulto á intelixencia”.

O socialista Juan Manuel Rey despediuse esta mañá públicamente da vida política despóis de asinar a súa renuncia á alcaldía tras 18 anos de mandato.

En Vilagarcía, finaliza o curso de manexo de drons patrocinado polo Concello que xa traballa nunha nova edición para o 2025, tendo en conta a alta demanda e tamén a alta calidade do traballo feito.

O Obradoiro de Hostaleria do Salnés inicia a súa 16 edición consolidándose como un dos proxectos de referencia na comarca.

Os concellos que integran o xeodestino "Mar de Santiago" dispoñen dunha folla de ruta para o desenvolvemento urbano e o progreso socioeconómico nos próximos anos.

O Concello de Vilanova ten preparada para este sábado a tradicional Festa Infantil de Nadal que comezará ás 17 horas no pabillón multiusos.

Ademáis de xogos, inchables e pintacaras, este ano tamén haberá un toro mecánico.

O Cemiterio municipal de Rubiáns é dende hoxe Lugar da Memoria Democrática”

Colectivos da memoria e familiares das víctimas, acompañados de representantes institucionais e da Universidade de Santiago, descubriron o monumento en lembranza dos dezasete veciños e veciñas de Vilagarcía asasinados durante a represión franquista e soterrados nunha fosa común.

Portos de Galicia vén de aprobar o documento de Delimitación de Espazos e Usos Portuarios (DEUP) do porto de Sanxenxo así como o informe favorable ao Plan Especial de ordenación portuaria de Santo Tomé e Tragove, en Cambados.

O Centro Cultural de Corvillón estrea a renovación da carpintería exterior do inmoble tras un investimento de algo máis de 30.000 euros, cofinanciados entre o Concello de Cambados e a Xunta.

O Grove saiu á rúa nunha concentración de condena pola agresión sufrida por un veciño da localidade durante o encontro de balonmán cadete femenino entre o Sanxenxo e o Rasoeiro.

En Sanxenxo, A Casa Mariñeira de Don Fernando volverá a ser este ano un antigo pobo nevado para recibir a Papá Noel.

O colectivo vilagarcián Arousa Moza, do que forman parte os tres mozos coñecidos pola súa participación no concurso Reacción en Cadena, inaugura este venres oficialmente o seu novo local en Vilagarcía, no que se ofrecerán talleres para todas as idades, poñendo o foco, sobre todo, nos xóvenes.

Primeiras reaccións ante o dictamen da Comisión Europea contra a prórroga concedida a Ence polo goberno de Mariano Rajoy para permanecer na ría de Pontevedra ata o ano 2073.

O subdelegado do goberno en Pontevedra, Abel Losada, lamentaba esta mañá as “consecuencias negativas” das prórrogas concedidas por gobernos do PP a AP-9 e ENCE e rexeitaba "a maneira hipócrita de facer política” dos populares.

A Biblioteca Municipal “Rosalía de Castro” actualiza as normas de uso para adaptarse aos novos tempos, tanto pola alta demanda, que se incrementou dende o seu traslado á nova sede na rúa Castelao, como polas novas tecnoloxías e os novos medios de transporte individual.

O grupo municipal de Esquerda Unida de Vilagarcía demanda ao goberno local que traballe na creación de novas prazas públicas en residencias da terceira idade.

O Concello de Meis amplía a súa aposta pola separación de resíduos orgánicos en orixe inaugurando esta mañá o terceiro centro de compostaxe comunitario do municipio, ubicado na Avenida de Cambados.

A Consellería de Sandidade licitará nas próximas semanas a redacción do proxecto do novo centro de saúde de Meis por 142.451 euros, coa previsión de contratar e iniciar as obras en 2026.

A alcaldesa de Meis, Marta Giráldez, acollía a nova con satisfacción ainda que recriminaba á Xunta o retraso no proceso e poñía en valor o traballo realizado polo goberno local.

En Caldas, todo está preparado para o relevo na alcaldía. O socialista Juan Manuel Rey asinará mañá a súa renuncia tras 18 anos como alcalde que se fará efectiva no pleno extraordinario previsto para o luns 23 de decembro.

O persoal do Balneario Illa da Toxa continúa coas mobilizacións en protesta polo ERE extintivo decretado polo grupo Hotusa para, finalmente 21 traballadores.

A Fundación Amigos de Galicia iniciou hoxe en Alcampo Vilagarcía a súa campaña navideña “Comparte ilusión” para que ningún menor en situación de vulnerabilidade quede sen agasallo nestas datas.

Un ano máis, o Concello de Vilagarcía premiará aos comerciantes e hostaleiros que máis se distingan na decoración dos seus locais con motivos de Nadal, contribuíndo así á animación das rúas e o ambiente festivo propio destas datas.

A violencia no deporte exténdese tamén a disciplinas como o balonmán con lamentables feitos como o acontecido esta fin de semana en Vilalonga, no partido de categoría cadete femenina entre o Sanxenxo e o Club Rasoeiro.

O avó do árbitro de encontro resultou ferido grave tras recibir un empurrón por parte do pai dunha das xogadoras do Rasoeiro que lle provocou unha caída e un golpe na cabeza.

A Garda Civil de Tráfico puxo en marcha esta mañá a campaña de Nadal para controlar o consumo de alcohol e drogas ao volante, contando coa colaboración da Policía Local dos concellos de Sanxenxo, Poio, Cuntis, Moaña, Marín e Gondomar.

Os axentes intensificarán a súa presencia con centos de controis preventivos en toda a provincia para incentivar a condución responsable e sen abuso de substancias.

En Sanxenxo, o avance das obras en A Peixeira obriga a restrinxir o tráfico na Avenida de Pontevedra desde hoxe e ata o 20 de decembro.

O cemiterio municipal de Rubiáns acollerá este mércores, día 18, o acto de descubrimento do monumento que lembrará ás vítimas da represión da Guerra Civil e que, segundo a memoria histórica, foron soterradas nunha fosa común. Rubiáns converterase así no primeiro “Lugar da Memoria Democrática de Galicia”.

O Concello de Caldas disporá de 1.452.000 euros, concedidos por parte do Ministerio de Industria, Comercio e Turismo, para a recuperación da Carballeira e do Xardín Botánico.Trátase dunha axuda financiada con fondos europeos Next Generation.

O Concello de Ribadumia programa para estas festas unha recollida de xoguetes para Cáritas e a segunda edición do CarNadal, que, en colaboración coa Anpa do colexio Julia Becerra Malvar, se celebrará este sábado día 21 na Praza do Concello a partir das 17.30 horas.

Como cada ano, Meis celebrará o 22 de decembro unha nova edición da Feira do Galo de Corral, que ademáis nesta ocasión contará coa visita de Papa Noel e un mercado navideño.

Nova traxedia no mar. Un mariñeiro do Grove, José Rey Domínguez, de 75 anos, faleceu esta mañá a consecuencia do afundimento do barco bateeiro no que se encontraba xunto coa súa filla, patroa da embarcación, e o seu xenro.

Segundo as primeiras informacións, parece que un posible corremento da carga tería provocado o envorcamento da embarcación, quedando o falecido enganchado no guindastre e ao non saber nadar non puido sair a flote.

O grupo internacional de atracadores desartellado coas últimas detencións no sur da provincia tiña como base loxística de operacións e apoio nunha vivenda situada en Vilanova, na parroquia de Corón.

O Concello de Cambados prosigue cos actos do ano Asorey, con novas actividades organizadas pola Concellería de Cultura para a vindeira semana.

Sanxenxo estrea este Nadal o programa esta “Un chocolatiño quente?”, unha iniciativa da Concellería de Servizos Sociais e Maiores para axudar ao Banco de Alimentos e a Cáritas,

A Asociación veciñal O Piñeiriño inicia este venres o seu Nadal Solidario con teatro e concertos en beneficio de Cáritas.

A Sociedade Filarmónica de Vilagarcía pechará o ano cun gran concerto lírico con entrada de balde no que soarán coñecidas cancións napolitanas, romanzas de zarzuelas e arias de ópera.

Nova importante para o sector bateeiro..O goberno de España, a través do Ministerio de Transportes e Mobilidade Sostible, garante a seguridade marítima na recolección da mexilla mediante unha nova norma que permite aos bateeiros obter o despacho da embarcación para operar na costa.

As mariscadoras de a pe da ría de Arousa seguran sentirse totalmente abandonadas pola Xunta de Galicia. Consideran que a Xunta está promovendo un cambio no modelo productivo do sector e fan un chamamento á mobilización deste domingo en Santiago en contra de Altri.

Valga recibirá a partir de mañá, e de forma escalonada ata o día 16, a un total de 173 migrantes de entre 20 e 40 anos procedentes de países subsaxarianos en conflicto, especialmente de Mali.

Portos de Galicia e o Concello de Vilanova acordaron hoxe a a proposta definitiva para a reversión ao Estado, e éste posteriormente á administración municipal, dos terreos declarados innecesarios para a actividade portuaria no municipio.

Vilagarcía inicia a renovación do sistema de apertura do contedor marrón e o cambio das chaves tarxeta.

O Concello de Sanxenxo xa dispón do primeiro protocolo de actuación para a derivación a aloxamentos locais de vítimas de violencia de xénero en casos excepcionais e de urxencia.

O CEIP de Ribadumia rexistrou actos de vandalismo durante a pasada fin de semana como a pintada de grafitis nas portas, columnas e nos muros exteriores, rotura de fiestras a queima de cartóns no recinto escolar.

Inaugurada en Meis a exposición ‘Amigo, dáte conta’, organizada pola Delegación do Goberno en Galicia con motivo do Día Internacional da Eliminación da Violencia contra as Mulleres.