O Festival de As Revenidas de Vilaxoán empeza a conta atrás para unha nova edición que se celebrará do 18 ao 20 de agosto.

O evento, integrado dentro dos Festivais Rías Baixas, presentouse esta mañá no parque de Dona Concha con presencia institucional da Xunta e da Deputación e do músico Xurxo Souto, que lle adicou unha orixinal posta en escea.

Así o recollemos en AROUSA PONTEVEDRA DIA A DIA.

Ledicia en Caldas porque a finca e a fábrica de Segadem coñecida popularmente como a “fábrica da luz”, xa son propiedade do Concello, tras 5 anos de trámites.

O alcalde, Juan Manuel Rey, non oculta a súa satisfacción despois de conseguir pechar co representantes de Gas Natural Fenosa, ata agora propietaria dos terros, o acordo de compra-venta.

A adquisión realizouse a través do Plan Concellos da Deputación, cun investimento de 70.000 euros.

O obxectivo municipal é que este enclave se convirta nunha zona de desenvolvemento turístico. En todo caso, a posta en marcha de calquera proxecto será a longo prazo e mesmo despóis desta lexislatura.

O plan de usos do edificio da fábrica todavía está por definir e aprobarase en pleno da corporación.

O que sí está máis avanzado é a creación dunha ruta de sendeirismo que unirá Segade co parque natural de Barosa, en Barro. Ademáis, prevese tamén un proxecto paisaxístico.

Para elo, o Concello pretende contar de novo co respaldo da Deputación.

Así o decía esta mañá o alcalde, Juan Manuel Rey, nunha rolda de prensa acompañado da presidenta da Deputación, Carmela Silva, que de seguida recolleu a petición e comprometeu unha nova colaboración da institución provincial.

O Concello de Vilagarcía está disposto a facer un sobreesforzo para que a Festa da Ameixa de Carril se celebre o 20 de agosto pero recoñece que o evento non terá as dimensións doutros anos.

A portavoz de goberno, Tania García, e o Concelleiro de Servizos, Lino Mouriño, reuníronse de novo este mediodía con representantes da Confraría para analizar o Plan de Autoprotección presentado polos promotores da Festa.

No encontro non estivo presente o patrón maior, José Luis Villanueva, por cuestións de axenda, e por tal motivo as conclusións quedaron pospostas para unha nova reunión que terá lugar mañá ás 13 horas.

Segundo explicou a portavoz municipal, a Confraría debe correxir algúns defectos do Plan, que, en todo caso, “son subsanables” pero preferiu non desvelar ata a reunión con Villanueva.

Sí reiterou que deben ser os organizadores os que sufraguen o custe do mesmo.

A confraría prevé a presencia de catro gardas de seguridade, en contacto permanente coa policía local, e unha ambulancia, que, segundo a avaliación do informe, sí serían suficientes para a cobertura da seguridade do evento.

Pola contra, segundo o concelleiro de Servizos, Lino Mouriño, “imos ter problemas para cubrir todas as necesiades loxísticas da Festa”, como no caso de mesas e limpeza.

Pese a todo, o goberno local está disposto a facer un “sobreesforzo para buscar alternativas nalgúns aspectos”.

Así o explicaban ao remate do encontro nunhas declaracións que recollemos en AROUSA PONTEVEDRA DIA A DIA.

O programa da Cidade Europea do Viño tamén terá unha Feira Medieval, que se vai desenvolver do 18 ao 20 de agosto na Praza de Fefiñáns.

Os asistentes poderán observar voos de cetreiría e exhibicións de aves rapaces, mercar nos postos de artesanía ou degustar racións de polbo.

Ademáis tamén haberá atraccións infantís, malabares e zancudos e espectáculos de fogo.

Os organizadores animan a veciños e visitantes a asistir vestidos de época.

Os detalles nolos contaba un dos organizadores, o representante da Asociación de Rapiñas do Salnés, acompañado polo Concelleiro de Enoturismo, José Ramón Abal, no acto de presentación do evento, que tamén contou coa presencia dun buho e un águila, e que recollemos en AROUSA PONTEVEDRA DIA A DIA.

Vilanova prepárase para un mes de agosto cheo de actividades gastronómicas, culturais e musicais.

Unha delas será a Festa do Mexillón e do Berberecho, declarada de Interese Turístico de Galicia, que se celebrará entre o 10 e o 13 de agosto no Xardín Umbrio.

A carpa gastronómica será xestionada este ano pola Sociedade Deportiva Chispa de Corón, que preparará 15.000 kilos de mexillón e berberecho en distintas especialidades.

O evento foi presentado esta mañá nunha batea no medio da ría coa presencia do alcalde de Vilanova, Gonzalo Durán, o presidente do clube, Manuel Angel Resúa, e o tenente de alcalde de Vilanova, Javier Tourís, nunha rolda de prensa que recollemos en AROUSA PONTEVEDRA DIA A DIA.

Os visitantes e veciños que se acheguen á Festa do Albariño poderán dipoñer de Wifi gratuita de alta velocidade no entorno do Paseo da Calzada, punto neurálxico do evento, e tamén na Praza do Concello.

A proposta parte da Mancomunidade do Salnés en colaboración co Concello de Cambados para, ao tempo, dar cumplimento á normativa europea que obriga á instalación de redes de internet aberta en todos os edificios públicos.

Por tal motivo, os repetidores manteranse activos permanentemente unha vez que remate a Festa do Albariño.

A maiores, o Concello acaba de conceder o permiso ao operador de Orange para instalar o cableado de fibra óptica no casco urbano.

Son os detalles dunha rolda de prensa celebrada esta mañá no Paseo da Calzada de Cambados coa presencia do Presidente da Mancomunidade do Salnés, Gonzalo Durán, e o Concelleiro de Enoturismo de Cambados, José Ramón Abal, que recollemos en AROUSA PONTEVEDRA DIA A DIA.

O Concello de Vilagarcía crea unha nova iniciativa para promover os proxectos dos emprendedores e fomentar a creación de emprego.

Trátase dos Premios Emprende Vilagarcía, cuxa convocatoria está xa aberta.

O prazo de presentación dos proxectos remata o 11 de agosto e a resolución do xurado será o 29 de agosto.

O certame establece tres categorías de igual dotación: mellor iniciativa empresarial, actividade comercial máis innovadora e mellor proxecto turístico relacionado co mar.

As tres ideas gañadoras serán premiadas cunha mentorización individual no espazo coworking “Dalle Que Dalle” durante tres meses e un capital sémola de 3.000 euros.

A través destes premios, o Concello de Vilagarcía pretende premiar as iniciativas emprendedoras de carácter local e favorecer a visibilidade dos emprendedores, impulsando a creación de novas empresas que na súa formulación e desenvolvemento implican a promoción económica do concello e a elaboración de novos produtos e procesos, e en consecuencia unha optimización dos de recursos locais.

Por iso, a Concellería de Promoción Económica que dirixe Juan Antonio Pérez Callón anima aos emprendedores a presentar un proxecto viable e con garantías de futuro, que se adapte ás esixencias do concurso.

O primeiro Premio de Emprendemento Concello de Vilagarcía – Emprende VGA se dirixe a emprendedores, startups, micropymes, autónomos de diversos campos, estudantes universitarios ou ciclos, cun proxecto de negocio viable en fase de desenvolvemento, con actitude innovadora e colaboradora.

Os premiados terán un prazo non superior aos 6 meses para poñer en marcha o seu proxecto.

Así o explicaba o concelleiro de Promoción Económica, Juan Antonio Pérez Callón, no acto de presentación, acompañado da representante do Coworking Dalle Que Dalle, Raquel Argibay, que recollemos en AROUSA PONTEVEDRA DIA A DIA.

A Mancomunidade do Salnés contará este vindeiro curso con dous Obradoiros de Emprego concedidos pola Xunta de Galicia.

Concretamente, repite o de Hostelería do Salnés, que será a XI edición cunha inserción laboral do 100% , e estrea o Obradoiro Salnés Tecnolóxico e Ambiental.

En cada un deles formaranse 20 alumnos desempregados, que percibirán o salario mínimo interprofesional de 707 euros

Como novidade, todos os obradoiros amplían a súa duración a 9 meses.

No caso do Obradoiro de Hostelería, destinado para todos os concellos da comarca do Salnés, formaranse en cociña e restaurante-bar e, ao aumentar o período de formación, poderá convalidarse cunha titulación oficial de cociñeiro ou camareiro (antes axudantes).

En canto ao Obradoiro Salnés Tecnolóxico e Ambiental, destinado aos concellos de Meaño, Meis Ribadumia e Vilanova, os alumnos instalarán redes WiFi nos edificios públicos dos catro concellos, ademáis do adecentamento de espazos públicos e xardineria.

A inversión total para os dous obradoiros será de 700.000 euros, dos que 580.000 serán financiados pola Consellería de Emprego e Industria.

A presentación dos cursos formativos tivo lugar esta mañá na sede da Mancomunidade en Exposalnés, coa presencia do delegado territorial da Xunta en Pontevedra, Cores Tourís e representantes dos concellos implicados.

Os detalles explicabaos o delegado territorial, Cores Tourís, e o xerente da Mancomunidade, Ramón Guinarte, nunha rolda de prensa que recollemos en AROUSA PONTEVEDRA DIA A DIA.

Cambados segue enchendo de contido o programa da Cidade Europea do Viño.

Nesta ocasión, será un Desfile de Moda da deseñadora cambadesa Eva Soto que se celebrará o venres 11 de agosto nos xardíns do Pazo de Fefiñáns a partir das 22.30 horas.

Eva Soto presentará unha colección de 18 pezas creada en exclusiva para a Cidade Europea do Viño.

O evento estaba previsto para este vindeiro sábado pero tivo que cambiarse de data debido a problemas de axenda.

A entrada será libre con invitacións, que poden recollerse dende o luns na Oficina de Turismo de Cambados.

Así o explicaba esta mañá o concelleiro de Enoturismo, José Ramón Abal, na presentación do Desfile, acompañado pola deseñadora cambadesa, que recollemos en AROUSA PONTEVEDRA DIA A DIA.

O servizo de autobús ao Hospital do Salnés verase reforzado a partir do 8 de agosto dentro do Plan de Transporte da Xunta de Galicia.

Serán 5 novas viaxes de ida e volta nos días de semana, que, partindo dende O Grove e A Illa, darán cobertura aos demáis municipios da comarca.

Tamén haberá servizos as fins de semana, con dúas expedicións os sábados, domingos e festivos.

Segundo a Conselleira de Infraestructuras, Ethel Vázquez, deste xeito “duplicarase” o servizo de transporte ao Hospital do Salnés.

Así o explicaba ao remate dun encontro co presidente da Mancomunidade do Salnés e alcalde de Vilanova, Gonzalo Durán.