As Sonatas de Verán volven a Vilanova de Arousa un ano máis pero ademáis, desta volta incluen un espectáculo de folclore internacional.

Baixo o nome de “O Mundo a Danzar” catro grupos de danza e música en directo procedentes de Chile, México, Taiwan e Rusia actuarán no Xardín Umbrío de Vilanova o 5 de agosto a partir das 22.30 horas.

O espectáculo terá unha duración de dúas horas e contará con máis de 200 bailaríns e músicos no escenario.

O Concello agarda máis de 2.000 asistentes a este espectáculo de danza internacional, promovido dende Portugal e Ourense, que se presentaba esta mañá en Vilanova coa presencia dos organizadores e o goberno local, que recollemos en AROUSA PONTEVEDRA DIA A DIA.

Un ano máis, o BNG celebra o 25 de xullo en Compostela coa xa tradicional manifestación que partirá ás 12 do mediodía dende a Alameda de Santiago.

Pero ademáis, por segundo ano, a formación nacionalista conmemora tamén a data en Vilagarcía.

Será este venres 21 de xullo ás 19 horas no Parque da Xunqueira.

Os detalles explicábanos esta mañá o responsable comarcal Manuel Domínguez e a deputada no Parlamento Galego, Montse Prado, nunha presentación do acto que recollemos en AROUSA PONTEVEDRA DIA A DIA.

A asociación Zona Centro de Cambados premiará un ano máis á peña que, segundo o xurado, mellor defina nas súas camisetas o espíritu da Festa do Albariño.

O colectivo de comerciantes e o Concello presentaron esta mañá o xa tradicional concurso de camisetas do Albariño, que este ano incorpora un premio adicional de 100 euros con motivo da capitalidade europea do viño.

Un xurado formado por membros da Asociación de comerciantes elexirá a camiseta gañadora, e a dous finalistas.

O primeiro premio será de 300 euros, o segundo de 200 e o terceiro de 100.

O prazo de presentación dos deseños é ata o venres 4 de agosto e os interesados en inscribirse deberán presentar un exemplar da camiseta e cubrir unha ficha cos datos dun membro da peña nas oficinas de Zona Centro, na rúa Ourense nº8, de 9 a 14 horas.

Os detalles do que é xa todo un clásico da Festa do Albariño nolos conta o Concelleiro de Promoción Económica, Xurxo Charlín, nun acto acompañado do representante de Zona Centro Miguel Solla e que recollemos en AROUSA PONTEVEDRA DIA A DIA.

As obras de construcción do auditorio do Esteiro “progresan adecuadamente” nunha situación agora de bo entendemento entre Concello e Deputación.

Así se puso de manifesto na reunión da comisión de seguimento celebrada esta mañá no Pazo Provincial coa asistencia do alcalde, Gonzalo Durán, e o deputado Carlos López Font, ademáis de técnicos provinciais.

O rexedor vilanovés estima que o novo auditorio estea listo para mediados de febreiro do vindeiro ano, tal como afirmaba nunhas declaracións ao remate da reunión que recollemos en AROUSA PONTEVEDRA DIA A DIA.

Cambados inaugurou este mediodía a Festa da Vieira, que chega a súa 16 edición e que se celebrará durante toda a fin de semana.

A apertura da carpa de degustación, ubicada no Paseo da Calzada realizouse nun acto que contou coa presencia de representantes da Xunta e da corporación municipal.

O evento gastronómico, organizado pola Confraría de Pescadores, conta este ano coa colaboración de tres estrelas Michelín: Beatriz Sotelo, Inés Abril e Leonor Costiña encárganse da elaboración de tres platos e a tradicional empanada de vieira.

As novedosas recetas deste año son: Vieira con crema de apio, nabo e tomate seco; Arroz negro con vieira e aguacate e Iozas de vieira con caldo afumado.

Os prezos por cada ración mantéñense como en edicións anteriores en 8 euros.

Os detalles nolos contaban en AROUSA PONTEVEDRA DIA A DIA a alcaldesa de Cambados, Fátima Abal, a secretaria xeral de Pesca da Xunta, Mercedes Rodríguez, e o patron maior da Confraría de Cambados, Ruperto Costa.

A praia de O Ariño en Vilanova é dende hoxe o primeiro areal da comarca de O Salnés que se converte en praia sen fume.

O Concello accedeu á petición da Consellería de Sanidade para integrar este espazo dentro da Rede de praias nas que está prohibido fumar.

A elexida foi a praia de O Ariño, que é un pequeno areal ubicado entre O Terrón e a pasarela peonil que conecta co casco urbano, sendo moi utilizada polos veciños do municipio.

Nos seus accesos quedaron xa instalados esta mañá os sinais da Rede de Praias sen Fume, ademáis de banderas e diferente cartelería, durante un acto no que estivo presente o alcalde, Gonzalo Durán, e que recollemos en AROUSA PONTEVEDRA DIA A DIA.

As demandas do colectivo de celadores do Hospital do Salnés chegarán ao Parlamento de Galicia a través do grupo parlamentario de En Marea.

A formación política presentará diversas iniciativas na Cámara galega reclamando que se incremente o persoal necesario tralas ampliacións hospitalarias e en contra do peche da terceira planta durante o verán.

Foi a conclusión da visita que esta mañá realizaron ao centro hospitalario comarcal os deputados do grupo parlamentario de En Marea, Eva Solla e Marcos Cal, na que se reuniron coa Xunta de Persoal e co colectivo de celadores.

Así o explicaba a deputada Eva Solla ao remate do encontro nunhas declaracións que recollemos en AROUSA PONTEVEDRA DIA A DIA.

O segunda edición do programa Vives-Emprega que se desenvolveu en Vilagarcía durante catro meses conseguiu a inserción laboral de 9 persoas.

O proxecto, promovido pola Fundación Acción contra a Fame e o Concello de Vilagarcía, financiado co Fondo Social Europeo, clausurouse esta mañá, coa presencia do alcalde, Alberto Varela e a concelleira de Benestar Social, Tania García.

Os organizadores preparan xa unha nova convocatoria, cuxo prazo de inscrición comeza o día 17 de xullo, e desenvolverá entre agosto e decembro do ano en curso.

A responsable do proxecto, Silvia Gálvez, e o alcalde Alberto Varela resaltaban a implicación das participantes durante o acto de clausura que recollemos en AROUSA PONTEVEDRA DIA A DIA.

O goberno de Vilagarcía quere rematar coa situación de insalubridade provocada polas fincas nas que se acumula a maleza e que ocasionan un risco para as persoas e o medio ambiente.

Farao iniciando o procedemento de execución subsidiaria: dará un prazo de 10 días aos propietarios das parcelas para que procedan a limpeza das mesmas.

Se non é así a administración municipal encargarase do traballo mediante unha empresa contratada pasando a factura ao dono da finca e abrindolle un expediente sancionador.

Así o explicaba esta mañá o alcalde de Vilagarcía, Alberto Varela, nunha rolda de prensa que recollemos en AROUSA PONTEVEDRA DIA A DIA.

Por outra banda, o Concello de Vilagarcía tamén se ocupará de mellorar a zona verde da Praza de España, tralas queixas veciñais recibidas.

Instalarase un sistema de rego ademáis de analizar qué tipo de terra é a máis idónea para ese césped.

Unha actuación que explicaba a concelleira de Urbanismo, Paola María Mochales, lembrando que se trata dunha obra heredada do anterior goberno.

Un cento de nenos participarán dende o vindeiro luns e durante duas semanas no Campus Internacional Pablo Coira con procedencias de diferentes paises de Europa, EEUU, Oriente Medio e Latinoamérica.

Así o explicaba esta mañá o promotor da iniciativa durante a recepción celebrada no Concello de Vilagarcía, que recollemos en AROUSA PONTEVEDRA DIA A DIA.